صور غرفتي في سكن سينيكا

ههههههههههههههههههه

يسلمو على الردود ياشباب

اخوي ابو رعودي

بخصوص الكاب حقك والله ما ادري ايش الي حطو في الشنطة عاد تعرف قبل لا اسافر اي شي في طريقي حطيتو في الشنطة

هههههههههههههه

وبخصوص وضعي للاسعار مو عشان ابغى الاعضاء يعطوني قطه ولا شي حطيتها علشان افيد الاعضاء الي جيين تورنتو ويعرفو انه الاسعار مولعه لكن المكافئه ترى حلوة وبتكفيهم وزيادة

وبخصوص الي يستفسروا عن المكافئه المفترض استلم شيك في اليومين هذي حيجيني على البريد

فيه مبلغ الايام من يوم ما وصلت الى تورنتو الى اخر الشهر وبعد كدا كل اخر شهر راح ينزل المبلغ اوتوماتيكا على حسابي

يعني ما اتاخرو في صرف المكافئه وبدأ الصرف عليا فعليا من اول يوم وصول لي لكندا بس تعرفو على بال ما افتح ملف في الملحقية تتاخر الفلوس اسبوعين علشان يرسلولك الشيك بعد ما يفتحو لك الملف

اختي الين الروح ترى ايجار الغرفة 650 يعتبر جدا رخيص

بعض الجامعات تاجرك غرفة زيها بـ 1050 دولار في الشهر هذي غرفتي الخاصة صحيح ولكن فيه مطبخ وحمام مشترك مع روميتي الي عنده غرفة زيها وبصراحة روميتي واحد سوري ونظيف جدا ومحترم وما راح القى زيه بالاضاففة الى ثلاجة كبيرة في المطبخ وميكرويف ولا ادفع فواتير كهرباء ولا مويه والتلفون مجانا وايضا انترنت وايضا تلفزيون في الغرفة اعتقد انه السعر رمزي بصراحة

اما بالنسبة للاسعار ودبل الدبل زي ما بتقولو فبصراحة الشي الي تشتريه من السعودية بريال هنا تاخده بدولار

يعني الريال عندكم يساوي دولار هنا وهذا الكلام منطقي لا تقعد تحسب وتقلي الدولار بيساوي اربع ريال وعندكم الاسعار اربع اضعاف

لمن تحسب هنا احسب الدولار كانه ريال وانتهى الموضوع

يانمنم تحسب نفسك حتجيني بكرة وتخرب ام الغرفة

اصلا حابلغ حقين الموظفين الي شغاليين تحت في السكن اقلهم اول ما يجي النمنم لا تدخلوه

لوووووووووووووووووووول

وتقبلو خالص تحياتي .... محبكم KaLaNgO

أخي الكريم KaLaNgO اشكرك على جهودك في هذا المنتدى الرائع ...........(والغرفة جدا جميلة . ربنا يوفقك)

اتمنى منك ان توضح لنا كيف نبدأ في اجراءات السكن ؟
يعني قبل ما نجي على كندا هل نحجز في فندق ؟ أو نتجه الى المعهد حتى يوفر لنا سكن ؟ ترى مهموم من هذي النقطة (السكن )

هل تنصح بالسكن العائلي ؟ او السكن الجامعي ؟

كيف نبدأ في اجراءات السكن العائلي اذا كان هو الأفضل ؟

ما هي الشروط التي يجب أن تتوفر في السكن (عدم وجود الكلاب (أكرمكم الله ) الأكل(وعدم وجو دهن الخنزير فيه ) ) أتمنى منك أن تذكر جميع الشروط التي ترى أنها تتوافق معنا (كشباب سعودي )

هل لنا الحق في أن نشترط أو لا ؟


ادري اني كثرت عليك . لكن الله يعينك علينا . اتمنى أن ترد كما عودتنا ...

ولك مني جزيل الشكر al_shaikhy

اخوي al_shaikhy

اكيد قبل لا تجي تحجز السكن حقك

الا اذا انك تبغى تجي وتجلس في فندق كم يوم على بال ما تدور على سكن فراح تخسر فلوسك كلها كذا

انا انصحك تدبر سكن قبل لا تجي

انا حجزت بسكن المعهد وقلت لهم تاريخ وصولي كدا ودفعت لهم تامين السكن عن طريق موقعهم اون لاين وجيت على السكن مباشرة...

وفضلت سكن المعهد على العائلة لانه السكن في نفس الكلية يعني 5 دقايق وانا في الكلاس

وايضا الاخ دودي كول وضع رد في موضوعي السابق عن ميزات سكن الكلية اقرا كلامه على هذا الرابط وراح تستفيد كثير

http://mbt3th.us/vb/showpost.php?p=458476&postcount=56

وبخصوص اذا رايح لسكن العائلة راح تشوف العائلة اذا عندها كلاب ولالا وتقدر تغير من عائلة لاخرى او تشترط على المعهد انه يشوف لك عائلة ما عندها كلاب وبخصوص الاكل فارى ان تتساهل في موضوعه ولا تعقد نفسك في اقل الامور فقد تكون مضطرا في بعض الاحيان للتنازل

تحياتي لك .... KaLaNgO

عزيزي كانجلو لا تهتم لي الشباب إلي يبغو يحبطوك خليك اسد و ما يهزك ريح ان شاء الله تتوفق في دراستك و كل شي يكون تمتم معاك و بصراحه إنتا مرا بتفيدنا و من جد كتر خيرك يا عسل .

بس ممكن اعرف ايش الشي السيء في معهد lica إليي في تورنتو و ليش معهد الجامعه افضل .. بس المشكليه إللي انا شايفها إنو معهد الجامعه مليان شباب سعودين و انت عارف وقت اللغه الواحد ما يبغى يتكلن عربي عشان تتسهل اللغه الانجليزيه في معهد الجامعه في180 سعودي و في المعهد التنني تقريبا 20 الفرق مرا كبير ؟؟؟؟؟؟؟؟؟؟؟؟؟؟؟؟؟

مع تحياتي و شكري المتكرر للك

البرو بن عدوان

اخوي البور بن عدوان

هذا واجبنا يالغالي وما راح اقصر في اي معلومة ممكن اقدر افيدكم فيها

لعلمك الخاص روح ادرس في معهد الجامعه ومعاك 200 سعودي ولا تروح تدرس في معهد ilac وكان اختيار فاشل من قبل الوزارة

انتا راح تدرس سواء بسعوديين او من غيرهم وقت الدراسة دراسة وقت اللعب لعب

خلاصة الموضوع انا في كلية سينيكا بادرس اللغه فيها وليا اسبوعين الان في الكلية في الاسبوعين هذي جانا قرابة 5 - 10 طلاب سعوديين محولين من ilac الى كلية سينيكا لدراسة اللغه لرداءة وفشل معهد ilac بجميع المقاييس بصراحة وكان اسوء اختيار اختارته الملحقية وهذا لاضطرارهم له علشان الي بيخلص عندهم راح يدرس في جامعة مني عارف ايش لكن راح يدرس وهو مهو فاهم شي لانك المعهد سيء جدا وبيننا الايام.....

انا لا اتحطم من سوء رد اي احد من الشباب والرد الي ما يعجبني اطنشه ولا ارد عليه ولا كانه كتب شي اساسا وما تشيل هم وان شاء الله كلنا اخوان ومابيننا حقد او كره ودربنا خضر

وفي الاخير .... تقبل مني ارق التحايا اخوك KaLaNgO

الله يعطيك العافية KaLaNgO . اشكرك على الرد السريع ......

قبولي في المعهد التابع لجامعة YORK واسمه http://yueli.yorku.ca/

كيف أقدر احجز من خلال الموقع وادفع التأمين . ترى ما عندي خلفية .ما قد جربت قبل كذا . ......... معليش تعبتك معي ...........

تحياتي لك ................ al_shaikhy

هلا اخوي al_shaikhy

على فكرة جامعة يورك صعبه ومعدها قوي

ومن سلبيات المعهد هذا انه اغلب ادارته ومدرسينه يهود ويكرهو العرب وخصوصا السعوديين ويتعمدوا ترسيبهم لاقل سبب فاجتهد ولا تتفاجئ في يوم من الايام اذا رسبوك في مسوى ولا اثنين

المعهد هذا ما عندهم سكن غير من شهر مايو الى اغسطس وبعد كدا لازم تخرج من السكن وتدور لك على عائلة ولا شقه وهذي مشكلة بحد ذاتها ومشكلة الشقة ولا العائلة بتكون بعيده عن الجامعة

فالله يعينك وبخصوص حجز السكن اتصل بالجامعه وراح يفيدوك اكثر مني

على فكرة جامعة يورك كانت احدى خياراتي لدراسة اللغة ولكن بعد ما اتفاجئت بالحاصل فيها قررت البقاء في سينيكا ودراسة اللغة بها

انا اعطيتك الي عندي وتقبل خالص تحياتي...

والله أسعتنا بالصور ولا تنسانا بكل جديد إن شاء الله وترقبنا كلها شهر ونص إن شاء الله وحنا عندك

اشكرك من قلبي اخي KaLaNgO على ردودك ....................

وتقبل تحياتي .......................al_shaikhy

kalango
ماشا الله الصور مره منظمه
يديك العافيه
تدري ما احب الخدامه تخش غرفتي و لما اجي ارفع غرفتي( مية ساعه)
وتتكرب فثواني بس لما تكون مقربعه ترفعلي الضغط
فأضطر اول مايطيح شي علارض اشيله طوالي
يديك العافيه علمعلومات
وسدد الله خطاك