شروط الدراسه في كندا على الحساب الخاص !

والله يا اخوي اتوقع لازم تاخذ الموافقة بعد القوانين الجديد هذي لو ما اخذت الموافقة ورحت هناك ما راح يضموك للبعثة
المنتدى مليان شروحات التسجيل في الموقع وفتح حساب

تمنياتي لك بالتوفيق والنجاح

الموافقه لابد منها. . ادخل موقع الملحقيه ومن ثم ادخل قسم الدارسين ع الحساب الخاص . ودور الحصول ع موافقه او تصريح ابتعاث. راح تلقاه وبتلقى شروطه ومتطلباته واكثرها مثل متطلبات الفيزا الكنديه. . موفق

وعليكم السلام ورحمة الله وبركاته

الموافقة ضرورية وناخوك وملفك ماراح يقبلونه في الملحقية لحد ماتجيب موافقة من الوزارة انك تدرس على حسابك الخاص ،، وطبعا الدعوة سهالة ومافيها تعقيد وبامكانك تسويها ونت في بيتكم ،، بس لابد من توفر الاوراق المطلوبة :

تفضل هالرابط/
الصفحات - إعلان إطلاق الخدمة الإلكترونية للحصول على موافقة الوزارة للدارسين على حسابهم الخاص في الخارج
طبعا وناخوك ماتقدر تقدم على الموافقة الا عقب ماتستلم الفيزا ،،، وضروري تجيب قبول جامعي ( غير قبول اللغة ) ،، انا اعرف واحد راح لمهم قبل كم يوم وقالوله مانقدر نمشي لك اوراقك لحد ماتجيب قبول جامعي ،، اما باقي الاوراق المطلوبه فهي بسيطه .

فاذا ماقدمت ع الفيزا للحين انتظر لحد ماتستلمها وعقبها انتظر قبول الجامعه يجيك ثم توكل على الله وقدم ،، ومثل ماذكرت لك التقديم عن طريق النت يعني يمديك تقدم حتى وانت في كندا ،،، واذا تشوف ان اوراقك كامله ان شاءلله ونسبة قبول الفيزا كبيرة فقدم من الحين على قبول جامعه عشان ماتتأخر اوراقك .

بالتوفيق

الله يعطيكم الف عافيه ي اخوان

والله يجزاكم خير


ماقصرتوا وشاكر ومقدر


وفقني الله وياكم

انا رحت للوزاره بالرياض وقلت لهم اني بطلع لامريكا ع حسابي
قال لي الموظف ما يحتاج الموافقه وتقدر تاخذها حتى لو انت في امريكا

والله اعلم

الموافقة لابد منها وناخوك ،، او ماراح تقدر تفتح ملف في الملحقية ،، وتفضل هذا الكلام من موقع الوزارة نفسها /
* علماً بأن الملحقيات الثقافية السعودية بالخارج لن تقوم بفتح ملف دارس على الحساب الخاص، ولن تستقبل طلبات الإلحاق بالبعثة للدارسين على حسابهم الخاص ما لم يكن لديهم موافقة مسبقة من الوزارة قبل السفر، وذلك اعتباراً من تاريخ هذ الإعلان.

وبخصوص الموافقة تقدر تأخذها من الخارج لانك اساسا راح تقدمها عن طريق الانترنت ،، لكن من باب توفير الوقت يحاول الواحد يحضر كل الاوراق المطلوبة من قبل مايسافر ويقدمها بأسرع مايمكنه عشان ينضم باقرب وقت ان شاء الله .

بالتوفيق