استفسار عن معاهد تابعه للجامعة في كندا

المعاهد التابعه للجامعات كثيره وهي مجملها تعتبر جيده من الناحيه التعليميه ... فانت حدد اهدافك .. مثل المدينة او التخصص او الجامعه عشان نقدر نخدمك.

المكافأة ولله الحمد كافيه

انا مااعرف شي عن معاهد كندا
لاكن ابي اسالك اش رايك في معهد بريتش كولمبيا اتمني اللي عنده معلومات كافيه عن ذا المعهد يزودني فيها
لان افكر اجيب قبول منه خلال هاليومين

وايضا اللي عنده فكره عن اجراءات الفيزا الكندية وهل هي تتاخر او لا لان الفيزا الامريكية تاخرت علي كثير وانا ماحولت من امريكا الا بسبب الفيزا

ماحولت من امريكا الا عشان الفيزا ؟
من جدك ولا تمزح ؟
الحياه والدراسه يبي لها صبر وأنت باين عليك ماعندك صبر ... فما اعتقد يضبط معك موضوع كندا لان جامعاتها يبي لها قلب لايتعب ولا يرتاح ... عموما هذا شي راجع لك

من ناحية المعهد فهو معهد اكاديمي تابع للجامعه .. يعني بمجرد ماتنهيه تدخل الجامعه ... المعهد موجود في مدينة فانكوفر وهي أحلى مدن كندا وأغلاها باعتقادي ويعيبها ان الامطار فيها كثيره ولكنها جميله جدا ... الفيزا الكنديه اخذت معي اخر مره شهر واسبوع على ماطلعتها لكن اسمع انهم سرعوا الاجراءات ... نصيحتي لك انك ماتروح فانكوفر لان الجامعه اللي انت مختارها هي واحده من الجامعات الصارمه في التعليم بكندا.
الأفضل انك تروح جامعة نيوبرانزوك .. جامعه جيده ولكن مدينتها سيئة من ناحية الخدمات

موفق يارب ان شاءالله

انا بكمل 122 يوم في انتظار الفيزا الامريكية اعتقد ان الانتظار كذا مبالغ فيه يعني تبيني انتظر اكثر من كذا !!!ومو معنات هالكلام اني اضيع نفسي واقول لازم اصبر (الصبر له حدود )
وانا اعرف ان الحياة والدراسة يبي لها تعب وصبر ...
ومااعتقد ان جامعه بريتش كولمبيا ولا معهدها زي معهد جامعة واشنطن اللي بسياتل واللي ترتيبها 16 عالميا بينما بريتش كولمبيا 39 عالميا
وهذي الجامعة اللي انا مقدم على معهد اللغه التابع لها
وفي كل الاحوال انا طالع لغه فقط وحاب اني اكتسب لغه قوية والدراسة ساقرر لاحقا اي دولة
عموما مشكور اخوي

إذا كان هدفك لغه ... فقدم على معهد جامعة مانيتوبا .. وعلى فكره اللغه بشكل عام تعتمد على الطالب .. لا على جامعة برتش كولومبيا ولا غيرها

كيف معهد اللغه فيه ... اذا لك تجربة افدني فيها

معهد اكاديمي مكون من خمس مستويات كل مستوى مدته اربع اشهر ... يركزون لك على جميع المهارات .. بحيث ان الطالب يطال بتقديم بزنتيشن اسبوعيا بالإضافة الى كتابة مقالات ... يعني معهد جيد لكن لايعني ان هو الافضل ... ممكن ان فيه افضل منه

اذا انت درست فيه عطني نصيحتك ...

أنا درست بمعهد آخر مادرست فيه ... لكن خوياني درسوا فيه ومن كلامي معهم ومقارنتي للمعهد تبعي ... اشوف ان هو افضل من المعهد اللي كنت فيه بكثير ,, يعني بشكل عام كل الطلاب اللي دخلوه مدحوه .. محد ذم فيه ... بس زي ماقلت لك لايعني ان هو الأفضل لاني ماقارنته بالمعاهد الاخرى اللي برا ولاية مانيتوبا ولكن يعتبر افضل معهد موجود في ولاية مانيتوبا.