استفسار عن شيك الطاالب

من ناحية التسديد ... ما اظن تقدر تروح للبنك كذا من دون مايكون عندك حساب معهم ... فأنت شف احد من خوياك يكون عنده حساب في أحد هاذي البنوك وخله يسوي لك شيك بحسابه

أما من ناحية كشف الحساب فعادي تقدر تجيبه من أي بنك

موفق

طيب اخوي انا عندي حساب في البنك الاهلي بس موقف من فترة هل اذا حدثت حسابي ذا ااقدر اجيب الشيك مع العلم انا طالع ع حسابي الخاص وكفيلي اخوي

وعليكم السلام ورحمة الله وبركاته

يارجال شوف ،، خذ معك 500 ريال كاش ،، وروح لم البنك الاهلي وقوله ابي شيك للسفاره الكندية بمبلغ ( 125 دولار كندي ) ،، واهم شي تعطيه السبلنج وتتأكد عقب مايكتبه لك من السبلنج لان اي حرف ناقص او غلط بيرجع لك الشيك ،، ومايحتاج يكون معاك حساب ولا شي .

زميلي لساء مطلع شيك قبل شهر تقريبا ،، وماسألوه عندك حساب ولا شي .

بالتوفيق

تمام إذا مثل ماقال قوطي فاضي لأن بحد علمي ان البنوك ماتعطي شيك مصدق من دون حساب .. لكن يبدو انهم غيروا سياستهم

الله يعطيكم العافية

طيب هذا الاسم الي راح يوجة لة الشيك
صح علي ولا انا غلطان
The General Receiver for Canada

The Receiver General For Canada


هذا نسخته مثل ماهو مكتوب بموقع الفيفا
http://www.alfifa.com/Embassy/embassy.html

أهم شي عقب مايكتبها لك تأكد انت من الاسبلنج لان اوقات يلخبطون فيها .

وتعديل بسيط يالغلا /
الزميل اللي قلت لك عنه مطلعها قبل شهر كاش اتصلت عليه قبل شوي ويقول ان ماعنده حساب في الاهلي لكن مطلعها من حساب زميله موظف في البنك نفسه ،، يعني الكاش مايقبلونه مثل ماقالك الاخ الماسي ،، ونا حسبته مطلعها كاش .

علعموم انت اطلع للبنك بالـ 500 ريال ،، وان شفت واحد ابن حلال بالانتظار قوله السالفة والمبلغ اللي يخصمونه من حسابه تعطيه اياه كاش ،، وعيال الحلال واجد ماراح يقصرون معك ابد .

والعذر والسموحه مره اخرى ونشكر الأخ الماسي لان رده نبهني وخلاني ادق ع الرجال .

بالتوفيق

جزاكم الله خير وماقصرتو