أحتاج لمشروتكم ..

انا من رأيي ياعزيزي انك تدور الجامعه الأسهل واعتقد ان جامعة

University of Ontario Institute of Technology

هي الأسهل فيما بينهم ... لاني اصلا مش شايف اي ميزه راح نستفيد بها لو تخرجنا من جامعه قويه ( يعني بالنهايه وانت خريج اوطى جامعه ,, راح تتوظفون وبنفس الراتب ) فليه تعذب نفسك وتختار جامعات معقده ... واذا فيك تشوف لك اسهل من هاذي ,, فاختار الاسهل

أشكرك يالغالي .. ولكن مستوى الجامعة وتعليمها لن يؤثر في مجال التوظيف ؟؟

اخي الكريم ..
شوف تصنيف كل جامعه منها لدى التعليم العالي السعودي ..
هل هي a أو b أو c وهكذا ...
طبعا كونك خريج جامعه ( سي ) مثلا .. فأكيد بيأثر عليك عند التوظيف ... لان بيكون هناك مفاضله .. فلو حصلو واحد خريج جامعه ( أي ) وانت (سي ).. أكيد بيفضلونه عليك ...
لذا انا اشوف الوسط حلو ... وهو ( b (

تحياتي ،،

لم أكن أعلم عن هذا التصنيف .. أشكرك يالغالي على الإفادة

هو كلامك ياخوي منطقي من ناحية التصنيف ... لكن بحد علمي لم اسمع اي مشاكل من ناحية التوظيف فيما يختص بالجامعه ... يعني اهم شي انك خريج جامعه وعندك هندسه ... بل لو انك خريج جامعه غير معترف بها من السعوديه ,, فيمكنك ان تتوظف بالشركات بينما لايمكنك التوظف بالدواير الحكوميه مالم تعادل الشهاده ... والمعنى ان اي جامعه تتخرج منها ان شاءالله راح تتوظف لكن في كلام الأخ hno-1990 وجهة نظر.

أختلف معك بهالنقطه ... صدقني تصنيف الجامعه جدا مهم عند التوظيف... لأن في الوقت الحالي .. المبتعثين كثر .. لذا خريجي جامعات الخارج كثر وكلهم يبون الوظيفه .. والوظايف محدوده طبعا .. لذا يتم المفاضله بينهم على عده اعتبارات ومن ضمنها قوه الجامعه المتخرج منها المتقدم ..
وايضا حتى المعيدين والمعيدات اذا جابوا قبول من جامعه برا .. احيانا يرفضها مجلس القسم لانخفاض مستوى الجامعه .. صديقاتي صار معهم كذا .. واضطروا يغيرون الجامعه ويجيبون قبول بجامعه اخرى اقوى ...
لذا انا انصحك بتصنيف b ... لاني اشوف انه معقول .. والوسط زين ..

تحياتي ،،

هو صحيح كلامك لو كنا نتكلم عن المعيدين .. فعلا عندهم شروط في الجامعات بحيث تكون من فئة معينة .,.. بس طبعا هذا الشي للمعيدين لان هم راح يرجعون ويعلمون بالجامعات وتكون لهم صلة مباشرة بالتعليم الاكاديمي ... فشي طبيعي ان الجامعه تأخذ هالمسألة بعين الاعتبار ...

إضافة الى ذلك ,, معظم جامعات كندا تبلغ في مستواها مستوى جامعة الملك فهد للبترول والمعادن ,, مالم تكن بعض الجامعات أفضل منها ... وكما هو معروف خريج جامعة الملك فهد للبترول والمعادن مضمونه وظيفته .. فمن باب أولى ان يتم توظيف من هو متخرج من جامعة ذات مستوى افضل منها.

بالاضافه الى ان احنا نتكلم عن تخصص الهندسة والذي فيه نقص كبير بالسعوديه من ناحية المهندسين ... يعني إن شاءالله ان السعوديه بتكون في حاجه لمهندسين الى عشر سنوات إلى الامام.

فعلا وجهة نظرك منطقيه من ناحية المتخرجين كمهندسين هم بتزايد يوم عن يوم وخاصة خريجي الجامعات الأمريكية ,,, ولكن مايميز خريج جامعة كندا ان مدة برنامجه 158 كردت مقارنة مع اغلب الجامعات الأخرى اللي مدة برنامجها 120 كردت

في الختام .. هو كلامك فيه منطق الله يجزاك خير ووجهة نظر قويه ... ولكن الخلاف بيني وبينك ان نظريتك لا أعتقد ان يتم تطبيقها على أرض الواقع والله العالم.

ابي اسألك ... تصنيف الجامعات وين احصله ؟
لاني دخلت على موقع وزارة التعليم العالي ولا لقيته فأكون شاكر ومقدر لك لو ساعدتيني بالوصول له

أخي الكريم ... بخصوص التصنيفات .. فأذكر قد حصلت على رابط مبين تصنيف الجامعات وموضح هل هي a أم b أم c ... وفقا للتعليم العالي السعودي .
لكن للاسف ضيعته من الفهايه الزايده ...
لكن لقيت لك رابط اخر مبين لك ترتيب الجامعه عالميا( ترتيبها من 100 ) ..
ط§ظ„طھطµظ†ظٹظپ ط§ظ„ط£ظƒط§ط¯ظٹظ…ظٹ ظ„ط¬ط§ظ…ط¹ط§طھ ط§ظ„ط¹ط§ظ„ظ… - ظˆظٹظƒظٹط¨ظٹط¯ظٹط§طŒ ط§ظ„ظ…ظˆط³ظˆط¹ط© ط§ظ„ط*ط±ط©

طبعا هو مشتمل على ابرز جامعات العالم ..
وسأواصل البحث على الرابط الخاص بتصنيف التعليم العالي السعودي للجامعات .. واول ما أحصله بقدمه لك ..

تحياتي ،،

اخي الكريم عندي تصنيفات الجامعات الاستراليه لدى التعليم العالي السعودي .. a -b -c
تبيها ؟
أو انك مركز على كندا بس ؟

تحياتي ،،