قبول الماجستير

March 10th, 2008, 12:58 PM

بسم الله الرحمن الرحيم،

أحب أوضح لأخواني بعض المعلومات الي مريت بيها وان شاء الله تفيدهم:

القبول للماجستير في الأقسام الادارية وفروعها:

- من الشروط للجامعات والأغلب انو معدلك يكون 3 من 4، عشان تعرف معدلك اذا كان من 5 بالنسبالهم من 4 كم يساوي:

نفرض انك جبت او جبتي معدل 4 من 5 فراح يكون كالتالي: 4 المعدل الي جبتوه مضروب في 4 الي هوا التوتال عندهم مقسوم على خمسة التوتال حق معدلكم في الجامعه.

4*4
الناتج / 5 = 3.2 من 4 عندهم.

في بعض الجامعات تقبل انو معدلك 3.75 من 5 بعضهم بس مني عارف مين صراحة.

طبعا من الشروط انك تجيب جيمات وتفرق الدرجة من جامعة لأخرى وتجيب توفل طبعا الجيمات ماعليها كلام لالاااازم اما التوفل ففيها تفصيل راح اقولها في الاخير بس خليكم معايا

القبول في غير الاقسام الادارية:

من المتطلبات التوفل او ايلتس المهم انجلش:

التفصيل: بعض الجامعات تطلب توفل 550 وبعضهم 570 وبعضهم 600 زي اوتاوا ويطلبو انو معدلك يكون B اقل شي يعتمد من جامعة لجامعة.

اذا ما عندك توفل ايش تعمل يا انك تدرس وتاخد التوفل وتدخل البرنامج او اذا كانت دراستك الاكاديمية السابقة البكالوريوس يعني باللغة الانجليزيه وتجيب خطاب من الجامعة بدا الشي ويكون معدلك مستوفي الشروط يعني ما تجيب اقل من المعدل وتجيب ورقة الانجلش ما ينفع ولا تحاول تضحك عليهم وتجيبها من بره يعرفوا ترى، الورقة مكتوب عليها انو دراستك كانت باللغة الانجليزية وكلالالام اكاديمي معروف، ويبان اصلا في الترانسكربت تبعك من اسم المادة تبان حتى يكتبوا انك محول من جامعة لدي الجامعة واذا اتغير اسم الجامعة يكتبوا انها اتاسست في كدا كلالاااام فااا انسى انك نسويها لحالك..

والله حبيت اني اديكم المعلومات ديي وان شاء الله تكونو استفدتم. واسف اذا في تقصير.

شكرا بالتوفيق.

• نشر عبر تويتر
• نشر عبر فيسبوك
• نشر عبر جوجل