كندا ولا امريكا ابي نصيحتكم

وعليكم السلام ورحمة الله وبركاته
""طالب في امريكا""
ردي هذا لاخوي ALMMASY911
وراح يبين لصاحب الموضوع الجواب اللي يحتاجه اتوقع
اخوي الماسي الفرق بين امريكا وكندا ان امريكا فيها اكثر من 3000 الاف كليه وجامعه
وتقريباً كل كليه وجامعه لها نظام معين يعني اذا فيه جامعه نظامها للهندسه 124 فيه جامعات كثيره نظامها 150
انا ادرس علوم طبيه حالياً وسويت اختبارات تحديد المستوى للطلاب الجدد وعديت كم ماده انقليش وكم ماده ماث
تقريبا انحذف من عندي 20 كرديت ومع كذا الخطه الدراسه تحتوي على 137 كرديت لازم اخلصها علشان اتخرج
وصاحبي راح يدرس 120 ساعه لبرنامجه نفس التخصص وهو ماعدا ولا اختبار راح يدرس مواد الماث والانقليش من البدايه
والجامعات اللي برامجها سهله ويدلعون الطلاب نسبتها قليله ودايم تكون متكدسه بــ الطلاب السعوديين
والجامعات اللي صعبه ماتلاقي فيها طلاب سعوديين الا نادر منها فيه
ولاية ميتشقين من اشهر الولايات اللي مليانه عرب مو بس سعوديين، فيها جامعه مافيها الا عدد قليل من العرب تقريباً كلهم على بعضهم 50 طالب والسبب ان الجامعه مستواها عالي وصعبه حبتين
وفيه جامعه بكالفورنيا عدد الطلاب السعوديين يفوق 500 طالب والسبب ان الجامعه برنامجها سهل

اللي ابي ابينه انه الفرق مو لان هذي جامعه كنديه وهذي جامعه امريكيه الفرق ان كندا مافيها عدد جامعات كثير يخلي الطالب يحط رجل على رجل ويختار الجامعه اللي يبغاها
عندكم تنافس كبير جداً على المقاعد
في امريكا الطالب يعتم للمكان اكثر من انه يهتم للجامعه واذا تبي تتأكد رح لملتقى الولايات المتحده راح تشوف اغلب مواضيع الاستفسارات يسألون عن الجو وعن المكان اكثر من انهم يشوفون ويتأكدون عن طريقة التدريس
مخلين طريقة التدريس شيء ثانوي مو اساسي

اتمنى انه توضح لك وجهة نظري والله يوفقك بدراستك ويوفق الجميع

السلام عليكم . أنا فهمت من موضوعك أن الدافع لتفكيرك بكندا هو اللغة الإنجليزية . أنا أتحفظ على الرأي الذي يقول أن تعلم اللغة في كندا أفضل من أمريكا ، لا أعلم ما الأساس الذي اعتمد لهذا الرأي . إن كان الأساس هو قلة تواجد العرب ، فأبشرك ، كندا بلد المهاجرين ( الجدد ) ، أي أنك لن تجد فقط العرب بل ستجد الهنود و الباكستانيين و الصينيين و كل شعوب الأرض ، هم مهاجرون جدد أي ما يقال له الجيل الأول. الأساس في اللغة هو أولا "أنت" ، و ثانيا المعهد و هناك معاهد مشهورة بالدولتين و ما دامك بأمريكا ابحث عن هذه المعاهد القوية في أمريكا ، و ثالثا ألا يكون مكانك مليئا بالعرب كبعض المناطق بولاية متشغان الولاية التي يتواجد بها أكبر نسبة للعرب . غالبا ، المعاهد القوية تكون تابعة لجامعات متميزة .