@@ من هو في معهد ILAC ممكن الانضمااااااااام للفاااائدة@@

معهدي بيكون في فانكوفر معكم ..
يعني أطلع على اي مكتب للخطوط الجويه السعوديه
واحجز عندهم و يكون خط الرحله على لندن ثمن فانكوفر
احجز قبل بيموين ؟؟
وتكون ذهاب و عوده ولا كيف ؟؟

والسكن برضوا احتاج اشتغل فيه من احين افضل ؟؟
وش خياراتكم كانت بالسكن ؟؟

اشكرك على ردك السريع و المفهوم

السلام عليكم يااخوان
كيفكم شباب ايلاك .. ان شاء الله تمام
ياشاباب ياهووووة ... كل ماادخل موضوع عن معهدنا القى انو سمعة سيئة !!!
يااخوان .. اللي يقول دا الكلام مشكور عن النصيحة
بس احنا بنطلع على دا المعهد .. هذا اللي جانا .. واذا بنقعد نغيرة بياخذ وقت ومحد ناقص تاخير زيادة
عشان كذة احنا نطلع ع المعهد وتشوف بنفسك كيف المعهد وكيف الطريقة وبعدها تحكم
وبالنسبة للي يقول في معهدنا نتعلم الانجليزي في النايت كلبات .. فااقول احنا قد درسنا معاهد برا .. وهما والله مايسحبون الواحد من شوشتة يقولون روح النايت كلب .. هذا شي اختياري .. اذا كان فية
وبعدين الواحد اللي يسمع دا الكلام يقول ماشاء الله المعاهد الثانية كل اللي فيها ملائكة ... والرحلات اللي فيها لمساجد تورنتو بس !!!!

انا عن نفسي احتمال اكملة فية فترة وبعدين احول ... مو عشان الكلام اللي ينقال ... بس انا اشوف اني في دا المعهد اخدت اللغة اللي يسمونها السلانق لانجوج يعني اللغة العامية او لغة الشارع
والفترة الثانية اشوف معهد جامعة عشان تاخذ اللغة الاكاديمية ... واحتمال معهد جامعة يورك
على حسب التساهيل .. وربي يسهل للجميع ان شاء الله

بالنسبة لاخوي يوسف
انا حجزت على الخطوط اللمانية وحجز تاني على الخطوط السعودية
واليوم ان شاء الله طالع أأكد حجزي ع السعودية يوم 23 مايو لانو الشباب يقولوا السعودية افضل

دوندي
كيفك .. ان شاء الله تمام
حبيت اسالك عن بطاقة الفرسان .. كيف اطلعها .. اعبي ابليكشن مثلا ؟؟ وهل راح استفيد منها ولا مو ذيك الفايدة ؟؟

بالنسبة اذا اكدت الحجز على السعودية .. يصير نشوفك ان شاء الله على نفس الرحلة
وانا طالع الرياض السبت ان شاء الله اخذ قرار الابتعاث

بالتوفيييييييييق للجميع

لا يااخ يوسف ماتروح على مكتب للخطوط السعودية
تروح مكتب الطيار اللي في الرياض .. مااعرف فين مكانة بصراحة .. لاني في جدة
وتاخذ معاك بس صورة من جواز سفرك
وتحجز عندهم بس ذهاب

بالنسبة للسكن افضل انك تشوف من بدري
بس افضل شي حسب اللي سمعتة من ناس كثير
انك في البداية تحجز عند عائلة شهرين ولا ثلاثة .. وتشوف اذا الوضع ناسبك تكملم
او انك في دي الفترة يكون قد حصلت على سكن خاص
ربي يسهلك ويسهل للجميع

وين مكتب الطيار بالرياض شباب ؟؟

هلا والله بكل الشباب المسلم كلياتكن(بالسوري)هاهاها

المهم يالربع ليه مانحجز عوده ؟ يعني انا ودي اجي البلاد كل 4 شهور او 6 بالكثير

ممكن اللي حجزو يوضحون لنا ؟؟

اخوي يوسف بالنسبة لاستفساراتك اخونا علي ما قصر و قالك عليها بس احب اضيف بانك تاخد حجز قبل موعد الدراسة بحوالي 10 ايام او اسبوع بالقليل عشان يكون عندك فرصة تفتح حساب في البنك و تتعرف على المدينة و تتاقلم مع الجو و الناس و غيره
و يكون الحجز فقط ذهاب من غير عودة
و السكن كمان تدور عليه من دحين لان من الصعوبة تلاقي شي يناسبك و خياراتي انه قريب من المعهد و يكون ليا حمام خاص و غسيل ملابس و انترنت و 3 وجبات يوميا
و الحمدالله لقيته و حجزت معاهم بس طلعو المشكلة انهم عائلة فلبينيه !! .. بس اخدت معاهم حق شهر و بعدها اشوف عائلة ثانية لو ما ناسبوني !

و بالنسبة لمكاتب الطيار ادخل على موقعهم و تلاقي عناوينهم و ارقام التليفون و تقدر تشوف حجز من اليوم الي تبغا تروحه بس لا تحجز من النت و روح عندهم عشان يشوفو جوازك و تقولهم انك مبتعث و تاخذ منهم ورقة برينت ببيانات الرحلة عشان توريهم في الوزارة وقت لمن تاخذ امر الاركاب

http://www.altayyargroup.com/english/arabic/index.html

بالتوفيق

هلا حبيبي علي و الله الحمدالله انا بخير عساك بخير و مبسوط ان شاءالله

بطاقة الفرسان انا اشوفها جدا جدا مهمة و مفيدة لانها تعطيك خيارات كثيرة بس الي اذكر منها انه فيه اولوية للحجوزات و 10 كيلو وزن زائد و شنطك ينتبهو عليها مخصوص و تقدر تختار الوجبات مسبقا على رحلة السفر و اذا تسافر كثير تجمع اميال معينة و تاخذ تذاكر سفر مجانية و انا حصلتها كم مرة و فيه حاجات تانيه بس ما اتذكر

طريقة التقديم عن طريق مكاتبهم بس ما اتذكر فينها لاني من 5 سنين مطلعها ! .. انت اتصل على اي مكتب للخطوط السعودية او رقم الحجز حقهم 920022222 و اسالهم عن رقمهم و راح يعطوك رقم مجاني لهم و استفسر كل شي و كيف تطلعها .. و ما عليها اي رسوم سنوية و لا وقت التقديم .. يعني مجانية و انت منت خسران اذا طلعتها !

و مبروك على قرار الابتعاث .. و انا كمان الحمدالله كتبولي على الموقع تم اصدار قرار الابتعاث و ان شاءالله رايحلهم الوزارة الاحد او الاثنين

بالتوفيق

اخصائي علاج طبيعي

الوزارة ما تعطيك وقت امر الاركاب لتذكرة ذهاب و عودة !
و اصلا لمن تروح كندا ما راح تصدرلك تذاكر الا مرة كل 9 شهور !
يعني مرة واحدة في السنة
الا اذا كان تبغا تروح و تيجي على حسابك

هلا والله بحكيم الحارة دوندي وبالضيعه

يالغالي حبيت ابارك لك العائلة .. بس قل لي هل من موقع فانكوفر هوم ست لقيتهم او ماذ؟؟ وبكم حصلت السكن عندهم بشروطك؟ وممكن تساعدني بالعثور لاني الى الان مقرر على سكن تبع ايلاك والمصيبة انو سالته عن النت والتلفاز والجبات وقالي انها حسب العائلة بس الاغلبيىة لازم تدفع شوي ؟

وسؤالي الثاني - حبيت اسالك عن العودة هل هي على حساب الوزارة ام ماذا ؟ يعني لوبقيت استعملها واعود بعد 5 شهور والثانية على حسابي فهل في هذا اشكال ؟؟ وضحو لي


على فكرة لو نحجز عوده حنستفيد من التخفيض حتى لو على حسابنا

يمكن نحجز ذهاب ب 4000 ولكن لو حجزنا عوده هتكون 6000

هلا اخصائي

الله يبارك فيك و ان شاءالله ربنا يسهلك و تلاقي بسرعة
العائلة جبتهم عن طريق هادا الموقع
http://www.homestayfinder.com/
اول شي تسويه انك تسجل في الموقع و تكتب بياناتك و شروطك كلها و افضل بالتفصيل و بعدين تدخل على المناطق الموجودة في الموقع لكندا و تشوف الناس العارضين بيوتهم و شروطهم و تبدا تراسل الاشخاص الي عجبوك و هما يردو عليك في اليوم الثاني على طول !
معهد ايلاك حرامية في اسعارهم و انا اخذت العائلة ب 850 دولار في الشهر .. مع انو لو اخذت عن طريق المعهد بنفس المواصفات الي لقيتها كنت راح ادفع 1120 دولار في الشهر !!!!
شفت كيف الفرق !!!!!!!!!!!!

بالنسبة للتذاكر اعتقد انو فيه تخفيض لو كان على حسابك بس ماني متاكد يعني !.. ان شاءالله اذا روحت الوزارة الاسبوع الجاي عشان استلم امر الاركاب راح اسالهم و لا يهمك