@@ من هو في معهد ILAC ممكن الانضمااااااااام للفاااائدة@@

اهلين
طال عمرك فكرة الـ safty deposit جدا حلوه وامنه بس اذا ممكن تشرح لنا اكثر عنها
- كيف طريقة اشتراكها
- كم تكلفتها
- كيف استخدامها بعدين
وشكرا ....

السلام عليكم انا عضوة جديدة هنا بهذا الموقع الجميل انا ارسلت قبول لمعهد ilac
علشان بدرس على حسابي ابغا احسن الجامعات في تخصص ادارة اعمال موارد بشرية في كندا مع التكاليف والسكن

طريقة الاشتراك اذا فتحت حساب بالبنك قول للي بيفتحلك الحساب ابغى safty deposit وهو حيرسلك على الموظف و ما تاخذ وقت .
تكلفتها 40 دولار في السنة يعني انا دفعت حوالي 23 دولار عشان السنة باقيلها 6 شهور على نهاية 2008
استخدامها يعطيك مفتاحين و رقم الصندوق اذا تبغى تحط شي في الصندوق تكلم الموظف ويروح معاك على صندوقك في قفلين واحد تحط فيه مفتاحك والثاني مفتاح الموظف و ياخذ الصندوق ويوديك غرفة فيها مكتب عشان تحط الي تبغاه براحتك زي الافلام الامريكية .

يا أخوان ما لاحظتوا شي في عدد مشاركات كل واحد فيكم..
أنا عن نفسي لاحظت إنها خفست كأنه أنخصم منها قرابة الثلث.. ماأدري إيش المشكلة..
أنا قبل كم يوم كانت مشاركاتي في المنتدى أكثر من 220 مشاركة واليوم أنتبهت إنها رجعت لـ 130 مشاركة!! فين راحت باقي المشاركات..
احتمال يكون لتقسيم هذا الموضوع سبب في إلي صار.. ما أدري..

الله يهديك يالغامدي..

[QUOTE]اليوم رحت فتحت حساب في رويال بنك ما تحتاج غير جواز السفر وما اخذت معايا 20 دقيقة عشان استاجرت من البنك safty deposit عشان احط فيها الاغراض الي خايف انها تضيع زي جواز السفر وبعد ما خلصت روحت على canadian post وارسلت الاوراق للملحقية
بالنسبة للتكاسي انا لحد الان ما ركبت تاكسي اشتريت 10 كروت 2زون ب 29 دولار للباص والسكاي ترين بالنسبة للكرت الواحد يكفيك مدة معينة ممكن يوم .... مدري كم بس انا استخدمت وحدة في الروحة والرجعة.[/

QUOTE]

ماقصرت خيو وننتظر المزيد وخاصة اول ايوم بالمعهد وكيف الاختبار وكيف التقييم - وهل اذا عملت اختبار كويس راح تقل فترة الدراسة ؟؟

وهل دفعت للسكن مقدم او على الروااقة ؟ وكيف المسافة للمعهد ؟والنشاء قريب من الساحل البحري ؟

ووهل من ضمن خدمات السكن العائلي الانترنت والتلفاز والتكييف؟


اخر شئ بسالك عن الزون لاني مافهمته الى الان - هل هي بالكيلو مترات او بالمشوار وهل متوفرة بكل مكان ؟

انا دراستي تبدأ 2 - 6 بس اليوم رحت عشان اشوف المعهد والوضع قالي تعال 2-6 عشان الاختبار واذا حبيت تيجي من اليوم في عندنا كمبيوتر لاب ممكن تقعد فيه بس الاختبار في 2-6
بالنسبة للسكن دفعت مقدم وانا في السعودية ... المسافة تقريبا 40 دقيقة اول شي اخذ باص جنب البيت يوديني للقطار الي اوصلك للداون تاون وبعدها تمشي على رجلك مسافة قليلة وتحصل المعهد .
بالنسبة للسكن في انترنت وايرلس وتلفزيون و تكييف مركزي و دي في دي و غسالة و نشافة و مطبخ ووووووووو ...
بالنسبة للزونز بريتش كلومبيا مقسمة لثلاث زونز
زون 1 فانكوفر
زون 2 برنابي و ريتشموند و نيو منستر و و و شوف الرابط
http://www.translink.bc.ca/Transport...are_system.asp

يعني اذا كان عندك بطاقة زون 1 تقدر بس تستخدمها في زون 1 اما زون 2 تقدر تستخدم 1و2
اما زون 3 تقدر تستخدم 1و2و3
طبعا البطاقة تخليك تستخدم الباص والقطار ان شاء الله اكون افدتك.ا

تحياتي لك طال عمري وشكلك متصل الان - بس كل مرة استذكر بعض الاسئلة واطرحها هنا فاعذرني من البربرة

هل العائلة اللي سكنت عندهم كندية الاصل - ؟

ثانيا هل اشترطت على العائلة شروط خاصة - وثانيا والله مشوار 40 دقيقة وليه ماحاولت تلقى لك سكن اقرب ؟

اخر شئ اذا ممكن تضع بين ايدينا بعض الصور للسكن والمنزل والحارة والمعهد هاهاها على راحتك - بس علشان تشوقنا شوي ؟

هلا اختي

والله تقدرين تضعين الموضوع بشكل مستقل بالمنتدى للاسفادة ؟ وثانيا بعد اللغة او اثنائها تقدرين تبحثين وخاصة ان فترتها سنة

العيلة كندية الاصل واشطرت عليهم شروط الاكل وكان عندهم خلفية
وبالنسبة للمشوار ما اعتقد في عيلة تسكن بالداون تاون وتبغى طلاب بس عادي المشوار يهون وانتا تتفرج على العالم.

طال عمري

طيب كيف تحس اول ايامك و انت في فانكوفر ؟ هل تحس بالوحشة و لا بالوناسة ؟
و تطلع و تروح و تيجي فين و ايش تسوي ؟؟
تعرف احد هناك بتطلع معاه و لا مع العائلة و لا لوحدك تلفلف ؟؟؟
لاني ملاحظك ما شاءالله على طول في المنتدى و باقول في نفسي غريبة و هوا هناك لانو عن نفسي ما اعتقد راح ادخل كتير لاني راح اتلهي هناك !!!
و الجو بارد على طول و لا حررر ؟؟
كلمت اخويا اليوم و هوا في اوتاوا بيقول صار الجو بارد عندهم !!!
و تقدر تطلع في الليل و لا على المغرب خلاص كلو زي الدجاج ؟؟؟؟

ياخي حكينا على كل شي عشان اتشوقت بصراحة و ترى انا باقيلي 23 ساعة على السفر خلااااااااااص تهي تهيء تهيء

خخخخخخخخخخخخخخ