وتبقى المشكلة التي لا حل لها .. البعثة أم االوظيفة .. دعوة للحوار

بسم الله الرحمن الرحيم

اخواني الاعزاء

ماقول غير الله يحفظكم ويسعدكم

بين مؤيد للبعثة ومؤيد للوظيفة

و عشرة مصوتين خمسة هنا وخمسة هنا

اسأل الله لي ولكم التوفيق والسداد

حقا لا حل للمشكلة هنا مستقبل وهنا مستقبل

والاستخارة الفاصل هنا

اخوكم

صدقت ياراعي الموضوع فعلا مالها حل ثابت او حتى قريب من الثابت

الاراء تختلف تماما للتأكد من صحة كلامي ارجع للردود وشوف تناقض تام

وهذي يعني ان الموضوع اعتقد شخصي جدا لا يمكن فيه الرجوع الى احد (في رأيي على الاقل)

الحمدلله اتوضفت وبكل جهد ورأيي اني اروح البعثة واسحب عليهم

يعني الحمد لله انا باروح اطلب العلم واعتقد انه ان شاء الله هذا الموضوع يكون فيه بركة لي

والله ياخوي انصحك تتوظف اول بعدين فكر بالماستر والبعثه ... لان الخبره مهمه جداا وضعك بكون افضل بعد ماتاخذ خبره وبعدها تحصل على الماستر ...
وانت اتكل على الله واستخر وربي اللي كاتبه لك بيصير ولاتشغل بالك بكثر التفكير

السلام عليكم
في اعتقادي ان البعثه احسن لك ليه؟؟؟
اذا ارسللوك الجامعه راح يرسلوك على اللي الجامعه اللي هم يبونها لكن في البعثه تروح للجامعه اللي تبي و لو مانسبتك الجامعه تقدر تحول منها وتحول من الدوله لو تبي و الوزاره راح تتفهمم اسبابك وغير كذه الوظايف ارزاق وانت ماتضمن هم بيرسلونك والا لا
استخير وتوكل على الله
وانا لو في مكانك كان بروح بعثه.
والله يكتب لك اللي فيه خير
يا خائضاً في ظلام الله والهـلـكة أقصر عنك فليس الرزق بالحركة

مرحبا اخوي
طبعا انا موظفه الحمد لله وراتبي كبير وكلها سنه وراح اطلع بعثه من الجهه الي انا فيها وبرضو راح اقدم استقالتي واروح اكمل عن طريق البعثه لاني معتقده ان الفرصه ماتجي الا مره في العمر وثانيا يمكن اذا رجعت على خير انش ءالله الاقي مكان افضل اشتغل فيه يعني الدنيا تتغير ماتدري ايش يصير بعد 3 سنين انشء الله انا نصيحتي انك تستخير, توكل على الله وروح عصفور باليد ولاعشرا عللى الشجره .

أخ as6orh

انت في الحالتين ان شاء الله حاتروح بعثة سوا من برنامج خادم الحرمين الشريفين او عن طريق عملك .

بس ابى افكرك واتمنى الشباب اذا في كلامي غلط يردوني .. برنامج الابتعاث باقي له دفعتين او دورتين ويقفل وممكن يرجع بعد 30 او 40 سنة ... يعني اللي رايح دحين ماجستير ممكن ما يلحق يكمل دكتوراة على البرنامج - ان شاء الله الكلام ده مو صحيح - ..

اما الجامعة هما محتاجين يبتعثوك ماجستير ودكتوراة ولك وظيفة موجودة !
وبعثات الجامعة اسهل بكثير من بعثات البرنامج في اجراءاتها من ناحية انهم هما يخاطبوا الجامعات ويعطوك الضمان المالي وكل حاجة ...

وحكاية انو هما يختاروا الجامعة ده يعتمد على تخصصك ايش افضل مكان له .

وموضوع الخبرة مراااااااااااااااااااااااااااااااااااااا مهم لسببين :-
1- انته رايح دراسه معتمدة على الخبرة والاطلاع
2- لما ترجع ان شاء الله بماجستير مع خبرة حايكون لك فرص عمل اكثر من ماجستير بس و الاول والاخر الارزاق بيد الله .

وما دام الوظيفة حقتك معيد .. يعني وظيفة حكومية ( ما شاء الله ) .. يعني وظيفة لها رواتب ما تتاخر ودوام حكومي وتأمينات اجتماعية وزيادة سنوية و بدلات واجازات مع الناس وحتى التعامل حايكون راقي ( مع دكاترة ) ...

انا كنت زيك محتار في موضوع هل استمر في وظيفة بعقد او اكمل دراسة ... فسويت مقارنة بمميزات وعيوب الابتعاث والوظيفة وايمكن انته لحالك بس انا معاي خطيبتي .. فقدمت وصليت صلاة استخارة ..والحمد لله الامور الى الان ماشية كويس ...

اذا تبى راي الخاص ... لا تترك وظيفة الجامعة وفي الوقت الباقي للبعثة حاول تاخذ خبرة على قد ما تقدر وخد دورات وطور نفسك وحاول ترتب امورك و تتزوج وخدها معاك عشان تقدر تركز وتكمل دراستك وانته مستقر نفسيا .. وسلامتك

ادعوا ياشباب بالتوفيق والله يثبتنا ويصبرنا على ديننا هناك ده اهم شيء .

اخوك ميزو

أختلاف الرأي لايفسد في الود قضية
طيب البعثة هو رايح يدرس الكفاءة ولا الثانوي أكيد دراسات عليا ؟؟؟؟

بسم الله الرحمن الرحيم:
أنا حابب اوضح كم نقطة وإن شاء الله أكون على صواب:

طبعا الكل خايف انه هل يجلس في وظيفته ولا يطلع والبعض يقول هل اتوظف معيد ولا اطلع بعثة خادم الحرمين الشريفين والبعض يقول كلااااام لانه علم الغيب عند الله.

طبعا الكلام الي راح اقولو كلام مستشارين في شركات وخصوصا الشركة الي انا فيها:

اذا قلنا انه الشخص قال الافضل لي اني اجلس في وظيفتي لانه اذا سبت الوظيفه وطلعت ماراح تنحسب سنين الخبرة وارجع ادور على شغل من جديد وعمري راح يكبر طبعا انا اتكلم خصوصا اني طالب ماجستير اما البكالوريوس فمافيها كلام يطلع وهوا مغمض طيب نرجع للموضوع، طبعا في رسم بياني موضح انا شفته يقول ( الطالب الحاصل على بكالوريوس وموظف عنده خبره نقول له 8 سنين ومازال على رأس العمل وجا واحد معاه ماجستير بس الخبرات قليله يمكن 3 او 4 ويمكن معدومه او شبه معدومه الطالب الموظف الجديد الي معاه ماجستير راح يتعب في اول سنه ونصف من ناحية الدخل العالي والموظف صاحب البكالوريوس في عمله وصاحب منصب بحكم خبرته، بعد السنه والنصف معروف على نظاق الشركات ويمكن اقل اذا كانت الشركة كويسه راح يعادل الماجستير ب 8 سنين خبره وهذا عالميا واذا في منصب اداري عالي راح يتم التعيين لاهل الشهادات ويتم الغض عن الخبرات بس انه يكون شغييل مو لعاااب، هذا والله مو عندي من مستشاريين جلست معاهم وما شاء الله رواتبهم تخلي العين مفتوحة 24 ساعه.

بالنسبة لنقطة اني اروح معيد وارجع الاقي الوظيفه جاهزه انتا ريحت دماغك هنا في مقولة لأهل الادارة الماليه ( HIGH RISK, HIGH RETURN) و (LOW RISK, LOW RETURN) بمعنى اذا زاد الخطر انك راح تسافر وتخاطر وتسيب شغلك وتدرس التخصص الي تبغاه في احسن الجامعات العائد لك لما ترجع راح يكون عالي بس راح تتعب شوية في اول سنتين زي ماقلت واذا كان الخطر متدني العائد الدخل راح يكون مماثل.

ترى الانظار بالنسبة للشركات على الشباب المبتعثين وينتظروا اصحاب الشهادات والمعدلات العالية وعلى فكرة التخصصات نادرة يعني قليل ابناء البلد فيهم التخصصات دي.

انا حبيت اوضح دي النقطة وياريت اكون افدتكم وافدت نفسي قبلكم.

اخوي bo hamad اللي انا قصدته
انوا الجامعات لمن تبتعث المعيد تعطيه
الضمان المالي للماجستير والدكتوراه مع بعض
مو زي الوزارة اول تروح ماجستير واذا خلصت بدري
ممكن تطلب ترقيه للبعثة او تقدم من جديد لمرحلة الدكتوراه

طيب وايش ترجع معيد وكم تاخد وهل نفس التخصص الي تبغاه