بخصوص كسر العقد :(

وعليكم السلام ورحمة الله
المعروف انو اذا كسرت العقد يروح عليك التامين او مبلغ الايجار حق اخر شهر اذا كنت دافعه .
والافضل لك انو تلتزم بتاريخ العقد حتى تتجنب خسارة مبلغ .. ولو تبحث عند مكاتب estate او عن طريق النت ابحث عن short term rentals بتحصل شهري او حتى ستة اشهر .
Short term rentals Vancouver. housing, apartment, offices, furnished or unfurnished with short term leases on Kijiji.ca
وبالتوفق

اتوقع ان مالي حل الا اني اكسر العقد واخلي المبلغ لهم


بس اهم شيء مافيه مشاكل لاكسرته ؟

والله يعطيك الف عافية ماقصرت

المشكلة الوحيدة هي ان درجتك الائتمانية راح تتأثر ، يعني في المستقبل ستواجه صعوبة في الاستئجار او الحصول على خدمات مفوترة >...

، حتى لو هم معلنيين ان عقودهم لسنة ، وضح لهم انك تبحث عن عقد لمدة ستة اشهر وتفاوض , لكن لاتوقع عقد سنة وبعدها تهرب قبل انتهاء العقد

ماتفرق معي الخدمات لآني ماراح اترك الشقة الا وانا ناقل ان شاء الله لدولة ثانية بإذن الله

لكن بتفاوض معهم واذا ماوافقوا بوقع عقد سنة ووقت ما انتهي بطلع ويصير اللي يصير

الله يجزاكم خير

السلام عليكم ورحمة الله وبركاته
اخوي تواصل مع المكتب قبل توقيع العقد ممكن يكون عندهم خيارات تعويضية اذا طلبت كسر العقد مثلاً دفع آخر شهر او خسارة التأمين أما اذا ما كان فيه اي خيار فلا توقع الأساس.
---
رسالة عامة:
فكر بالطلاب والطالبات الي يبي يجون بعدك فكر بالمسلمين الي راح يجون بعدك انت مسلم وحرمة العقود معروفة عند المسلمين وأسمح لي إذا الكافر يحترم العقد والمسلم يخل فأسمح لي ما اعتقد أنه مسلم من الأساس. أنت همك الطبخ في رمضان ولا همك أكل أموال الناس بالباطل. مافيه احد جبرك توقع هذا العقد ليش تخل فيه وتسرق مال مو حقك؟

ممكن تستأجر بالشهر أو بالاسبوع أو بالأيام. هذه الشركات لن تكن جمعيات خيرية ولم تطلب منك توقيع حتى تسمح لك كسره متى ما تريد. وبتوقيعك بإرادتك هذا يعني أنك موافق على كافة الشروط ومخالفتها يعني مخالفتك لتعاليم دينك والقانون.

للأسف كثير مسلمين يعانون من بعض الأمور بسبب أن واحد قبلهم استأجر شقة او بيت و أخل بالعقد وثاني إستأجر سيارة ولا رجعها وتركها في الشارع وسافر والثالث اشترى شيئ وكذب آلف كذبة ليعيده بعد أن إنتهى من إستخدامه وغيره كثير . هذه الأمور التي حرمها الإسلام قبل القانون وحثنا بل نؤجر إذا تفادينا الوقع فيها وحافظنا على إخلاقنا كمسلمين وكبشر في المقام الأول. ياخي وقف يوم مع نفسك وابحث عن الإسلام في أفعالك إلى متى وأحنا نهين أهل الإسلام في مشارق الأرض ومغاربها بأفعالنا دون مراعات لهم. نعيش بين اهل الكفر ونقول "صحيح مسلمين بلا إسلام" ومع ذلك ننسى بأننا نمثل الإسلام ويجب علينا إظهاره بالشكل السليم لهم.
---
سامحني على الإطالة وهذا الكلام ليس موجه لك ولكن للأسف اجد أن هذه المواضيع كثرت في الأونة الآخيرة رغم أن ديننا علمنا أين طريق الصواب.

بالتوفيق
أمين

اخوي الله يجزاك خير على كلامك

انا ماسويت هالشيء الا وانا مضطر ،، لا اعرف ادرس ولا اذاكر حتى اكلي كله من برا خلاص طفشت من الهومستاي

وانا ماعندي مشكلة اكمل العقد ،، بس هل انا ضامن اني بقعد هنا سنة كاملة ؟

انا اعرف وش بيصير بعد سنة ؟

الله اعلم حنا مانعلم الغيب والواحد تجيه ظروف ويضطر انه يكسر العقد والواحد مايدري يمكن يجيه قبول جامعي في مدينة ثانية ويضطر انه يكسر العقد

وزي ماقلت لك انا كان استفساري لآني ماني ضامن اني بقعد سنة ،، خلال هالفترة بخلص اللغة ان شاء الله ولا قدر الله مالقيت قبول هنا فعشان كذا اسأل وش يترتب على كسر العقد


الله يسهل ويكتب اللي فيه خير

والله يجزاك خير

السلام عليكم :
مداخله << كسر عقد ايجاار سكن عليه غرامه ماليه واذا ما دغع الغرامه يظل المبلغ يتكااثر عليه ويبلغو عليه وبيمسكووه ولو بعد حين ههههههههههههه يعني تعووذ ماافي مجال .
واذا لازم تكسر العقد لظرووف عليك بابلاغهم وبتدفع مبلغ اعتقد لونك قريت عقد الايجااار وركزت بتشووف كم الغرامه وبتشووف انك موقع عليه .
هذاا ولله الهدايه والتوفيق .

أي وفيك تسوي اعلان باقرب مسجد فيك لشخص يشاركك السكن partner بعدها فيك تتفق معه بأن تغادر وهو بيتصرف بكذاا اخليت مسؤليتك وبنفس الوقت تساعد شخص ع توفير سكن وكثيررررر اللي يطلبو شريك يشاركك السكن لانه بيدفع نص المبلغ وانت النص ذا في حاله لو استمريت واذا لا فيه يعيش هو بدالك وكثيرر حصلت .
هذاا ولله الهدايه والتوفيق <<<< ذا اللي طلع معاي .