وبعد عناء طويل وزارة التعليمالعالي تـ ......

مبروك اخوي استراليا حلوه انصحك في بريزبن رايقه

المعذرة يا حلوين على التأخير

والله بأفقدكم ولكن يالله ما ندري وين الخيرة

مصدر خاص

عمرو باشا

طيف ملاك

عوام الكيمياء

المسافر 77

الله يبارك فيكم جميعاً ومشكورين على مشاعركم النبيلة

بالنسبة لطريقة التحويل ........

سالفة طويلة عريضة .......

ولكن لي عودة بعد صلاة المغرب <<<<<<< حان الآن موعد آذان المغرب

مبروك اخي الغالي والله يكون بعونك

انا اتمنى احول من كندا الى امريكا
بالله عليك تقولنا ايش سويت بالضبط و قدمتها لمين و ايش كتبت في الخطاب و هل لازم نروح بنفسنا الى الوزارة و لا نرسلها بالفاكس او ايميل
و اهم حاجه كم يوم اخذ معاك الين ما قررولك التحويل للبلد ..
و فيه اسئله كثيره ثانيه بس ابغا اشوف الموضوع من اولها ينفع و لا كيف لانو ابغا احول باي طريقه و باقصى سرعه

السالفة بدت بعد ما نزلت الملحقية الدفعة الثانية من القبولات

وانا طبعاً ما لقيت اسمي لا في الدفعة الأولى ولا الثانية

قلت يا ولد الوضع ما يطمن قمت وأرسلت أيميل الى الملحقية

بأنه ما جاني قبول الى الان وش السواة ؟؟؟؟؟

ثاني يوم أرسلو لي انو بتجي قبولات ولكن عليك بالأنتظار ومتابعة موقع الملحقية

انا ما جاز لي الرد وقلت خلني أرسل أيميل للدكتور يحيى الخزرج المسؤول عن الطلاب

للتخصصات غير الطبية المهم أرسلت له أيميل وشرحت له وضعي تماماً

وأنو معدلي أقل من 70 &#37; والتخصص هو فيزياء طبية

بعدها بيومين رد علي بأنه صعب جداً نلقى لك قبول خاصة أن امعدل نازل وتخصصك غير موجود

الا في جامعات قليلة <<<<<<< يوم قفلت معاي ووصلت أم العبيد

أرسلت له طيب حولوني دولة ثانية

قال راجع الوزارة بهذا الخصوص

فأرسلت له طيب ممكن تكتب لي خطاب أعطيه الوزارة علشان يكون سبب مقنع لتحويلي

ويكون موقع من سعادتكم و مختوم بختم الملحقية <<<<< طماع

فرد علي المعذرة (( معصي )) <<< قفلت معي قلت له شكراً

بعدها بيوم دق علي الجوال الساعة 12 في الليل جوال من برا السعودية أصفار الزبدة رقم مرعب

الو سلام ...عليكم السلام مين معاي ... معاك الدكتور يحيى من كندا

(( حسيت اني كسرت خاطره )) هلا والله................

قال لي يا هشام ليه ما تدرس اللغة في كندا واذا ما حصلت قبول أمريكا قريبة تقدر تجيب قبول منها

فيها مرونة ..... قلت الدكتور الموسى يقول اذا ما لقيت قبول ترجع السعودية

قال هاه طيب يمكن يقصد اذا ما لقيت قبول مرة في أي دولة ترجع

قلت والله ما أدري لكن يا دكتور أبي منك خدمة صغيرة قال سم قلت سم الله عدوك

أبيك ترسلي أيميل تذكر فيه انه صعب علي أحصل على قبول وتنصحني بالبحث عن دولة أخرى

قال أبشر بعزك والله شوي أشيك على الأيميل حقي الدكتور مرسل ألأيميل <<<انا اشهد انه ذيبان

المهم وآخذ صورة من الأيميل وانا عندي صورة من قبول جامعة كيرتن ( لغة + ماستر )

وأكتب ذاك الخطاب اللي يحبه قلبك موجه الى لجنة القبول واكتب فيه باختصار

اللي صار معاي وأني دورت قبول من كذا جامعة وقوبلت بالرفض وأسرد قصتي مع الدكتور يحيى

وأني الآن قد حصلت على قبول من جامعة استرالية مرفقة خطاب طلب التحويل

وأني أرجو من سعادتكم تحويلي الى هذه الدولة

وخلال ثلاث أسابيع تقريباً دقو علي الوزارة واحد أسمه محمد الحمود

قال لي أن اللجنة وافقت على طلبك وتعال الوزارة خلص أجراءاتك

والله وما صدقت خبر يوم ثاني وانا ناقز من الفجر ماسك خط الرياض لللوزارة الا والشباب مجهزين

الضمان المالي وكل شي قمت أنا قلت لهم كملو جميلكم وعطوني خطاب السفارة

وما قصر الساعة 1 بعد الظهر عطاني الضمان وخطاب السفارة الأسترالية

وأحلى خط رجعة للشرقية

هذي هي السالفة بالتفصيل الممل وآسف على الأطالة

طيب كيف ارسلت الخطاب ؟؟
بالفاكس و لا ايميل و لا بالبريد و لا روحتلهم بنفسك ؟؟؟؟
و مهما كانت الطريقه الي سويتها ياريت تعطيني العنوان بالتمام

و ربنا يعطيك العافيه و يوفقك

لا رحت لهم شخصياً بس أتوقع أنو بأمكانك أرساله بالبريد لكن بالضبط ما أعرف البريد

أو أنك تخلي أحد في الرياض يسلمه لهم

كأني أذكر بعض الشباب يرسلون متطلبات الأبتعاث عن طريق البريد ومنهم حبيبنا كلانجو والله أعلم

بتأكد لك من البريد وبرد عليك

الف الف الف مبروووووك
وفالك التوفييييق

تحياتي

مبروك لك أخوي بس حرام عليك تسيب كندا وتروح لأستراليا

أخوي (( زانط )) انا مقبول ماستر قانون ولا ودي أغامر هناك واضيع وقتي خصوصا وأن الكلام كثر ان القبول صعب جدا هناك وانا معدلي اقل من 70 ، فهل اجراء التحويل لدولة ثانية معقدة ولا لا ؟؟