مساعدة كندا نادت طلابها

يا حياتي وانا اخوك كسرت خاطري عندك موقع ( الملحقية الثقافية في كندا ) فيها خدمات كثيرة بس لازم تراسلهم..
وفيه موقع خدمات الطلاب http://studentservicespro.com الله يعافيهم هم من وفروا لي قبول لغة..

بإذن الله راح تستفيد منهم وكثّر من "الاستغفار" ترا له بركة غير طبيعية في تسهيل الأمور!

وعليكم السلام ورحمة الله وبركاتة
تروح بوابة المطار الي بستافر منه أركب الطياره تقرا دعاء السفر توصل محطة التوقف الاولى تنزل من الطيارة تدور على بوابتك وتسأل وينها تستنى الى موعد الرحلة الى كندا تركب قبل ماتوصل كندا يعطونك ورقة تعبينها بعض بيناتك وأسئلة تنزل مطار كندا تشوف احد يوديك الامقريشن تروح لهم تخلص جميع أوراقك معهم وتكون أوراقك المهمه معك يعطونك تصريح دراسي لمدة على حسب قبول معهدك لازم تنسق مع احد ان يستقبلك او يساعدك اذا طلعت و يوديك السكن الي راح تسكن فيه اما مع عائلة او شقة او فندق

اول شي استهدي بالله مافي شي يدعي للتوتر ..ان شاالله الامور بتكون اسهل مماتتوقع
مدام ماعندك لغه مومشكله هم بس يشوفون تذاكرك بيقولون لك وين تروح
بس انصحك تعرف بعض المفردات بتساعدك كثير في المطار مثل..صالة المغادره ..العفش..الاقلاع..الرحلات الدوليه وغيره
وهذا رابط مفيد
http://www.mbt3th.us/vb/forum108/thr...l#.UqUN8NLuLZ0
بالتوفيق

الله يعطيكم العافيه ..
لكن انا كان ودي ارد على اخوي حمد h_qd عن الرابط الي عطاني لكن مدري شفيه مو راضي يخليني اضغط على زر الرد للاسف ( وصارت معي كثير هالخلل ) الموقع يحتاج تحديث ,


المهم الرابط الي عطاني اياه اخوي حمد ممتاز جدا لكن ابي اعرف ((هل يطلبون رسوم وتكاليف ولا مافي شي يجي ببلاش)) .. خدماتهم ممتازه جدا وتفيدني كثير , وكانت نصائح (المشرف والاخت شهرزاد )جدا ممتازه . اتمنى ان احد يعطيني شي مفصل ويكسب فيني اجر , لاني مابي اتوهق مع نفسي وانا ما اعرف احد بكندا يعني الله راح اضيع بأول ليلة بكندا , لا لغة ولا اعرف احد لا من قريب ولا من بعيد ,

يعني معقولة يحطونك بكندا وتضيع ماتعرف شي .. مافي لا مترجم ولا تنسيق مع السفاره .. المشكلة لو اعرف احد كان قلت ممكن نحلها .

اتمنى اتمنى اتمنى لو احد يعطيني حل وتوجيه بأول لحظة لي بكندا .. والي يتفاعل معي له دعوة بالثلث الاخير بالليل

- - - مشاركة محدثة - - -

اخوي اقرأ تعليقي الي كتبته بنفس المشاركة ..

اي مدينة راح تروح عشان نعرف كيف نساعدك
ومتى سفرتك

انا بقدم على البعثة والبعثة جاهزة ان شاء الله لكن واحد من معارفي قال تخصصك ماراح يكون الا بكندا لان بأمريكا مافي جامعات معترف فيها بالوقت الراهن ..

ولكن انصدمت ان بأول لحظة نزولك من الطيارة تروح انت تدبر نفسك وانا بنفسي انسق مع عائلة .. ف قلت الناس فيها خير لو ابحث بالنت راح الاقي من يفيدني ويوجهني

للعلم انا كنت اتمنى امريكا .. لكن الزمن حدني ..

المهم انا حبيت اتدارك الوضع من الان عشان ما اتوهق بعدين .. اتمنى اني احصل جواب كافي

اما السفاره تنسق لك مع عائله هاذي كثر منها ياشيخ
اقول لاتتصل تسال السفاره عن هالشيء يرجعونك لسعوديه ههههه

بكندا عندك موقع kijij أكتبه بقوقل وتحصل كل شيء انواع السكن وفيه مدرسين خصوصيين وكل شيء
انت قرر اي مدينه بتكون وراسل النادي السعودي فيها وراح يساعدونك
ولو جاي لمعهد فيه معاهد ترتب لك توصيل من المطار وسكن مع عائله بس لازم تنسق معاهم من بدري
وكل شيء يتسهل لاتعقد الامور

بالتوفيق ودعواتك لي

السلام مممكن مساعدة الدورة الالكترونية اللي قالوا عنها انا سجلت فيها بالملتقى بس ماجاني ولا شي ساعدوني احد جاه حاجة عنها بالايميل ؟؟؟؟

Sent from my GT-I9305 using مبتعث mobile app

بالنسبة للمطارات ،
استفساراتك في محلها ، لكن أبي أطمنك أكثر ، المطارات في الدول المتقدمة واضحة جدا ، لأنهم مصممين المسارات و حاطين لوحات و إرشادات واضحة ، أنت ما عليك إلا تعرف :
اسم المطار اللي تبي تروح له
اسم الخطوط
رقم الرحلة
رقم الصالة
رقم البوابة
و عموما ، التذكرة فيها المعلومات الأساسية و ركز فيها

وفقك الله لما يحب و يرضى