نفر مندي مع الرز.. وين الاقيها في فانكوفر (الكبسة) ؟

ياهلابك.. ابي احد يقول لي اكيد في المكان الفلاني عشان مااخذ كاتمي وعدتي.. وبالاخير احط فيهم برجر!

ياخوي فكرت بالوزن.. وفكرت في حالتي بدون كبسه بعد.. لقيت الاولانيه اهون

شكرا لمرورك اخي

هههههههههه
قد كدا بطنك تهمك
من جد الي يقول الطريق الى الرجال يكون عن طريق بطونهم
اصلا الرز مو كويس للصحه و فرصة انك تسوي رجيم هناك و تاكل الاكل الصحي

شرايك تاخذ كليجة !!!1

انا احاتي التمر واللبن والرز الحساوي!!!ها ها

اهلا بالاخت ريماس.. شكلك نحيييييييييفه مرررررررره.. مو زيي.. بسم الله ماشاء الله.. خمسه وخميسه
طال عمرك.. يقول لك المثل.. كل ماتشتهي.. والبس مايشتهي الناس
والله ياوخيتي.. اني اموت بالكبسه.. وبعدين ليش احرم نفسي في هالدنيا.. بلا رجيم بلا بطيخ.. خليني اشبع دامني حي.. وبعدين يحلها ربك.. " امزح ترى انا مو دب " بس دبدوب

بس تعالي وش الاكل الصحي.. الرز احسن من البرقر والبيتزا.. كلها دهون وبلاوي.. كبسة وبس

تحياتي لمرورك اختي،،،

الكليجا اخذها اخذها.. بإذن الله.. هذي مافيها شك.. والقهوه والتمر.. اخذت لهم مقعد درجه اولى وانا درجه سياحيه.. هم اهم شيء.. بس المشكل الرز هو الي ثقيل.. اتمنى احد يقول لي وين الاقيه هناك عشان مااتعب نفسي.. والا بالنهاية.. بحط كيس مع العفش ولا من شاف ولا من درى

شكرا لمرورك.. تحياتي لك

تلاقيه في كل مكان خصوصا بقالات الهنود و عندك سوبر ماكت فود بيسك تلقى فيها اللي تبي

الله يبشرك بالخير.. بس بقالات الهنود.. ياخوي رز الهنود مش ولا بد.. رحت للهند قلت اكيد بلاقي هناك انواع الرز.. لقيت الرز الكويس مايبيعونه عندهم.. يبيعون الرز الي حبته صغيرة.. واذا طبخته يلصق في بعضه " الرصيص "

بس الكلام على الرز البسمتي الي ريحته ترد الروح قبل طعمه

مشكور على هالمعلومات.. وياليت تحط عنوان السوبرماركت الي ذكرت فيه الرز الزين.

تحياتي لك.. وشاكرا لك مرورك

والله ياالقصيمي الظاهر إني أبي اخاويك
مدام إنك تحب الكبسة
والظاهر إنك راعي بر وطبمخ
وأنا مالي في هالطبخ
الحمد لله إن الله رزقنني بواحد مثلك

وعلى هاالخبر
راح اطمن الوالده واقول لها ابشري والله ياأمي لقيت من يكفيني في غيابك

ههههههههههههههههههه
يعني اخر شيء افكر فيه الكبسة مع اجراءات البعثة هذه
لكن الله يعينك على بطنك

ياهلابك وحياك ربي
لا وازيدك من الشعر بيت.. قبل ماتمشي من الوالدة اوزن واكتب لها الوزن حقك عشان ماتنساه.. واذا رجعت لها بالسلامة اوزن مرة ثانية.. وقل للوالده الفرق في الوزن من كبسات ولد القصيم

ابشر بالكبسة الي تاكل اصابيعك من وراها.. وهذا يزودني شرف

تحياتي لك،،،