انا مرافق مع زوجتي البمتعثة وعندي سكر ----- سؤال

لا ان شاء الله . ينظرون للامراض المعدية الخطيرة

اتوقع لا
بس عشان تدخل معاك الادوية لازم تروح للدكتور ويكتبلك تقرير بحاتلك الصحية والادوية اللي بتاخذها طبعا الاسم العلمي بيكون مو التجاري

يا اخي الكريم

انا بابا مرافقي ومعاه السكر لما رحنا للدكتور العداس قلنالو المهم عمل تحاليل زياده بتاعت السكر

وبعدها باسبوع ونص السفاره ارسلت لنا ظرف ما يفتحو غير الدكتور العداس بحكم انو عملنا عندو من الاول

وكانو طالبين منو تقرير مفصل عن حالت بابا ودا التقرير ما يكتبو غير دكتور بابا الي بتابع عندو السكر

وبجد على قوله الدكتورالعداس عاملين حفله لبابا

لأنو عمل تحاليل دم وبول عند العداس وعند الدكتور الخاص فيه

وكشف على الضغط وتخطيط للقلب وموجات صوتيه للقلب

وكشف للنظر عند استشاري شبكيه وطبعا كان في كمان اخد اشعه للعين دا عملنا عند المغربي

المهم دا الكلام كلو كلف شي قرابة 2000

والله المعين قريب راح نستلم التقرير من الدكتور ونشوف بعدها

اذا اعطو الفيزا لبابا قلتلك

وربي يوفق الجميع

see u

يعني راح يسألو عن كل دوا ؟؟؟انا بابا عندو شنطه الدوا فيها ادويه للضغط والسكر والقلب ايش يسوي يعني؟؟؟؟؟

هلا اخوي
واحد من الشباب اللي قدم معانا للفيزا ومعاه سكر وكليسترول
ورحنا سوينا الفحص عند الدكتور عداس مثلنا ولكن زاد عليه حاجات بسيطة في الفحوصات
في نفس المختبر

وارسل الدكتور الفحوصات كلها إلى لندن
واول واحد وصلته الفيزا صاحبنا السكري
التساهيل كلها من رب العالمين وتوكل على الله
بالتوفيق يارب

احنا كمان طلبوا زيادة فحوصات وتقرير من الدكتور الاخصائي
وكلها كلفت فوق 2000 ريال

أعتقد الملحقية ما تعوض عن الفحوصات الطبية حق السفارة الكندية، صحيح؟؟؟!!!

عادي لانو اعرف وحدة نفس الشي مرافقها معو سكري عادي استلمو الفيزا

بأذن الله ماعندك مشكله بس ياريت ترفق تقرير عن الحاله مفصل من الدكتور اللي تعالج عنده

وطبعا راح يسوون لك فحوصات ومني عارف أيش كله نهب فلوس بس ماعندك إلا هذي الطريقه ومن ناحيه الفيزا راح يعطونك أياها لاتخاف