البن والقهوه والهيل ممنوعه في المطار الكندي

الله يبشركم بالخير .. الف شكر .. لكم ..

أجل رمضان سعيد على الجميع ,,

اعذرني ماقريت الردود لو في احد رد عليك

انا اخذت معي قهوة وهيل وتمر

ومافي اي مشاكل

اهم شي في كرت الامقريشن فيه سؤال هل معك اكل او خلافة

انا سئلني الموظف قلت معي قهوة عربية وتمر وعاااادي جداً بالعكس ضحك

ومافتشو شنطتي ولا شي لأن التفتيش يكون للناس اللي مرتبكين او شاكين فيهم من اجوبتهم بس وانتبه تكذب عندهم الكذب كبيرة من الكبائر

خلك طبيعي وتمشي امورك تمام وحتى لو فتشو مافي مشاكل انشالله

أنا دخلت من مطار هاليفاكس مرتين ,, ومرتين فتشوني يدويا

الاولى ماكان عندي اكل,, المرة الثانية كان عندي تمر وعلبة جالكسي

فالحين بسافر على مطار فانكوفر وباخذ معاي بهارات طبخ وهيل حق القهوة فالله يستر

طيب يا مستر قالولك شي ع اللي كان معاك ؟

اللة يساعد الجميع

يالناس يجيبوا الي تبون قهوة ,تمرة ,هيل , الوعد اذا قالوا ممنوع , ايش راح يصير معك
اللهم انك ماراح تقدر تاخذه معاك
انا عن نفسي جبت" بخور وعود " وبهارات مشكلة وتمر
يوم راحت الامقريشن اصلا ما عبيت الكرت خليت الموظف يساعدني وهو الي عبى الكرت قالت له انا ما اعرف انجليزي وخليت يشرح لي وانا اجاوب ويوم سالني انت جايب معاك اكل قلت له تمر"هو الشي الوحيد الي معي يأكل " ومشيت اموري من احسن ما يكون وكان هذا الكلام في فانكوفر

انا جبت معي وفي كيس بس في شنط الشحن ماحد قالي شي
وجبت معي كمون وكزبره وفي شنطة اليد وشا فه ماقال شي بس اخذ الشامبو
يعني جيب معاك وبالكميه الي تباها

لا مستر ميمو ماحد كلمني دخلوني عادي

توكلنا على الله أجل ..

وسمعت نصائحكم ..


حطيت البن والهيل .. في علبه شفافه ..

ورحت لأقرب خباز .. خليته يسوي لي تواريخ انتهاء وتعبئه ..

وبكذا .. ما بقى شئ ..

نسيت أقول لكم ...

معي هدايا ... شنطه كامله .. لأناس أعرفهم هناك .. كنديين .. وحسب تجربتي أنهم يسألون عن الهدايا ..

لجل يأخذون ضرائب عليها ..

أنا لن أذكر انها هدايا وسانسبها لنفسي ..

فإيش رأيكم ..

علما أن الهدايا هي :

زمزم - بخور - عود اصلي - تذكارات إسلاميه - لبان بخور - بن تركي فاخر - بن عربي - هيل - عطور - أدوات تجميل - مكياج - ملابس - تمر - مسابح - بلاي ستيشن 3 - جوال - ألعاب أطفال

بعضها بأغلفت الشركة ما فتحتها ..

فإيش رأيكم ..

هل أقول انها هدايا وأصرف عليها ضرائب .....( يبغى لها ميزانيه .. وتجهيز فواتير .. وحوسه )

ولا أقول إنها لي .. ولزملاء مبتعثين ...

وأفك روحي من الهجوله ..

انتظر نصيحتكم ..

وشكرا

الله يعطيكم العافية يا اخوان على المعلومات والمشاركات المفيدة...

عندي استفسار عن شحن البن والهيل والبهارات والبخور في كراتين الشحن ( DHL او Four Ponds) , هل عليها نفس الطلبات والمشاكل والا عادي تمر بسلام...

بالنسبة لاخوي سفير الشوق... انا معك على جمعة اول رمضان.. يبيلنا نرتب مكان احنا والشباب في لندن اونتاريو ... انا رحلتي في 19 August الى لندن