هل تكفي 37000 الف درهم-ريال شهريا للبعثة

ياجماعه انا صديقي اماراتي مبتعث راتبه الشهري الفين دولار بالتحديد
ردا على الاخ اللي يقول الراتب 3900درهم
فلقد تم زيادة رواتب المبتعثين الاماراتيين الى 2000دولار في يناير الماضي
وهذا للتصحيح فقط

يعني مكافأتهم مثل مكافاة طلاب كندا فقط

شي جيد اننا مبتعثين الى كندا ولا رحنا دول مكافاتهم 1300 دولار او 850 جنيه ؟؟

ماشاء الله

الله يكون بعون الجميع

الله يرزقه ويرزقنا


يا شباب ما له داعي الحسد والحقد على أخونا

نحسد ونحقد؟؟؟؟

اخوي ترانا شايفين نعمه نحسده علشان 37 الف؟؟؟


خيررر وش شايفنا انت


بس لا يجلس يستهبل علينا ان المبتعث عندهم 37 الف راتبه

وانا جبت مقال من وزارة التعليم حقتهم كم رواتبهم

بس اكثر شي قهرني انتم فشلتونا يوم تقولون السعودي مايستلم الا 5 الاف ريال ياحسره ومدري ايش وانت راح تعيش ملك هناك وان الوزير بالسعوديه ياخذ 20 الف او اقل

لا وهو يقول معقوله وحاط استفهامات والمصيبه انه مصدق كذبته

ههههههههههههه اخرتها يوم سويت سيرش على رواتبهم طلع 3600 درهم يعني اقل من السعوديه اللهم لا شماته

لا وانشاء الله فيه زيادة خلال الاسبوعين الجايه هذي لنا



ارفع راسك انت سعودي ولا تصيرون مشافيح اذا قريتوا شي زي كذا الله يخلي قوقل يطلع لك كل العلومات الصحيحه يجب ان نكون اذكا من ان شخص يخلينا نحقد على دولتنا الي ماقصرت معنا ولا نكون امعه نشوف رد الي قلبنا ونجلس نتحسر على حالتنا مثل رد الي قبلي

انا بالعكس مادخل راسي ابدا ان رواتب المبتعثين 37 الف وسويت بحث بقوقل طلع راتبهم 3600 درهم فقط

يارجال وش الي 37 الف والله لو انه وزير بيكمل ماجستير امور وزارية خخخخ <<< مادري من وين جاي التخصص

بس الرجال شكله ناوي يتميلح ,,انا اعرف واحد جاي من وزارة الاعلام في الامارات وراتبه مسكين 1000 دولار امريكي خخخخ

وفي دوائر في الامارات تعطي تقريبا 3000 دولار امريكي بس هذي تشرط على الطالب معدل 80% على الاقل في الدراسة او يرجعونه ابو ظبي خخخ يعني بس ينزل المعدل يايدرس على حسابه او يرجع بيتهم ,, يعني في شروط صارمة جدا

بس سالفة 9 الاف دولار هذي قولو لصاحبنا يكثر منها

ياجماعه اخصائي علاج طبيعي ماكذب عليكم بس يمكن احنا مافهمناه صح

لانه يجوز انه الاماراتي مبتعث من جهه عمله لاني انا مبتعث ومعاي تسع اماراتيين مبتعثين من جهه عملهم ويستلمون 3 الاف دولار شهريا غير 3 الاف دولار كل 3 اشهر بدل سكن وهم ضباط متخرجين من المدرسه العسكريه حديثا ومبتعثين من جهه العمل

واللي مو مصدق ولصاحبنا راعي قوقل يكتب سلم رواتب العسكريين في الامارات ويحسب راتب الضابط بالدولار والفرق في الراتب هذا بدل غربه لان تعليمهم خارج الدوله

وعلى الطاري شيوخهم ومنهم الشيخ محمد بن راشد جاء قبل فتره بسيطه واهدى لكل طالب 5000 دولار لتحسين المعيشه طبعا لكل طالب اماراتي

وهم يستاهلون واما احنا

انا اشوف ان راتب المبتعث جيد ويصل للممتاز الا في بعض الدول مثل اليابان وبريطانيا وامريكا هم اللي مظلومين شوي واتفق مع حبيبنا الاخ اللي يقول الواحد رايح يدرس مو رايح يعيش ملك وبعدين في دول مثل سوريا والاردن وغيرها تبعث الطلاب على 100 دولار شهريا وتوفر لهم السكن وهم عايشين وبصراحه تلقاهم متفوقين على غيرهم

وهذي مشكلتنا احنا الواحد يبي ويبي وليته يشد حيله في الدراسه وياخذ الاول ولا الخامس على الاقل

الله يهدي الجميع ويوفقنا ونرجع لبلدنا رافعين روسنا ورؤس اهالينا

بالتوفيق للجميع

أنا كتبت سطرين فقط



وجاني وابل من الكلام




عموماً مش شرط أن المكافأة كلها من الحكومة حقته


يمكن من أبوه يرسل له فلوس كل شهر


يعني مكافئة + فلوس من أبوه



ما لها داعي كل التحقيق ذا



وعلى فكرة فيه موضوع في قسم الأخبار كاتبين فيه أن مكافأة الاماراتيين رفعوها إلى 2000 دولار = 7500 ريال / درهم

و الله ما قلت إلا ذهب يالزميل و كلام سليم 100/100 !! و لله حز في خاطري ردود أفعال بعض أخواننا السعوديين الله يسامحهم و يهديهم إنشاء الله. كنت أبغى أقول نفس الكلام إللي إنت كتبته لكنك كفيت و وفيت يالزميل و لله درك.

هلا اخوي وانا راعي قوقل اسمي الموعود اذا كنت ماتعرف تقرا

اذا كانت غيرتي على ديرتي تخليك حتى ماتقول اسمي فهذا اعتبره فخر لي


الشي الثاني انا ماقهرني منه الا يوم تعجب ان راتب السعودي 5000 ريال وحط استفهامات
طبعا اتكلم عن المبتعث من الوزارة حقتهم وقارنتها براتب المبتعث من الوزارة عندنا

بالعربي بقول له لا تتعجب من مكافاءة السعودي لان اصلا مكافئتهم اكثر من مكافئتهم

واذا كنت انت معجب بدولة الامارات اتوقع انها ماصرفت عليك ريال عفوا اقصد درهم علشان تدافع عنها ثانيا لا تصدق كل مايقال

مثلا زيادة رواتب القطرين 200&#37; اعرف واحد قال والله ماصارت وانها بس بالمنتديات

ثانيا ه مابعثوا وزارتهم الا 1500 طالب اما حنا ولله الحمد تتعدى 7 الاف طالب

ودك الوزارة تلغي 5500 بعثة طالب وتقسم رواتبهم على 1500 طالب بس وتقتصر البعثات عليهم

يعني وانا اخوك لا تصدق كل مايكتب علشان كذا جبت لك رواتبهم من موقع وزارتهم

ونصيحة تبي تثق بنفسك دايم ردد انك سعودي

ولك تحياتي اخوك الموعود او راعي قوقل اذا كان يعجبك اكثر الاسم