قبول دكتوراة بكندا بالإدارة ، ممكن التفضل بالدخول والمساعدة

في انتظار ردر الأخ/ رايح فيها
وشكراً

اخوي بالنسبه لمعدلك وخبرتك ما شاء الله حولك عاليه ان شاء الله راح تكون سهاله عليك

بالنسبه للجامعات الي ممكن تحصل فيها قبول بال Business Administration هي جامعة سانت ماري Saint Mary's University بس اذا فيه تخصص فرعي او شي ياليت تعطينياه اجيب لك وش الجامعات ايضا كمان عندك McMaster University و McGill University واتوقع راح تقبل ايضا بسهولة فيهم ارتباطا بمعدلك وخبرتك اخوي.

الحين اذا تبينا نبدا بمعاملتك انت كيف لغتك الانجليزيه اذا مو مره بلغني عشان اجيب لك المتطلبات وملف التقديم. تحياتي اخوي

اختي اذا تبين تكملين بماركتنق في كندا كند ابشكل عام تخصص المراكتنق تخص فرعي يندرج تحت البزنس يعني تدخلين البرنام عام وانتي تحددين مسار التخصص بالبحث او المشروع البحثي وبالتوفيق اختي.

اختي ياليت تزورين هذا الرابط http://oraweb.aucc.ca/dcu_e.html

لا تخافين البنات على قولة اخواننا المصريين على قفا مين يشيل واغلبهم دكتوراه (دايم شاطرات مدري من وين تطلعون) ما شاء الله.

مشكور اخوي
انا ماودي تسويق بس اضطريت لو جاني مجال اصلا بغيره لاي شي بالاداره افضل

مشكووور تعبناك معنا ,,

اخوي/ راح فيها
اعذرني ما ودي اناديك بها الأسم بس ما اعرف غيره لأنه النك نيم حقك
شكرا لجهودك ودعواتي الصادقة لك في هالشهر الكريم
انا لغتي مو مرة ولاعندي توفل يعني اللي ابيه قبول مشروط
بليز دلني كيف الطريقة
الله يوفقك
ومشكور ومااقصرت

هلا اخواني انتم فهمتوني غلط او بالاصح انا وصلت لكم المعلومه غلط

انا يا شباب ماني مكتب ولا واحد شغال تجارة او عندي معارف انا كل الي اسويه اني احاول اساعدكم لاني اول كنت ظايع مثلكم وفهمت بعض الامور. واهم الامور يبي لها صبر. انا احاول اساعدكم كيف تلعبون على بعض الامور المطلوبه وكيف تسرعون البروسس يعني نبدا بامور التسجيل واذا فيه شي يبي له كتابه انا اكتب لكم بالانجليزي مع ان لغتي مو قويه ممكن تواجه استاذ اكاديمي بس تنفع.

الحين اخوي تبي نبدا بجامعه سانت ماري اجيب لك متطلباتهم والابليكيشن وهم وش يبون من امور واوراق ولا فيه جامعه ثانيه تبي نمخمخ عليها؟ واذا عندك جامعتين يكون افضل عشان تكون نسبة قبولك اعلى واذا ثلاث عز الطلب عشان تظمن ان شاء الله وتكون مرتاح نفسيا..

الحين اخوي المطلوب بس حدد الجامعات وانا بدوري اجيب لك المتطلبات والابليكيشن وانت بعدها توفرها واقول لك وش تسوي بعدها.


أختي شتات انتي بكندا.. اتمنى اذا انتي بكندا تعطيني خبر لان عندي فكره لك..

اختي شتات بالمره وش تخصصك بالماستر وكم معدلك ومنين متخرجه ووش التخصصات الي تبين تكملين فيها لاني سمعتك تقولين اي تخصص!! يجي!! يعني لو اجيب لك علم فضاء تكملي

اعجبني الموضوع كنت ابحث وحصلت هذا الرابط
اخوي انا كنت في فانكوفر 2005 لمدة سنة ورجعت السعودية وانهيت الماستر في جامعة الملك عبدالعزيز ودي اكمل دكتوراه نفس التخصص ادارة اعمال ودي اتخصص موارد بشرية او نظم ادارية
هل تستطيع مساعدتي بكتابة بربوزال وكمان قبول مشروط لان لغتي تحتاج شوي تحسين ويكون في اي جامعة معترف فيها حتى اقدمه على الادارة لابتعاثي
اتمنى ما اكون ضيف ثقيل

كل عام وانتم بخير اختي شتات .........اهلين وانستينا تراني بنت

اخي \راح فيها
ان حاصله علي الماستر من جامعه الملك عبد العزيز .......اما خبرة امممممممم..محد اعطاني فرصة كله تطوع...
ياريت تساعدني في الحصول علي الابليكيشن انا الان بدرس في ماليزيا وناويه اغير بلد الابتعاث بعد مرور 4 شهور من الدراسة
وبعد بحث شفت برنامجبي في جامعة بريتش كولومبيا ...فإذا ساعدتني فجزاك الله خير
علي الحصول علي شروط مقبول لدرجة الدكتوراة ...مع العلم اني معدلي عالي في الماستر تخصص ((ملابس ونسيج ))اريد اكمل في تسويق

بالنسبة للموارد البشرية للدراسات العليا (دكتوراه)
عندك
McMaster University
University of Toronto
كتخصص عام وفيه جامعات تضمه تحت الادارة

زوري هذا الرابط راح يفيدك كثير http://oraweb.aucc.ca/dcu_e.html

بالنسبة للبروبزل فهي راح تكون صفحه وحده وتكتبين فيها المقدمه ليه اخترتي التخصص ووش الي يعجبك فيه وليه اخترتي الجامعه الي تبين تقدمين عليها.
الجزء الثاني تشرحين فيها الافكار الي تبين تستفيدين منها بالتخصص ووش تبين تكون مركزه عليه.

بالنسبه لي البروبوزل الشباب ساعدوني فيه وقدمته للقسم. دام انك بالسعوديه ممكن تروحي اي جامعه وتسالين اي دكتور يساعدك بهذا الموضوع او زوري هذا الموقع راح يفيدك كيف تكتبين بروبزل بالبزنس.

http://www.captureplanning.com/!hc_h...a_proposal.cfm?

ما اقدر اختي اجيب قبول مشروط. القبول المشروط يكون سهل الحصول عليه لما تكوني موفيه اغلب شروط الجامعه ومنها راح يعطونك القبول المشروط ملحق فيه اللغه فقط او مضاف اليه انك تاخذي كورس الى ثلاث كورسات تفتح لك مجال التكميل. وبعضهم يشرط الجيمات او الاغلبيه.