مع الأسف اخبركم بخبر غير سار عن هذه الرحلة
بعد مشاروتكم فقلت خلني اتوكل على الله واكلم مكتب الطيار اللي في الرياض عشان يأكد لي الحجز وبعدين اخذ الحجز من الشرقية
ودقيت عليه
الو ؟
الو؟
انا : هذا مكتب الطيار لسفريات بالرياض ؟
المكتب : ايوه تفضل
انا : كيف حالك وشو اخبارك ..؟ المهم انا ما ابغي اطول عليك بس ابغي تأكدت لي الحجز ووووإلخ
المكتب: اوكي بس ممكن تعطيني اسمك .؟!
انا: اوكي ..اسمي البرتا بن فلان الفلان
المكتب : تمام ..ممكن تعطيني رقم الحجز اللي حجزته
انا : الرقم هو ####
المكتب : تمام ...استنى دقايق بش عشان اشووف الحجز
المكتب : هذا الحجز ما ينفعش ... ياما انك تدفع الفارق او تغير الحجز ؟
انا : ليه وش صاير .؟
المكتب : انت حاجز على كرسي البزنز يعني درجة اولى
انا : قلت له والله العظيم مو انا اللي حاجز على هذا الكرسي انا بس ابغي اوصل بأي طريقة وباسرع وقت وبأقل وقت بحيث ما في انتظار طوووووويل
انا : وش الحل الحين .؟ او غير الحجز وخلها على درجة سياحية على نفس الرحلة ؟
المكتب : ما في كرسي على درجة سياحية حاب اخليك في انتظر ..؟
انا : لا ... خلاص شووف لي حجز ثاني على نفس التاريخ واليوم
المكتب : اوكي اصبر دقايق خليني ابحث لك
انا : صبرا جميل ولله المستعان ... ( رااح ارووح للمكتب اللي حجز لي ورااجح العن ابو خامسه
)
المكتب : ايوه حصلت لك حجز وهو
دمام - فرانكوفر ( المانيا ) - فانكوفر - فكتوريا
لكن الأنتظار رااح يكون في المانيا 6 ساعات - ورااح اصل الى فانكوفر عساعة 2:22 تقريبا
وتقلع الطائرة الثانية الى فكتوريا عالساعة 4 بالضبط
انا :
... احجزه لي على هذه الرحلة وبكره رااح اتصل عليك عشان اأكد الحجز
المكتب : خلاص رااح احجزها ..مع السلامة
انا: باي
شفتو القهر كيف
الغبي حاجز لي حجز على البزنز ....وانا فرحاااااااااااان اني رااح اوصل بكير على كندا
بس والله انه قهرني اكثيييييييييييييييييييير
اليوم رااح ارووح للمكتب ورااح العن ابو خيره
والمعذرة على بعض الكلمات اللي مو في محلها لأسباب عصبية
وبالتوفيق للجميع
البرتا October 8th, 2008, 06:19 AM
LinkBack URL
About LinkBacks
في فانكوفر اعتقد يمديك اذا انت مجهز اوراق القبول ووين راح تسكن واذا كان في الضمان المالي افضل تخليه معاك لاقدر الله وراحت تقدر تروحب االفيري وتمشي حالك بس لاتنسى العفش على فكتوريا مش فانكوفر
بالتوفيق