فانكوفر ولا تورنتو و كوبيك ؟؟؟؟

يا جماعة ابغى اعرف هل الوزارة تعطينا قبول المعهد الي بنختاره للماستر وكيف ومن فين نستلمه

اولا السلام عليكم

ثانيا أتوقع عندك سوء فهم بسيط بس !! كيوبيك هي مقاطعه وفيها مدينة اسمها كيوبك بس جامعة mcgill بمدينة مونتريال في مقاطعة كيوبيك

بالنسبة لسؤالك ؟

الله سبحانه وتعالى رزقني اني رحت للمدن الثلاثة بفترة وجيزة وانا الان ادرس بالعاصمة الكندية اوتاوا

من وجهة نظري سؤال مثل هذا يعتمد جوابه عليك ؟ مو شرط اللي يعجبني يعجبك !!
بس بسويلك مقارنة بسيطة بين الثلاث مدن

مونتريال :

مدينة خليط بين الفرنسية والانغليزية وبصراحة اشوفها ميزة انكم تدرسون فيها يمكن تطلعون بلغتين , جوها بررررررررد بالشتاء ويذبح وصيف حلو , مدينة ماتنام ابدا وتجلب سياح كثير من نيويورك حتى احيانا بالويك اند تشوفون لوحات كثيرة جاية من امريكا خصوصا ان اقل عمر للمحظور 18 عكس امريكا 21 او كندا بشكل عام 19 , جامعة مكغيل جامعة محترمة ولها سمعه كبيرة باامريكا , عررررررب عررررب عرررب << صحيح انهم بكل كندا لكن بمونتريال بشكل مجنون حتى سمعت ان بعد الانغليزي والفرنسي على طووول واراه صحيح . نظام المواصلات بصراحة ماسكنت بغير الداون تاون عشان اقيم لكن اشوف المترو يروح كل مكان ؟ , مدينة ستايلها اوروبي وشعبها بايعها خخخخ يعني اذا انتم عائلة محافظة مرة وماتبون عيالكم يشوفون اشياء مو زينة ماانصح فيها الا اذا بعدتوا عن الداون تاون خخخخ

تورنتو :
واجهة كندا بااختصار ,, نيويورك بمبانيها ,, لوس انجلوس بنشاطها بس فيها ميزة لكل مكان غرض يعني العاقلين لاقين اماكنهم والداجين لاقين اماكنهم ,, جوها تقريبا مثل مونتريال برد بالشتاء وثلوج وصيف حلوو ,, جامعاتها من اقوى الجامعات بكندا ( تورنتو , يورك , رايرسون ) , شعبها بااختصار من كل العالم , انا اشوف انها المدينة الكندية الاولى من ناحية تنوع الشعوب ,, أسواقها الله يعنكم كل شيء تبون تشترونه خخخخخ فيها مجمع بالداون تاون فيه كل اللي يخطر ع البال وفيه واحد بمنطقة برى الداون تاون بعد وفيه كم واحد صغير بعد ,, المواصلات الأفضل من وجهة نظري بين المدن الثلاثة صبواي يروح كل مكان باصات 24 ساعة تدور كل شبر بالمدينة ,, عيبها كبيررررررة مرررة اذا ماتحبون الزحمة ماتصلح لكم ..

فانكوفر :
كانت اول وحده برحلتي الدراسية وطلعت منها موب بكيفي لان ماكان عندي قبول ,, اذا كان فيها ميزة فالشتاء عندهم ادفء من كل مدن كندا بس خلوا مظلاتكم كل يوم بالشنطه مطر كل يومين تقريبا خخخخخخ ,,, اذا تبون مدينة هادئة فانكوفر هي الخيار الافضل ,, بصراحة اشوف الناس معطيتها اكبر من حجمها بكثير !! ,, جامعاتها ( برتش كولمبيا , سايمون فرايزر ) جامعات محترمه جدا ,, أسواق بصراحة مو اللي كنت متوقعها ابدا هي كويسة بس مو مثل مونتريال وتورنتو ,, مواصلات اشوفها الاسوء خصوصا ان السكاي تراين مايمشي بكل المدينة تقريبا وغير كذا القطار مايشيل ركاب واجد يعني بالصباح انسوا تركبون الا لما يمر 3 قطارات خخخخخ ,, شعوب ولو ان يغلب عليها وبقوة شرق اسيا لكن موجود فيها اجانب بعد بس الاغلبية صيننين خخخخ ..




بالنسبة للصرف في المدن الثلاثة مايفرق كثير أبدا واشوفه عامل مهمل اذا كنتم بتختارون وحده منهم .؟


شخصيا لو خيرت .؟؟ بختار تورتنو وبدون تفكير بعد المنطقة بصفه عامه عاجبتني 6 ساعات من توروتنو لمونتريال لو تبون تغيرون جو ,, شلالات نياغرا جمبكم , أفظل ملاهي بكندا فيها ( كندا وندرلاند) ,, نيويورك سيتي 6 ساعات بس !!!!!! ,, جامعات اكثر وخيارات اكثر ؟! , راحة بالمواصلات ,, شعب روعه ,, اسواق ومحلات متوفرة ,, تحسون انكم ببعتة خخخخ


في الاخير ..... الكلام اللي قلته كله يعبر عن وجهة نظر خاصة فيني بناء على تجربة سابقة وكل هالتجارب خلال ال6 شهور الماضية يعني كله كلام قريب !! وأي سؤال حاظرين ؟!