نداء لطلاب تخصصات الإدارة: محاسبة، إقتصاد، مالية، نظم معلومات، تسويق

قد تكون الإيجابية الوحيدة لو جبت قبول وخلصت البرنامج ...

أنك بذلك تكون قد قمت بعملية تحدي شرسة على مستوى عالي من الإنجاز والصبر والكرف ... كل هذي الإنجازات لا تقاس بما قدمها غيرك ومن جامعات أفضل من تلك التي قبلت وتخرجت منها (فهم بالتأكيد سيكونون أقل منك كرفا ومن جامعات أقوى أحيانا) ... ولكن في دول أخرى مثل أمريكا وأوروبا وأستراليا ونويوزيلاند... الخ!

ياهواا انا محاسبة

طيب انا ودي اكمل ماستر محاسبة

مع العلم انه تخصصي بالبكالوريوس رياضيات

وبعثتي على كندا ...

انا رح ادرس السنة الاولى بمعهد لغة وبدور جامعات بامريكا او اي مكان ثاني

وبس اخلص اللغة اطلب تحويل .... هل فكرتي حلوووة والا ؟؟

انصحووووووووووووووني

ريمانة .. أنا راح اسوي زيك تقريبا !
لكن خايف من صعوبة التحويل , اخاف يقولون لنا انثبرو بس ..!
لكن استخيري و الله يكتب الي فيه الخير ..

اذا الدراسة بهالصعوبة وفيها قرون و طلعة عيون لهالدرجة مصيبة :|

الأخت ريمانة ... لو تخصصك السابق علوم رياضية ... وليس رياضيات تربوية ... قد يكون لديك فرصة أقوى من غيرك للحصول على قبول ...

في جامعة واترلو (ولا أعلم عن الجامعات الأخرى) ... في قسم المحاسبة الأفضلية القصوى لخريجي الرياضيات (القسم لعلمي وليس التربوي) ... كما أن خلفيتك الرياضية قد تساعدك في إجتياز إختبار ال GRE بدلا من إختبار ال GMAT

واللع أعلم ...

ياااجمااعة والله مررررة خوفتونا من كندا ....انا من اول قاعدة اقراء الردود ....والله مرررة تعبت وجاني اكتأب مبكر...شكلو حعمل زي اختي ريمانا ادرس لغة في كندا بعين احول...بالمناسبة انا تخصصي ادارة اعمال في البكالوريوس ومعدلي الحمد لله كويس وحابة ادرس تمويل....ومن الردود عرفت انو التمويل اصعب تخصص في كندا...؟؟؟؟اش تنصحني اسوي اخوي البسيوني؟؟؟؟
ومشكوور على كل حال..

لغة عربية
4,53
ناوي ادرس ماستر
موارد بشرية ان شاء الله

مشكور أخوي أبوهبة على موضوعك
وهالموضوع خلاني أعيد حساباتي أني أحول لبريطانيا أو أي ديره والله مالها داعي مرمطه وكرف ويمكن نمشي ويمكن لا
لكن الشي اللي أبغى أعرف وش نوع الصعوبة اللي تتكلم عنها يعني بعض المواد لو تدرس ليل ونهار وتفحط مافيه أمل تنجح الأ أن يشاء الله وفي المقابل فيه بعض المواد إذا تابعتها أول بأول وذاكرت واجتهدت تمشي بإذن الله؟

السلام عليكم
أنا للتو اقرا موضوعكم وحبيت اطرح تجربتي في القبول
بالنسبة للجيمات درسته شهرين وجبت 550 q42 v23
وهذا معناه الحد الادنى ومش لاي جامعة (جامعة برتش كولمبيا مثلاالحدالادنى 550لكن يشترطون التوازن بين شطري الجيمات)
بالنسبة للتقديم قدمت على جامعتين كونكورديا والبرتا في البداية ماكنت متوقع اي قبول بس ولله الحمد جاني قبول من كلا الجامعتين.
اذا كان الجيمات مالك في الحدالادنى اتبع اللي سويته وان شاء الله تزيد فرصك في القبول:
1) قدم على الجامعة مبكرا: جامعات كندا تعتمد مبدأ rolling admission. وهذا معناه انك كلماقدمت مبكرازادت فرصك في القبول يفضل انك تقدم فبل النهاية الجولة الاولي من التقديم.
2) ركز على personal statement اكتب مسودة وعدل فيها مرة ومرتين وثلاث . امدح في الجامعة شوي ولمح انك رايح تكون بعثة لانهم اصلا مب ملحقين طلبات المساعدةالمالية او المنح من الجامعة.
3)معدلك التركمي راح يساعدك في القبول . الفكرة في النهاية انهم يبغون الclass profile مشرف علشان يضمنون فرص اكبرللخريجين يعني هم اذا بيشوفون انك راح تنزل المتوسط في الجيمات بيشوفون هل راح ترفعه في جانب آخر هل معدلك التركمي فوق المعدل مالهم ؟هل سنوات خبرتك مقاربة لمتوسط سنوات الخبرة في الكلاس ؟ لا تنسى انك طالب اجنبي وهذا يعطي صف الماجستير دفعة اضافية.
4) رسائل التوصية خلها من ناس فاهمين لانهم راح يقرونها بس مب شرط انهم يتصلون بكاتب الرسالة خل وحدة من مديرك المباشر ووحدة من اللي اكبر عنه.
والختام الجيمات ترا وراكم وراكم حتى لورحت بريطانيا اغلب جامعاتها صارت تطلبه( لاو 600 اقل شي) واللي ما تطلبه راح تطلب بالمقابل اشياء ثانية جامعة باث مثلا ما تطلبه لكن بالمقابل تطلب اقل شي ثلاث سنين خبرة ومتوسط الخبرة عندهم 6سنين مب انته بس اللي هارب من الجيمات . بالنسبة للضحك والبكاء انا مع التفاؤل بس بعقلانية يعني اذاجايب 500 لاتدق باب مكغيل وتورنتو . وترا انا شفت خريجين جامعات مثل كونكورديا ومكماستر البعض ماشالله يضرب في الصخر والبعض ما يفور دلة . اذاذاكرت اول باول ما في شي مستحيل.
تقبلوا تحياتي
civil4ever