يا جماعة ارجوا الافاده في موضوع تجديد جواز السفر

أختي أم عبدالملك
هذا ايميل الاستفسارات الخاص بالوزارة
استفسري منهم و ردهم يوصل في نفس اليوم او اليوم الثاني بالكثير
mohe.press @ hotmail.com

والله يحفظلك عبدالملك و يجعله من الذرية الصالحة

و ما ادري اذا كان هو نفس الايميل اللي ما ردو عليكي فيه ولا لأ !!؟؟؟؟

عمري اسألي الجوازات هم يعطيكم خبر وبالنسبة لولدك الله يخليه لك تقدرين تضيفينه بجوازك
والله يكون بعونك

مره شكرا يا اخويا على تفاعلك
بس مو هوا دا الايميل اللي انا راسلتهم عليه
هوا كان ايميل للوزارة لفرع السيدات
يعني اكيد لو راسلتهم على دا راح يردو بسرعه ؟؟ يعني مجرب ولا زي اللي قبله؟؟
الله يعطيك العافيه و ما قصرت

تسلمي يا قلبي ومره شكرا على مرورك و دعواتك اللطيفه

لا أكيد ما جاوبتك الا عن تجربة

انا اول شي ارسلتلهم رسالة قلتلهم اني مجدد جوازي قبل اسبوع و ان الرقم اتغير ,, اش لازم اسوي ومن ذا الكلام
ردو علي اليوم الثاني وقالولي أرسلنا بياناتك ...

أرسلتلهم بياناتي ..الاسم .. رقم الطلب .. رقم الجواز القديم .. رقم الجواز الجديد .. و قلتلهم قولولي اذا في شي ناقص ,,
ردو علي اليوم الثاني قالولي ارسلنا صورة من الجواز الجديد

و انشاءالله برسلهم الصورة اليوم او بكرة

و جربي ارسليلهم أكيد بتلاقي تجاوب سريع ....

طيب ممتاز يبغالي ارسلهم دحين
مره شكرا يا اخويا الله يعطيك على قد نيتك
و ييسرلك امورك يا رب

انا واحده من صحباتي ارسلت جوازه للسفاره وكانت بنتها معها في نفس الجواز

بس السفاره رجعتلها الجواز وقالتلها لازم جولز لوحدك


والله اعلم

اختي انصحك باصدار جواز سفر لطفلك
وانا راح بعون الله اصدر جوزات لابنائي لكل منهم لانني سالت في الجوزات وقالوا لم ياتي لنا شي رسمي من السفارة الكندية
ولاكن الان ماليزيا صارت تطلب لكل طفل جواز مستقل
هذا مالدي
واسال الله ان يوفقك اختي الفاضلة
وشكرا