طلبات الفيزاء لزوجة والطفل عدد2

السلام عليكم و رحمة الله و بركاته

اول شيء الله يوفقك يا awdi و ترا الموضوع سهالة

بس انت ما عليك الا انك تجيب ورقة خطاب السفارة و هذي تأخذها من ادارة الابتعاث بحي الغدير

انتبه تغلط و تروح للوزراة التعليم العالي اللي بوسط الرياض

المهم تأخذ معك عشان يعطونك هالخطاب صور للجوازات و صورة قبولك
و عندهم ورقة تعبيها ثم بعد كذا تاخذ هالورقة مكتوب عليها للسفارة الكندية
وبالاخير ترا راح يضيفون اسم الزوجة و اسماء الاولاد و هذا معناه انك انت راح يرافقك المكتوبة اسماءهم و تبدا تسوي ابلكيشن جديد لك و لأهلك و اولادك و تصورهم على حسب الشروط اللي هم طالبينها و بعد ما تجيك اوراق الكشف الطبي تروح و تسوي لهم كشف و بعدين اول ما تجييهم الفيزا خلاااااااااااااص تكون بكذا تقدر تروح للادراة عشان يعطووك قرار الابتعاث و التذاكر

و في الاخير ... الله أعلم (( و اتمنى أني اكون أفدتك))

مرحبا اخوي
اضافة لمن ترسل لك السفارة الكندية جوازك فيه الفيزا لابد يكون عندك فاتورة منهم بالمبلغ الذي دفعته حتى تتمكن تعويض المبلغ من الملحقية السعوديه بكندا بإرسال الفاتورة الاصلية مع نموذج البنك وتعئبيه نموذج التعويض ويكون لديك صورة من اصل الفاتورة
اذا زوجتك تدرس ومعها اطفال تقريباً 425 دولار
وانت الان في كندا ولا في السعوديه

تحياتي

بالنسبه للخطاب اللي تكلم عنه اخوي المجازف
انا بصراحه ماجبت خطاب ولا شي على اساس ان الوزاره قالت لنا ان السفاره عندها اسمائنا , ففكرت انه خلاص مافي داعي ... مدري انا صح او لا ؟

اما بالنسبه للرسوم ياليت لو تتطلع على هذا الموضوع المفيد جدا جدا :
http://www.mbt3th.us/vb/showthread.php?t=81602

لاني ما ابيك تقع في نفس الخطأ اللي انا وقعت فيه , حنا ارسلنا لهم شيك بـ 425 دولار
اليوم الثاني كلموني قالو الشيك غلط المفروض 525 دولار
طبعا حنا عباره عني أنا + زوجي+ 2 بنتين
مع العلم ان زوجي فيزة زائر وليست فيزة طالب و الظاهر اذا كانت فيزة طالب تزيد الرسوم.

و بالتوفيق انشا الله و ادعو لي تطلع الفيزا ..

شـــكرا لكم على مساعدتي

أنــا موجود الآن في كندا , زوجتى أبي أجيب لها قبول للغة سنة حتى يعطونها فيزاء طالبة , المبلغ كم لها وعيال أثنين ما تتعدا أعمارهم اربعة سنوات , وش الوراق الي أسويها وأنا مـــوجود بكندا , والوراق الي بالوزارة بالسعودية