الاجراءات اللازم اتباعها عند الوصول لبلد الابتعاث..

مششششكور وما قصرت

العفو مهندسنا حاضرين للطيبين...

الله يعطيك الف عافيه اختي ما قصرتي
موضوع جميل جدا

العفو اخوي العامري ...يسلم مروركـ...

وعليكم السلام ورحمة الله وبركاته

يعطيك العافيه والله يا أحاسيس وعدتي فـ أوفيتي موضوع متكامل فعلاُ .. بس راح أنشب لك بكم سؤال ع الطاير

الإتصال ع الملحقية كتابيا صعب ماني فاضي أرسل لأني مادري شلون أول م أوصل إن شاء الله اللي فهمته إنو عادي أتصل فيهم هاتفيا إو ع الايميل أو بالفاكس صح ؟

طيب اللي أكتبه إلى سعادة الملحق الثقافي السعودي بكندا .. تراني وصلت كندا وانا فلان الفلاني ؟

الصور المطلوبه جواز السفر وبطاقة الأحوال والشيك والحاجات ذي نرسلها عن طريق موقعهم صح تبع الملحقية ؟

والله شايل هم السكنر بكندا مدري وين بحصله ..

فيه نموذج عن التواقيع من وين أخترع لي توقيع إنجليزي ؟ والله مشكله مالها داعي .. :d

يعني أترجم الحروف العربيه بتوقيعي وبس ؟ بس ماتصلح يطلع شكل التوقيع غلط ماينفع أخلي توقيعي عربي بس ؟

النموذج رقم 9 .. رقم فئة المبتعث وشو بالصبط ؟ طيب المؤسسه التعليميه هي المعهد اللي أدرس فيه صح ؟

اوكي التخصص الدقيق والعام من وين أجيبها وانا أدرس لغه ومادري أقدر أجيب قبول جامعي للماستر ولالا ؟

والله اسئلة كثيره تشغل بالي بس ربك يسرها إن شاء الله .. الله يجزاك خير أحاسيس .. :$

اكيد اخوي راح اوفي بوعدي وعد الحر دين ...
brrrb لا تحاتي ترا انا زيكـ عندي اسئله اشكثر لكن باذن الله جايبه الاجابات جايبتها الله لايعوق بشر لذلك انا ما ترددت اني اكتب الموضوع لكتابة اي استفسارات خاصه بالنماذج و اي احد عنده معلومات يتفضل ويحطها لنا ..عشان الكل يستفيد..

"حب لاخيكـ ماتحبهـ لنفسكـ"

اسأل ياخوي وخذ راحتكـ ابد كلنا ابناء ديرهـ وحدهـ فديتهـــا والله
هو اساساً لازم تتصل عليهم عشان تعلمهم انك جيت و فوق هذا كله احنا بننشب لموظفين الملحقيه من كثر الاسئله اللي بنسألها ههههـ الله يعينهم علينا ... والافضل اخوي انك تسوي كل الاتصالات الممكنه سواء ع الايميل وهاتفيا ..عشان تتأكد من تسجيل اسمك في الملحقيه..لاتقول مو فاضي
هذي مصلحتك


brrrb شوف اخوي من الحين انت عبي اوراقك و انسخ اوراقك ومستنداتك الرسميه من الحين لذلك انا ابي اجوبه ع بعض الاسئله الموجوده في النماذج لذلك ابي اعبيها و انسخها من الحين و افتك ..بس حسافه الـ scanner خرب علي وصح كل شي عن طريق موقعهم ..
اعتقد هالموضوع مهم جداً لذلك انا اطالب بتثبيتهـ ...واتمنى انه ما يُهمل..

وع فكره السكانر تلقاه بالمكاتب ع حد علمي و ايضاً بعض العوائل عندها سكانر لذلك من هالناحيه لاتشيل هم ...

والله انك زيي امس قاعده اتدرب ع توقيع انجليزي ههههههـ وربي مدري كيف
signature is signature حتى هو صار عربي و انجلش بس معليهـ وماينفع توقيع عربي بس لذلك تدرب مثلي هههههـ ع التوقيع لين تثبت ع توقيع انجليزي معين ..
>>عساكـ ع القوهـ

في النموذج 9 اعتقد فئة المبتعث اللي موجود في بطاقة الملتقى ان ماخاب ظني يعني مثل الفئة الثالثه و اللي الفئة العاشره ..في هذي باذن الله راح اجيب الخبر اليقين لكم قريبا
و المؤسسة التعليميه نفسه المعهد و بحكم ان اللي متقدم للماستر ما عنده قبول غير قبول اللغه
بس اذا ع التخصص اكتب التخصص العام اللي انت راح تدرسه بعد اللغه و التخصص الدقيق اللي تبيه .. واذا ع القبول باذن الله راح تقدر انت من الحين اطلع ع الجامعات اللي تبي و شوف وش اللي يناسبك من الحين عشان تاخذ فكرهـ ..

وربك ييسرها علينا و يجيب الله فيّــــز ياااااااااارب

اي سؤال و اي استفسار ابشروا ومراح نقصر معكم باذن اللهـ ..واي احد عنده معلومات
لايقصر معنا ...و ان شاء الله مراح ابخل باي شي يفيدنا جميعاً...

الف شكر على هالكلام الجميل والتوضيحات الحلوه.......

والله يكتبلك الخير فين مارحتي..

انا مثلكم عندي استفسارات كثيرة مثل اللي قلتوها..

وكمان لو تعرفوا اجوبة الاسئله هذي اكون شاكر ومقدر...

1_ في الاستبيان الثالث قلتي تكتب اسمك بالانجليزي فين اكتبه مافي فراغ للاسم غير بالعربي وتحت اسمك وتوقيعك...

2_في الاستبيان الثامن رقم الجوال و رقم الفاكس ورقم العمل فين هذا اللي في كندا اذا كان اللي في كندا سهل رقم الجوال اما رقم الفاكس والعمل من فين ياحسرة.

3- واخيرا الاستبيان الصعب؟؟

الصفحة الثانية في الاستيان التاسع المرحلة الدراسية اللي انا رايح لها؟او المرحلة اللي متخرج منها؟
وايضاً فئة المبتعث ايش الرقم اللي نضعه هنا؟

اسلوب الدراسه جزئي؟او كلي؟

اساس البعثة هل اكتب الدراسة؟ والجهة اكتب المعهد؟
التاريخ المتوقع تخرجه ماادري من المعهد او لمرحلة الماستر وانا زي صاحبنا ماجبت قبول جامعة.

اش هو رقم الصرف؟

واخيراً وليس آآآخراً...

صندوق البريد والرمز البريدي في الخارج من فين اسويه وانا ساكن عند عائلة راح اكون ان شاء الله ...
المهم حوووووسه على الله ... والله شايل هم وموضوع يحتاج للتثبيت صراحة...

واي معلومه راح تجيني راح ارسلها لكم على الخاص او هنا في الوضوع

وآآآآآسف على الاطاله.


واشكرك مرة ثانية.

ماشاء الله تبارك الله . وش ذا وش ذا ... انتي يااحاسيس قمبلة من الحيوية والنشاط ...يعني ملاحظ لتس اسبوعين وانتي مدهرة فيذا ... الله لايضرتس ..


الموضوع مهم جدا والغامدي غافلن عنا هالايام .. بس لاشافه بيثبتوووهـ أكيد

العفو يالمهندس ابد ماسوينا غير الواجب ....وهذا قليل ف حقكم ...
من ناحية الاسئله باذن الله راح اجيبها لكم ...انا كنت في موقع الملحقيه و الوزراة ..لاحظت في رابط التسجيل للطالب المبتعث او المرافق المبتعث في موقع الملحقيه لاحظت ان هالنماذج مو موجوده في خانات تحميل المستندات المطلوبه من ضمن التسجيل ...فهمتوا و الا كيف؟؟

اولا راح احط رابط فتح ملف مبتعث كبدايه للشرح البسيط للي مافهم

http://www.saudibureau.org/arrivalstep.html

بعد كذا في رقم 3 للتسجيل ع الرابط التالي...

http://scab.mine.nu

طبعا بعد ما تختار Student registration تطلع لكـ قائمه بنوع الطالب
انت راح تكون مبتعث لذلك راح تختار Scholarship Student ويطلع لكـ
البيانات اللي لابد انك تعبيها راح تكون في البدايه بيانات شخصيه ثم بيانات تعبيها لك و انت في كندا مثل رقم الجوال و المدينه و المنطقة مثلاُ البرتا .. وبعدها تحميل البيانات او المستندات المطلوبه ع صيغة PDF واللي ماعنده هالبرنامج في جهازهـ يقدر يحملهـ من موقع الملحقيه او فيه طريقه ثانيه له عن طريق الفوتوشوب و فيه موضوع بالمنتدى هنا عن طريقة تحويل الملفات الى صيغة PDF يعني زي المستندات المطلوبه مثل صور الجواز و الفيزا ووو هذي بعد نسخها حولوها و انا باذن الله بابدا فيه هالشي قريباً والله يعيني و يعينكم ...

لاحظوا و مابي اكون انا الوحيده اللي لاحظت ان في التسجيل مافيه النمادج لاجراءات الوصول لتحميلها ...شوفوا اذا انا غلط و الا صححوني ...تدرون بني ادم مو معصوم من الغلط ..


اخوي استفساراتك قريب باذن الله راح ارد عليها لاني ناويه اجيبها باذن الله قريب قريب...
خاصه اللي سالت عنه هذا بجيبه واللي عنده اي معلومات الله يرفع مقامه لايبخل علينا و يعطيها لاخوانه و خواتهـ ...

اذا كنت بتسكن مع عايله ياخوي اكتب الفاكس حقهم وصندوق البريد و الرمز البريدي الخاص فيهم
واسلوب الدراسه المقصود فيها انتظام او انتساب او بمعنى تفرغ كلي او تفرغ جزئي...اكيد احنا دام مبتعثين راح نكون متفرغين كلياً...

اخوي دش ع موقع الوزارة و شوف جميع النماذج اخاف ناقصه بالموضوع هنيه لاني حطيت 9 مرفقات بس ماطلعت كلها ...شوف وش النموذج اللي تقصده انت لاني اعتقد اللي تقصده استبيان باللغه العربيه..و فيه ثاني باللغه الانجليزيه اعتقد..

مدري اذا نسيت شي ماشيات برجع لكم باذن الله ..