يا اخواني والله رحت في ورطه

اوووووووووووووووه البحث هذا على اساس ايش ؟

الجامعا اللي براسي ترتيبها
1125
1166
2025!!

النجدة يا اخوان هل الترتيب مهم ؟

يا اخوي هذه الترتيب مختلف من سنة الى سنة ممكن الجامعات اللي براسك تكون بعد فتره مستواها عالي المهم كيف سمعة الجامعة انا الجامعة اللي جاتني سمعتها في الهندسة اما في التخصصات الطبية فيها مستواها متوسط

والله ما اعرف كيف سمعتها اصلا ؟؟ بس لمين اعطي خبر واعرف سمعتها يعني انا اروح هناك واشوف ولا كيف واكيد لو اسالهم ما راح يقولوا لي الصراحة وممكن تكون الصراحة لانه اكيد انت عارف قصدي مو معقولة جامعة مش كويسة تقول لك انا كويسة بس انا اللي لفت انتباهي انه وحدة من الجامعات اللي ابي اقدم عليها طلعت جامعة خاصة هل في هالشي مشكلة ؟ واللي عجبني فيها انه قاعاتهم ما تتجاوز 25 طالب بس

الله يكون في عونك

انا انصحك اخي الكريم امك تغير الجامعه او انك تغير التخصص باسرع وقت ممكن

لانك مراح تستفيد وراح يضيع وقتك ع الفاضي

والله يكون في عونك

بس يا اخوان .. انا تخصصي تقنية معلومات وانا تخرجت من كلية الجبيل وانا اخترت هالجامعات بناءا على البرنامج حقهم اللي يتبع التخصص حقي انه جيد ومافيه برمجة لانه احنا تخصصنا ما اخذ جهة البرمجة اخذ جهة تطبيقات الشبكات والصيانة عشان كذا هالجامعة اللي اخترتها متوافقة مع متطلبات البرنامج حقي انه اكمل بس من غير برمجة بس فقط كورسين هذا اول شي

ثاني شي انه انا لو اخذ الجامعات القوية بالترتيب راح اضطر انه يكون في كثير مواد برمجة بالتخصص حقي وهالشي مو لازم اخذه لانه انا مالي فيه

فياريت يا اخوان تنصحوني وتدلوني على الطريق الاصح ايش ممكن اعمل لاسيما انه معي الضمان المالي وجلست اسبوعين عشان اختار هالثلاث جامعات ارجو المساعدة

شوف يا اخوي لاتغير تخصص ولا جامعة ولا تسوي اي شي نصحية مني . اول شي انت راح تدرس سنة لغة انجليزيه وانت رايح تدرس هذه السنة روح اسال الطلاب عن الجامعة وقول لهم كيف هذه الجامعة وهل هي قوية ولا كيف. اذا طلع الجواب لا مو قوية يمديك تغير لجامعات كثيرة في امريكا والتغير سهل من هناك. لنفترض الجامعات الثانيه مافيها اي تخصص يناسبك اما تجي تتوظف هنا ما راح يسالوا عن انت متخرج من اي جامعة في امريكا. اهم شي تكون الجامعة معترف فيها راح يسالوا انت متخرج من اي دولة. والله انا في نظري تكون الجامعة مبدعه في تخريج طلاب فاهمين مهما كان ترتيبها. ياخوي انا لما سالت الملحقية عن جامعة نيوبرانزويك قالوا انت اول شخص يطلب تخصص طبي في هذه الجامعه هذي هي اللي كانت المشكلة الكبيرة بالنسبة لي

ربي يوفقك اخوي ويسر امورك وتلاقي الحلو لك يارب

تسلم يا حبيبي على الرد انا بحيرة من امري فعلا وكلامك اعطاني بووووووووش قوي تسلم وجزاك الله كل خير بس تعقيب بسيط على كلامك... انا ما راح ادرس سنة لغة

احد الثلاث الجامعات اللي قدمت عليها لما وريت لهم انه انا درست كليتي بالانجليزي وشافوا درجاتي ولاني ماخذ دورات من اول عافو عني التوفل والسنة المعهد وقالوا فيك تدخل على الجامعة مباشرة من غير اي اختبار ( هذه الجامعة الخاصة على فكرة ) الجامعة حلوة وجديدة وصار لها تقريبا خمسين سنة حاجة زي كذا بس لسه متردد .. هل تتوقع هما عملوا هالشي لانهم ربحيين وماديين مثلا؟ او فعلا انا ممكن استاهل اني ما ادرس انجليزي ( للمعلومية الكلية 3 سنوات وكلها بالانجليزي وانا ماخذ اربع دورات لغة ووحدة منها بكندا ) اتمنى تقيم هالشي وتعطيني رايك بالجامعة يا عسل

يارب يوفق الجميييييييييييييييع بالدراسة وبشتى مجالات الحياة

يعطيك العافية حبيبي وربنا يوفقك ان شاء الله وتلاقي الاحلى من الحلو

الله يعطيك العافيه اذا انت عندك قدرة في الانجليزي ما يحتاج تدرس سنة لغة . وانت اساسا راح تختلط بالامريكان وبمجتمع انجليزي يعني الانجليزي اللي عندك باذن الله راح يتحسن بكثير .اجل وش تقول على طلاب الطب اللي راحوا المجر وسلوفاكيا وهولندا وبولندا وهم ما قد درسوا دراسة بالانجليزي . وذا كان الجامعة اللي بتدرس فيها لها خمسين سنة يعني ماشاءالله اكيد لها خبرة من ايام جدتي والله يوفقك ويختارلك مافيه الخير