إجراءات الكشف الطبي في الرياض للسفاره الكنديه,,,مستشفى الدكتور سليمان الحبيب,,,!!

February 14th, 2009, 07:52 AM

السلام عليكم ورحمه الله وبركاته

إخواني آخواتي

حبيت أنزل لكم هالموضوع وأكيد واضح من عنوانه بحكم التجربه اللي مريت فيها وهو خاص للي دوبهم ماوصلهم الكشف الطبي طبعا الكشف الطبي راح يوصلكم ظرف فيه ورقتين الورقه الاولى فيها الأبلكيشن ومعلقه في صوورتكم (خشتكم ) وهذا تأخذونه للمستشفى والورقه الثانيه فيها بيانات بالمستشفيات المعتمده للسفاره الكنديه طبعا انا اخترت مستشفى الدكتور سليمان الحبيب المهم هذه الخطوات اللي تسوونها :-

1. تروحون للمستشفى من الساعه 9 صباحا الى الساعه 4 ونص العصر.
2. تطلعون للدور الثالث وعلى طول على الريسبشين ومعاكم الظرف وبرضوا خذوا معاكم كم صوره شخصيه مكشوف الرأس 4×6 يعني من صورتين الى ثلاث و تقدمونه للموظفه اللي موجوده واصلا هي اول ماتشوف الظرف راح تعرف انها من كندا.
3. راح تطلب منكم مبلغ 980ريال تدفعون هالمبلغ وتعطونها رقم جوال لكم وتنتظرون في الانتظار.
4. بعدين راح ينادون على الاسماء تروحون عندها وبتخليكم تروحون مع ممرضه ( انا خلتني اروح مع لعبه مو ممرضه وحده صغنطووووطه خخخخخ ) .
5. تنزلون للدور الأول على طول تعملون كشف النظر (مجرد اختبار صغير للغايه مثل مغربي لما تروحون له وبتقصون نظارات طبيه).
6. بعدها راح تعملون أشعه صدر(واكيد تعرفون الأشعه).
7. بعدها تروحون تسوون قياس للضغط وعادي جدا بعدها راح يسحبون منك دم للتحليل.
8. بعدها راح يعطونك علبه تروحون لدوره المياه وانتم بكرامه للبول (ونصيحه لمى تجون تعبون العلبه وانتم بكرامه مو على طول اول مايطلع البول وانتم بكرامه تحطونه في العلبه خلوه في منتصف البول وانتم بكرامه ( عشان يطلع صافي) ) .
9. بعدها ترجعون وتسلمون العلبه لهم وترجعون فوق للدور الثالث ( طبعا كذا خلصتوا الكشف والتحاليل المطلوبه ) .

اذا طلعتوا فوق بتسألكم الموظفه خلصتوا بعدها راح تقول لكم خلاص انتظروا مننا اتصال لمقابله الدكتور في هالحاله انتم قولوا لها انكم مستعجلين وتبون تخلصون بدري .

عند مقابله الدكتور ماذا تعملون !! <<< متأثر بكتاااب عن الصحه النفسيه هع هع هع

طبعا بعد الاتصال عليكم وطلب الحضور راح تخش على الدكتور بيسألكم كم تجلسون في كندا؟؟ قولوا خمس سنوات وهذا طبعا سؤال عادي جدا لا تخافون بعده راح تنسحدون على السرير الأبيض ومجرد راح يحط سماعته على الصدر وعلى الظهر ويقعد يلمس باطراف اصابعه على (كراااعينكم) هع هع ( وكرشتكم ) كمان خخخخخخخخخخخخخخخخخ بعدها بيقول خلاص راح نرس الكشف الطبي وتروحون الله يستر عليكم .

بعدها بكم يوم توصل لكم مسج مكتوب فيها كالتالي:-
{أخي المبتعث:يمكنك الآن متابعه رقم الشحنه التاليه (رقم الشحنه) . وذلك بالتواصل مع شركة أرامكس على الرقم التالي ( رقم أرامكس) مركز الدكتور سليمان الحبيب الطبي..}

ومن الحين تبدأون رحله المتابعه مع شركه أرامكس وهي بالغالب تاخذ من ثلاث أيام الى أربع أيام وتوصل على لندن وبعدها لمى توصل هناك انتظروا من اسبوع الى ثلاث أسابيع وبإذن الله راح توصل لكم الفيزآآآ,,,,

آآآآآسفين جدآآآ على الإطااااااله واتمنى أنكم تعذروني أذا فيه أخطاء واللي يعرف يصحح الخطأ الله لا يهينه لإني كتبت هالموضوع بيوم السبت بتاريخ 14-2-2009 وفي تمام الساعه الثامنه والخمسون دقيقه صباحا ( طبعا اكيد كتبته وأنا مفهي للغايه) هع هع هع هع هع هع هع هع هع
وياليت من الإخوان اللي يبون ينقلون الموضوع يذكرون مصدره,,,,
تقبلوا تحيات أخوكم / حسام المطيري

• نشر عبر تويتر
• نشر عبر فيسبوك
• نشر عبر جوجل