يارب يتحقق كل اللي تتمنوا:-) بس الله يسعدكم جاوبوني (للي قدموا على الفيزا)

انا اليوم جتني الفيزا وعبيت الابلكيشن من المكتب اللي جابلي قبول الجامعة والمعهد عشانهم يعرفوني وعباه لي ببلاش اصلا ربع ساعة وهو خلاص بس لازم تكونين معه وبعدها تروحين تودينها لارامكس وبعدها باسبوع يجيك الكشف والطبي وبعدين تسوينة وخلال عشرين يوم او اقل تجيك الفيزا وانتهى وبالتوفيق بس ادعيلي

مبرووووووووك اخ محتار وعقبالي ياااااااااارب ادعيلي وربنا يوفقك يارب

اهلين اختي امل الحياة

اسف جداً على التأخير .. بقولك شي قبل اجاوب على استفساراتك .. صدقيني مسألة تعبأة الابليكيشين بسيطه لكن اهم حاجه
تذكري المعلومات الصحيحه عنك حتى لو كانت مختصره

اول سؤال: في الصفحة الاولى من الابليكيشن في السؤال الرابع مكتوب :اكتب وظيفتك ونبذة عنها واذا توك متخرج اكتب من فين؟؟؟طيب سؤالي هو : انا مني متوظفة ومتخرجة ليا تلاتة سنين ايش اكتب في هادا السؤال؟؟

بالنسبه لي انا نفس وضعك وكتبت student فقط ..

ثاني سؤال: في الصفحة الاولى في الابليكيشن في السؤال الخامس مكتوب:اكتب عنوان وظيفتك وعنوان جامعتك ؟؟ طيب سؤالي هو : انا مني متوظفة ولا انا في جامعة ايش اكتب؟؟ اسيبه فاضي؟؟

كتبت لايوجد (none)

ثالث سؤال: في الصفحة التانية من الابليكيشن في السؤال 10 و 11 حق التكاليف والمكافأة سؤالي هو : مقدار المكافأة اكتب بس مكافأتي ولا مكافأة المرافقين كمان؟؟طيب بالنسبة ليا كمبتعثة كم تكون مكافاتي؟ وبالنسبة لزوجي اللي هو المرافق وعنده قبول وحيقدم على فيزا طالب كم تكون مكافأته؟؟وتكاليف المعيشة والأخرى كم اكتب فيها؟؟

السؤال رقم( 10 ) انا سبته فاضي
سؤال رقم ( 11 ) كتبت 1000 دولار >> والمربع اللي بجمبه فيه خيارين انا اخترت الخيار الثاني وكتبت تحتيه saudi government

رابع سؤال:في الصفحة التالتة من الابليكيشن تالت سؤال : حاطين بس خط واحد اللي اكتب فيه اسماء المرافقين .. اكتب اساميهم كاملة ولا كيف ؟؟

مثل ماقالتلك فرح الاسم الاول والاخير (لكن ماني متأكده هل تضيفين اسم زوجك او لا ) انا اضفته لان انا وزوجي بابليكيشن واحد

خامس سؤال : لازم اكتب سنة المدن اللي زرتها اخر عشر سنوات وكم مرة ؟؟ ولا بس اكتب اسماء الدول؟؟

اسم الدوله والسنه يكفي .. ولو اخذتي برنت من الجوازات عشان تتأكدي يكون احسن

سادس سؤال: في الصفحة الرابعة من الابليكيشن سادس سؤال مكتوب فيه اكتب عملك وعنوانه وانا ماعندي عمل اسيبه فاضي؟؟

انا كتبت student فقط

وآخر سؤال ولله الحمد طفشتكم انا عارفة:: دحين عدد الاوراق اربعة صح ؟؟ طيب انا اربعة اوراق وزوجي اربعة اوراق بما انه حيقدم على فيزا طالب صح مو كده؟؟ وكمان اطفالي فين اعبيلهم بياناتهم في الصفحة التالتة والرابعة ؟؟ لانو عندي طفلين ربنا يحميهم .. يعني حيكون مجموع الاوراق 12 ورقة صح ولا غلط؟؟

السؤال هذا انا بقولك اللي انا سويته .. انا وزوجي وطفلي حطيت معلوماتنا بالسؤال الاول بالصفحه رقم واحد وكملت الابليكيشن اللي هو اربع ورقات
وارفقت شيك البنك والجوازات معهم عن طريق ارامكس بعده بعشر ايام كلموني استلم اوراق الكشف الطبي
بالنسبه لك اعتقد بما ان زوجك بابليكيشن لحال انتي تحطي معلوماتك انت واولادك الله يخليهم لك بالصفحه الاولى كفايه يعني انت واولادك اربع ورقات وزوجك اربع ..

نصيحه ارسليهم عن طريق ارامكس اسرع واحسن ..وربي يوفقكم وتطلع الفيزا باسرع وقت .. وتجون بالسلامه

واخر شي ابي اقولك لاتشيلي هم اي شي وتخطي خطاي .. كانت نفسيتي تعبانه قبل السفر وشايله هم الفيزا والملابس والطياره وكل حاجه
كنت عايشه 3 شهور مضغوطه وتعبانه بس بعد ماجيت كندا وريحت حسيت بندم ليش كنت مكبره الامور اكبر من حجمه
كل شي كان ميسور وسهل

بالتوفيق..

بجاوب لك على سؤال الخامس أكتبي اسم الدول فقط
بس للمعلوميه اذا كنتي مسافره سوريا يستحسن ماتكتبيها والله

لان يوم قدمت عن طريق مكتب الاكاديمي قال لاتكتبها أفضل لك

هذا لنصيحه اختي

ومثل ماقالولك الاخوان يستحسن تعبيها عن طريق مكتب الفيفا بس ياخذون منك 150ريال فقط

والله يوفقكم يارب

شكرا جزيلا لك يانوني مون وربنا يوفقك يااااارب ولاتنسي تدعيلي .
وشكرا لنصيحتك يااخ سعودي حساس..