اتحداكم تساعدوني !! => لو سمحتوا ^ـ^"

March 28th, 2009, 09:23 PM

السلام عليكم ورحمه الله وبركاته


ارجوا من الجميع مساعدتي لاني صراحه ما اعرف شي !!

انا ياطويلين الاعمار قدمت على بعثه لكندا وتم قبولي وكنت ببدا دراستي شهر 11 الماضي

لاكن توفى الوالد الله يرحمه وانجبرت اني اجلس وفاتتني الرحله وكل شي

انا قلت خلاص ان شاء الله انها خيره .. لاكن تفآجأت يوم من الايام جاني اتصال

وطلع الرقم رقم مكتب آي جك العالميه وقالوا وينك وكذا وسالوني تبي البعثه قلت ايه ابيها قالوا خلاص

بنجدد لك الطلب

وابشركم طلعوا لي قبول بجامعه سايمون فريزر في مدينه فانكوفر والمعهد بعد
وعطوني الاوراق ومختومه كامله مكمله والكامل وجه الله

كل شي الين الحين تمام كل شي طلعته جواز و و و كل شي

لاكن اللي وقف بوجهي ( الفيزه )

دق علي المكتب قال لازم تروح التعليم العالي عند التخصصي => ملخبط بالاماكن

المهم رحت لهم

والمكتب قال لي لازم ( خطاب للسفاره الكنديه عشان تطلع فيزه ) وقالوا لي رح لـ البشر او الجماز

وابشركم ابووووووهم والاستقبال البايخ

السكيورتيه مسوين زحمه ومحد يدخل عليه لو تحب السما وترجع

كلمت واحد موظف وكان مع الجماز يوم طلع مسكته وقلت له ابي خطاب للسفاره الكنديه عشان الفيزه قال وين ملفك؟ قلت ملفي عندكم وانا هذا قبولي في الجامعه وكل شي جاهز قال لا لازم اوراق وقال لي انت مبتعث على حسابك ولا على الحكومه قلت على الحكومه قال تبع البرنامج ( هنا انجلط مخي لاني ما ادري وش الطبخه برنامج ولا مو برنامج انا اللي اعرفه اني على حساب الحكومه ) قلت ايه تبع البرنامج قال وين ورقه قبولك ( ايضا هنا تم توسع العينين لدرجه اني صرت اشوف الرجال ثلاثي الابعاد ) قلت مو معي ومدري وش تقول انت وش ورقته

قال لازم الورقه قلت انا الملف مستلمينه مكتب قال اجل مو عندنا عند غيرنا رح للوزاره اللي بحي الغدير => ام المشوااااااااار اللي يقص الظهر

ورحت وقالوا لي نفس الشي طبعا اانا رجعت للمكتب قال لي انت مو تبع البرنامج انت تبع الوزاره وعلى حساب الحكومه => مدري وش القصه بس انها كذا

الحين ياالطيبين كيف اطلع الفيزه قفلت معي اليوم

وارجوا منكم الرد باسرع وقت

• نشر عبر تويتر
• نشر عبر فيسبوك
• نشر عبر جوجل