رساله لكل مبتعث لكندا

والله انا اخس منك لا افقه شي وباقي ما ابتعثت بس على وشك


والله يوفقك وييسر لك جميع امورك ويجعلك تنقبل ياشيخ لو تبي هارفرد

الله يوفقك ويسهل امورك

أول شي/ التحويل حسب علمي(حنا ياطلاب برنامج خادم الحرمين )يكون أنك تقدم خطاب للوزارة مبين فيه اسباب تحويلك وتدعم طلبك بتقارير .. و قبول جامعي او اي سبب يدعم تحويلك..


الثانيه / مكاتب القبول أنا لاانصحك بها
( ولكن ممكن اعرف انت بتدرس بكالوريوس أو دراسات عُليا..!! وكيف لغتك ؟؟)أتمنى الاجابه حتى اقدر افيدك اكثر..

حتى افهمك كيف تحصل على القبول بنفسك وبدون نصب المكاتب لان الكثير انصب عليهم من مكاتب القبولات مع العلم أنهم ياخذون مبالغ طائله جدا وهي راس مالها مجرد تقديم عن طريق النت ورسوم دراسيه بسيطه (الى حد المعقول)..


ثالثاً/أي ياخوي هناك عندة تأشيرات دخول لكندا(طالب , سائح ، عمل)
وبماأنك مبتعث يلزمك(تأشيرة طالب)

ومتطلبات فيزا الطالب هي على النحو التالي/

اولا سوف اسرد متطلبات الفيزا الدراسية في نقاط ومن ثم شرحها بالتفصيل نقطة نقطة:

1- 3 صور فوتغرافية حديثة - حجم جواز السفر مقاس 4*6
2- تعبئة نموذج طلب التاشيرة.
3- تعبئة النماذج المكملة.
4- دفع رسوم اصدار التاشيرة الدراسية وهي 125 دولار كندي .. وأفضل شي تسوي الشيك المصدق من عند البنك الاهلي وأحتفظ بالمسوده معك..
5- ارفاق جواز السفر وايضا صورة من الصفحة الي عليها صورتك.
6- خطاب القبول من جامعة او معهد.
7- اخر سجل للعلامات الدراسية.
8- اثبات توفر المال// وأذا كنت مبتعث من الوزاررة يلزمك (خطاب من الوزارة للسفارة الكنديه)
9- خطاب يفيد بتوفر الدعم المالي للدراسة/هذا مومهم أذا جبت خطاب للسفارة..
10- خطاب تعريف من جهة العمل او الدراسة الحالية./ أذا كنت طالب مومهم هالنقطه..

وهناك شرطان اخران لا تنطبق على الجميع:

11- الاطفال دون عمر ال 18 سنة.
12- شهادة "CAQ" اذا كانت الدراسة في مقاطعة كيوبيك


بخصوص الابليكيشن حق نموذج طلب التاشيرة والنماذج المكملة ومواصفات الصورة فقد رفعت لكم ملف بصيغة PDF يشتغل على برنامج adobe acrobat reader حملوه من الرابط التالي:

http://saudione.net/uploader/visa/visa.zip

مسك الله يرضالي عليك - انا مبتعث طب اسنان بكلريوس ----> لسى مابديت الدراسه اساسا ( لانو البعثه اتلخبطت لما كانت فمصر ولا درست حتى اخذت قرار التحويل بعد كلام موظف الوزارة )

وعلى فكره شمحتوا الابلكشن اللي مرفوع عالراابط < اللغه مو ذاك الزود مافهم شئ

ومن ناحية التاشيرة انا ادفع قيمتها ام الوزارة ؟ وايش بالظبط الضمان المالي <<


>>> الله لايهينك ابي خطوات التحويل خطوه خطوه ابتدا من القبول حتى السفر <<<<

كيفية اخذ موعد للمقاابله ؟؟

>>> في حال انشالله القبول النهائي >> مافضل الجامعات والمدن الكندية من ناحية الصرف المادي ومن ناحية اساليبها التعليميه ؟ !!!

اما من ناحية اللغه مو ذاااااك الززود - هل اخش نعهد اقصد اجيب قبول معهد وبعدين افكر بقبول الجامعه او كلهم وماهي المده المعينه للغه ؟؟؟
مسك الله يرحم والديك تخيلني اخوك الصغير وابي منك مساعده << محرج

اخوي انا اقول استهدي بالله وابدأ خطوة خطوة
يعني ماشاء الله عليك جمعت كل الدنيا في موضوع واحد
انت كدة حتحوس عالآخر >>> نصيحة فقط لا اكثر

بالنسبة للتحويل .. ماعندي فكرة
لكن بالنسبة لاجراءات الفيزا اطلع على الموضوع المثبت لطريقة اجراءات الفيزا ماقصروا الاخوان ماشاء الله كل شي واضح وبالتفصيل الممل وبالصور بعد

اما بالنسبة للقبولات فخلي المكاتب اخر خياراتك لأنهم بيضحكوا على الناس وياخدوا منهم مبالغ خيالية على شغلة ما تستاهل كل هذي التكلفة حاول تشوف الناس اللي بتشتغل على حسابها الشخصي بتكون ارخص واضمن ،، ولو دورت هنا في مبتعث حتلاقي

بس بغيت انبه عليك في نقطة .. انو القبولات في التخصصات الطبية شوية صعبة في كندا .. لكن مافي شي مستحيل انت اجتهد وخل الباقي على ربك

بالنسبة للمعيشة ... فالاغلب يقولوا ان المعيشة شوية غالية بكندا .. بس لو انت طالب العلم ان شاء الله بتقدر تدبر امورك في حدود المعقول والله ييسر لك امورك كلها يارب

الله يوفقك اخوي،،
الحين اللي عليك تسويه / تجيب قبولات (معهد لغه+قبول جامعه) وبعد كذا تسوي خطاب على صيغة معروض تطلب به تحويلك لكندا وحتى تضمن أن خطابك تقدم معه صور من قبول اللغه والجامعه..

محتوى الرابط / متطلبات واستمارة فيزا الطالب حتى تعبي بيناتك وتطبعها..


- رسوم التأشيرة الدراسيه / أنت تدفع قيمتها وفيزا الطالب رسومها 125دولار كندي تسويها ببنك الاهلي بشيك مُصدق لـ receiver general for canada يعني 125 × 3= 375ريال سعودي للأحتياط لما تروح للبنك خذ معك 500ريال..

-اما سالفة الضمان المالي/ أذا أنت مبتعث على حساب الوزارة بعد قبول تحويل بعثك تروح للوزارة وتطلبهم خطاب للسفارة الكنديه /وهذا يعفيك عن الضمان المالي..
خطوة التحويل أول شي( جيب قبول معهد لغه + جامعه)

بعدين كل شي سهل بإذن الله..


مقابلة وش؟؟؟

كل جامعه وكل مدينة لها مميزاتها وأنت أقراء عن المدن الكنديه واختار اللي تناسبك..


على كذا لازم تدخل معهد لغه .. وتجيب لنفسك قبول جامعه..
أما مدة دراسة المعهد كل واحد ومستواه وقدرته على اجتياز الدراسه..



على الرحب والسعه ..

الله ياربي يووووووووووووووووووفقك واخواااناا الطلاب في جميع انحا العااااااااااااااااااااااااااااالم

الله يعينك
وانت ابدأ خطوة بخطوة
ولا تستعجل إجراءاتك هي هي بتاخذ حول 6 اسابيع
يعني انت رتب نفسك ،، ورتب أفكارك ونظم جهدك