زوجي مبتعث واود الالتحاق بالبعثه كمبتعثه وليس مرافقه

عادي يا اختي بما انك رايحة لسويد مايبلك الا انك تجيبي قبول لغة البلد بما انها سويد قبول لانجليزي وافضلك لو تعرفين جامعة بالسويد تدرس لغة وتاخذين قبول منها افضلك اسرعلك لقبول لا ابتعاث

تطمني ارى موضوع سهل وان شاءة الله تضمين لبعثة

شاكره لك اخ لورنس ردك على موضوعي واتمنى من بقية الاخوه مساعدتي والرد على استفساراتي بالتفصيل الممل ...

77مشاهده ورد واااااحد فقط
اتمنى تردون علي باسرع وقت
لاجل اجهز اوراقي وارتب اموري وومايضيع علي الوقت
تكفون يااهل الخبره

نفس التساؤلات ولم اجد لها اجابة

اتمنى يادكتور ان نلاقي اجابه باسرع ووقت وان شاء الله لو عرفت شي راح ابلغك

السلام عليكم ..

اولا الموضوع سهل جدا بما ان الله وقفه وراح يطلع كمبتعث وانتي مرافقه معاه يعني امورك باذن الله سهله

انا في بريطانيا وراح اتكلم عن النظام ببريطانيا واتوقع الامر مشابه ببقية الدول ..

زوجك مبتعث تشوفين لك قبول انتي وانتي مرافقه الملحقية توفر لك تكاليف دراسة اللغه حتى وان كنتي مرافقه .. اللغه راح تاخد فترة تقريبا سنه بما انك ناويه تدرسين وما عندك لغه

بغضون السنه راح تكونون هناك ومتبصرين اكثر والامور متضحه لكم بشكل اوسع ..

بس غالبا اللي اشوفه بعد مايخلص المرافق دراسة اللغه يجيب قبول جامعه ويرفعه للملحقيه ويتحول بالملحقيه من مرافق الى مبتعث بكل سهوله باذن الله ويكمل دراسته بشكل طبيعي وحتى لو زوجك خلص دراسته وانتي للحين ماخلصتي عادي يتحول هو كمرافق اذا ماهو ناوي يكمل او يدرس اي شئ وتظلين انتي على حالك مبتعثه الى ماتخلصين

هذا والله اعلم ..ان اصبت من الله وان اخطأت من نفسي ومن الشيطان ..

كل التوفيق لك اتمناه

مشكوووووووووور اخوي العنزي
بس المشكله اني لما دخلت عللى موقع تجسير على شان قبول اللغه دولة السويد مو من ظمن الدول ومااعرف اذا فيه طريقه ثانيه اقدر اجيب فيها قبول
وودي اعرف كل الخطواااات بالتفصيل سواء بخصوص طريقة الالتحاق كمبتعثه مو بس مرافقه
سواء للماستر والا اقلهاالتحق بمعهد ل اللغه كيف اجيب قبول من المعاهد
وووووووووووووووووووووووووووووووووووووووووووووووووو وووووووووووووووكل شي ...............

ما اقدر افتيك اكثر لعدم وجودي في تلك الدولة

وما ردي السابق الا كمعلومة عامه لا اكثر

ولكن لديك موضوع هنا في المنتدى عن السويد هذا رابطه وباذن الله راح تلقين اجوبه على جميع اسئلتك بحكم ان اللي كاتب الموضوع متواجد في السويد ولديه بالتاكيد معلومات تفيدك اكثر

http://www.mbt3th.us/vb/forum64/thread289085.html

وهذا ايضا موضوع اخر عن الدراسة في السويد وجده في احد ردود الاعضاء اثناء تصفحي السريع
Study in Sweden – SWEDEN.SE

اتمنى ان كان بوسعي مساعدتك بشكل اكبر ولكن عندي اختبارات وحايس ولي عودة باذن الله لموضوعك دام بعثتك باقيلها اربع شهور يعني به وقت ان شاء الله

دعواتكم