ماهو نظام erasmus mundus ؟

وعليكم السلام

في شي اسمه نظام erasmus وهذا النظام يهدف الى تبادل الثقافات بين الدول الوروبيه عن طريق التعليم بحيث انه يحق للطالب الاوروبي دراسه ترم دراسي كامل في اي من الدول الوروبيه الداخله في الاتفاقيه مع جامعته بشرط توفر الامكان حيث انها محدوده فيحتاج الطالب انه يسأل قبل بفتره عن عدد الاماكن وعن التقديم وفي كل الاحوال اذا الطالب درس بهذا النظام فإن شهادته يتم معادلته من جامعته الام اللي ارسلته وكذا يتم الاعتراف فيها من قبل نفس الجامعه ويقدر طالب البكالوريس او الماجستير التقدم للدراسه بهذا البرنامج ( الدكتوراه تفرق لانك تصير باحث وليس طالب فقط يعني ممكن تسافر تحضر مؤتمرات ) مع العلم بأن الشهادات من اي دوله اوروبيه تكون معترف فيها في كل دول الاتحاد الاوروبي بناء على الاتفاقيات في الاتحاد الاوروبي بشأن حريه التعليم.

وبخصوص برنامج erasmus mundus فهو تقريبا نفس الفكره لكن مو نفس البرنامج :
١- يشمل الاجانب من كل دول العالم وليس فقط الدول الاوروبيه تحديد الدول يكون من الجامعه واتفاقياتها الداخليه مع الجامعات الاخرى في الدول يعني الاتفاقيه هنا ماتكون من الدوله ( دوليه) تكون داخليه ( من الجامعه نفسها ) ويفرق ان الجامعه ممكن تغيير الجامعات او الدول اللي تتعامل معاها في حال حدوث مشاكل او غيره وكمان ممكن تزيد قائمه الدول اللي تتعامل معاها في كل تتخصص
٢- وهذا البرنامج يخص طلاب الماجستير فقط، لانه برنامج خاص يكون على سنتين وليس ترم واحد فقط بحيث ان الطالب يدرس السنه الاولى في الجامعه الاساسيه وبعد الترم الاول يحدد الدوله اللي يبغى يدرس الترم الثالث فيها مع سكرتير القسم لانه يكون المسؤول عن الطلاب في هذا البرنامج
٣- وبعد النجاح بالسنه الاولى يسافر للترم الثالث في الدوله المختاره ( بشرط تواجد اماكن طبعا) ويرجع بعدها لعمل رساله الماجستير في الترم الرابع ويتم مناقشه هذا البحث او الرساله في الجامعه الاساسيه بعد النجاح في الجامعه الاجنبيه في الترم الثالث.

طيب يعني بكل بساطه الطالب السعودي ممكن يدرس في برنامج erasmus mundus وانا شخصيا اعرف طلاب كثير قانون درسوا في هذا البرنامج وكان اسهل من الدراسه في برنامج الماجستير العادي لان الاساتذه متفهمين ان الطلاب اجانب وعندهم صعوبات مع اللغه فيسهلوا كلهم ( اغلبهم مو كلهم) بالاضافه الى ان شهادتهم تم الاعتراف فيها من قبل الوزاره بس الصراحه انا مااقدر اجزم بهذا الشي حق الاعتراف بالشهاده من قبل الوزاره الملحقيه الصراحه ماتعطي اجابه واضحه جدا لان وزاره التعليم ممكن تعترض على هذي الشهاده لانها تخالف لائحاتها الخاصه بعدم الدراسه ببرامج خاصه بالاجانب بس بشكل عام مافي اي مشاكل عليها بإذن الله لان الملحقيه تسوي اتفاقيات مثيره مع الجامعات عشان الطلاب يقدروا يدرسوا فيها بس ماتعلم الوزاره والشهاده ماينكتب علها برنامج خاص ولا شي تكون زي الشهادات العاديه المعطاه من الجامعه بشكل عام

على العموم توكل على الله وادرس في البرنامج فهو تجربه حلوه وممتعه وان شاء الله ربي يوفقك
( ملاحظه بسيطه انا اتكلم عن البرنامج في تخصص القانون واظن انه نفسه للكل ومافي اي فرق )

تســـلم على الرد
صراحة ماقصرت الله يوفقك
واتمنى ان الموضع يفيد الجميع
وشكـــــــرا