يا اخوان استفسار يتعلق بأوراق الأصليه والإثباتات ... للأهل الخبره

والله ياخي عن نفسي ما اخذت لا بطاقة احوال ولا رخصة

اخذت اوراق الفيزا والجواز والرخصة الدولية ( نطلعها من الطيار )

كمان اخذت اوراق الجامعة الأصلية وصور كمان

وبعدين اذا تبغى تحفظها يقولون انه البنوك هنا تعطيك خدمة بملغ رمزي

صندوق تحط فيه مستنداتك وزي كذا

اما السفارة فما ادري عنها

والله يوفقك

اخوي خذ معك كل الاوراق إلي تخص دراستك يعني الوثيقة والسجل والتوصيات لأنه ماتدري يمكن يبغو يطلعو عليها
أما البطاقة فما يحتاج تاخذها معك
اما الرخصة الجديدة اذا كنت تبغى تسوق هنا
مع اني ماخذ كل الاوراق لكن محد طلبها مني
وبالتوفيق....

والله ياخوووك انا ادرس الان ولا شي فيه اصلي...

كلها صور وشهاداتي الأصل عند المعهد الي كنت ادرس فيه بالريااض مااخذتها...


بالتوفيق ان شاء الله

و عليكم السلام


مثل ما قاالو الشباااب

الهوية الوطنية ما يحتاج تاخذها معااك ،، يكفي صور " بس كثر من الصور "

و الرخضة كانك ناوي تسوق خذها معااكـ

بطاقة الهوية الوطنية ماتستفيد منها فخلها في مكان " آمن " في بيتك علشان ماتنسى وين حطيتها لما ترجع
الرخصة الجديدة ( فيها اسمك بالانجليزي ) تستفيد منها هنا كاثبات هوية وتغنيك عن حمل الجواز الا في الأمور الرسمية جدا مثل الشرطة لا سمح الله مع اني فتحت حساب في البنك بالرخصة .

بالنسبة لشهاداتك جبها معك ماراح تثقل عليك كم ورقه

ماتلزمك .. بس خذ صور منها ولا تطلع بطاقة الاحوال من السعودية .. مالها داعي
والسفارة ماتقدم لك خدمات بخصوص حفظ اوراقك .. لكن تستطيع الحصول على صندوق ف البنك مقابل مبلغ رمزي شهريا ً