من فرّج كربة عن أخيه .. فرّج الله عنه كربة من كرب يوم القيامة

اهلا فيك اخوي والله مادخلت الا عشان الدعوة هذي الحلوة
اولا انت لازم تعرف تخصصك في اي جامعه وهذا راح تعرفه من موقع وزارة التعليم العالي راح تدخل عليه وتلاقي الجامعات المعترف بها راح تكتب تخصصك وتبحث المهم تطلعلك اسماء جامعات كثير نقي الي تبغاهم وتوجه الى مكتب اسمه idp له فرع بجده تدفع رسوم ويقدمولك خدماتهم , ثالثا عشان تجيب قبول لازم والله اعلم يكون عندك في حسابك مالايقل عن مبلغ محترم وتجيب كشف حساب شي زي كذا
. ربي يوفقك يارب

القبول المبدئي لا يشترط ضمان مالي

لما يوصلك القبول المبدئيoffer سلمه للوزارة و راح يصدروا لك ضمان مالي على طول

انا انصحك بالتعامل مع افضل المكاااتب التجاريه وغير التجاريه..

المكاتب كثير والي اعرفه idp الي موجود بالرياض طريق الستين عماره الأمم..

بالتوفيق ان شاء الله..

أولا أهنيك على طموحك راجياً من الله آن يوفقنا وإياكم، وعلى فكرة جامعة قريفث موقفة من التعليم العالي، وأحب أكد أن القبول المبدئي ما يحتاج لضمان مالي اذا وصلك القبول المبدذي تاخذ الضمان المالي من الوزارة وتعبي نموذج من الجامعة لقبول العرض المقدم وترفق معاه الضمان المالي ويرسلون لك القبول النهائي اللي اسمه COE وبناء عليه تاخذ الفيزا بإذن الله.

في البداية لازم تجهز عدد من المتطلبات:
١. شهادة التخرج باللغة الإنجليزية.
٢. السجل الاكاديمي باللغة الإنجليزية.
٣. سيرة ذاتية.
٤. خطابات التوصية.
٥. شهادات الخبرة إن وجدت.
٦. صورة جواز السفر.
طبعاً هالمتطلبات يفضل لو تسحبها على سكنر وتحتفظ فيها على الجهاز ويفضل ملون على صيغة PDF.
ميزة التخصص اللي تبحث عنه موجود في أغلب جامعات استراليا اذا مو كلها، الدور عليك تبحث بالترتيب الآتي:
١. معلومات عن مدن استراليا وتختارين الافضل لك.
٢. بعد اختيار المدينة تبحث في موقع الملحقية عن الجامعات المعترف فيها في المدينة.
٣. تبدأ تدخل مواقع الجامعات وتبحث عن رابط عبارة عن International Students.
٥. بعد كذا تبحث عن رابط عبارة عن undergraduate courses وتختار التخصص اللي هو Marketing وممكن يكون له أكثر من اسم يعني بكالوريوس الأعمال (تسويق).
٤. بعد كذا تبحث عن رابط عبارة عن Apply Now.
٥. تنزل نموذج طلب الالتحاق، وتعبيه وتسحبه على السكنر وترسله على الايميل المحدد في النموذج.
اتمنى انه الفكرة وصلتك واي استفسار احنا في الخدمة.
واذا انت في الرياض تواصل معاي وابشر نتساعد والله يسهلها لك.
تحياتي

اخوي مشعل الحربي ..


يعطيك العافية وبيّض الله وجهك ..

وجزاك الله خير

AMAQ


يعطيك العافية على هالمعلومات .. بصراحه أفدتني بكثير ...

بيّض الله وجهك وكثّر الله خيرك ..

وفي موازين حسناتك إن شاء الله ..


..

ونعم أنا في الرياض ..

..

ياليت ترسل لي إيميلك ..لأن المنتدى مايسمح لي بإرسال رسالة لأني مستجد