كيف أعرف انه الكشف الطبي وصل

حبيبي ( رأفت الهجان ) ... كلامك خطير و يبشر بالخير

و إن شاء الله إذا كان الفيزا تصدر من الرياض ، سيخف الضغط على سفارة دبي و ان شاء الله وقت استخراج الفيزا اقل


السؤال الآن : هل آرامكس ترسل أوراق طلب الفيزا ايضا إلى الرياض بدل دبي ؟

السلام عليكم جميعا ...
الظاهر ان الشباب دخلوا في مواضيع كثييير ونسوا سؤال الاخت دفا ..

على العموم اختي انا لما اخت رقم الارساليه من المستشفى اذكر اني شيكت على الموقع وتابعت الارساليه بس الكلام هذا قبل 5 شهور تقريبا ..
الان جربت الموقع اللي حطيتيه بس ما طلع معايه شي !!

وبعد البحث وجدت انه هذا الرابط هو حق الموقع الرسمي لـ TNT :
http://www.tnt.com/express/en_sa/site/home.html

بعد الدخول على الموقع فيه مربعين على يمين الصفحه اول واحد من اليمين اللي هو مكتوب عليه TRACK PACKAGE فيه خانه في المربع حطي فيها رقم الارساليه وبتطلع لك المعلومات ..

انا جربت برقم الارساليه حقتي بس طلعلي not found عشان ارساليتي لها حوالي اكثر من 5 شهور يعني مررررره قديم ..

اتمنى اني قدرت اساعد واذا فيه اي سؤاال انا في الخدمه !!

ياأخي أنا شيكت بنفس الطريقة اللي قلت وطلعلي not found معقوله ماوصلت للحين لي أسبوع تقريبا من يوم كشفت

حياك الله وبالشويش علينا ..
اولا هل ارسالية الكشف الطبي عن طريق TNT او ارامكس او فيدكس ..
لان انا اتكلم عن الارساليات اللي عن طريق TNT ..
وعموما اللي سوا الكشف الطبي في مستشفى بخش في جده عند الدكتور هشام امان غالبا عن طريق TNT


وعموما مره ثانيه اتأكد من الرقم اللي معاك انك تكتبه صح واللي يبدا بـ GE وينتهي بـ WW اذا كانت مرسوله خارج السعوديه يعني لدبي ..
اما اذا مرسوله الى الرياض (زي ما قالو الشباب انه ممكن ترسل للرياض) فيكون ارقام بس بدون حروف..


واي سؤال انا في الخدمه يا عزيزي..

ههههههههههههههههههههه ّّّّّّّّّّّّ<<<<<< مسوي فيها مستعجل
معليش ياخوي ماهي تعصيبه بس ارساليتي ارميكس وارقام يعني وين اشيك عليها
وشكرا على الردود ولون كلن ردهـ زيك سريع كان ما أحد تغرب

هههههههههههه ..
يعني فتحت الرابط وشيكت وما انتبهت ان الموقع لشركةTNT ...مو مشكله !!
والله ياخي الكريم للاسف ارامكس ما اعرف وما عندي عن طريقهم اي خبره

بس ممكن الشباب اللي تجربتهم عن طري ارامكس يفيدونك

اتمنى للجميع التوفيق ..