احول بعثتي ولا لااااااااااااااااااااا

طيب الجامعه الي في أمريكا معتمده ؟
يعني غريبه في أمريكا و طب و قبول بهذي السهوله
انتبه لا تكون جامعه مو كويسه و لا شي.

على فكره لو فكرت تكمل في أستراليا و تغيير تخصصك فابدأ الموضوع من بدري
الملحقيه يومهم بسنه ، و معاملة تغيير التخصص تاخذ وقت
فيعني خليك حريص و من بدري ظبط أمورك و انهيها .

و معليش ما أفدتك كثير لأنه ما عندي خلفيه كثير عن البكالوريوس

الا الجامعة معتمدة شفتها من موقع الوزارة
انا خايف دحين اطلب تحويل يقولولي لسع دوبك جي ومدري ايش
انا دحين بفكر اني ادرس الانجليزي هنا وبعدين احول هناكا لانهم طالبين في الابلتس 5.5

ايوه استراليا صعبه جداااااااا في التخصصات الطبيه وباقل من 7 بالايلتس لاتشوف وجيههم
وامريكا اسهل منها
اذا مالك طوله بال ادرس بامريكا اريح لك واسهل
وصلي الاستخاره وربك يسهل ان شاءالله

طيب كويس هذا التفكير انك تاخذ اللغه من هنا يعني تختبر و تجيب الدرجه المطلوبه و بعدين تروح هناك تكمل

بس عاد على حسب كلام الملحقيه عشان تغير مقر البعثه لازم تقدم طلب و تجيب قبول .
و على كلامهم قبل 6 شهور تقدم الطلب !!!

بس أنا اقولك على شي لا تشيل هم لو ربي كاتب لك تروح رح تروح باذنه تعالى
أنا ولد خالتي كان يدرس في أستراليا و ما استراح ، سحب عليهم رجع السعوديه بدون ما يكلم أحد
لما وصل هناك قدم طلب للوزاره و غير بعثته لبريطانيا
جلس حوالي 4 شهور في السعوديه او اكثر مني فاكره بس المهم مو كثير مره ، و بعدين وافقو على طلبه و الان هو يدرس في بريطانيا
فتساهيل ان شاء الله

و كمان حاول تسأل الي بيدرسو في أمريكا و خذ بنصيحتهم .

و انت لا تقدم دحين و لا شي بس انت أكيد عندك مشرف أكاديمي في الملحقيه ، حاول تتواصل معاه اسأله عن الموضوع و شوف اش يرد عليك .


و زي ما قالت لك ساندي قبل كل شي استخير .

و موفق ان شاء الله .

مرحبا اخوي

شوف اذا تبي نصيحتي خلص اللغه وبعدين اطلب تحويل
ولاتسوي مثلي
انا قدمت على طلب تحويل من امريكا لبريطانيا ، وقدمت على الملحقيه ، قالولي بالملحقيه خلاص جتك الموافقه ونبي نقفل ملفك ، ونرسله لبريطانيا ، يلا اجمع عفشك وامش ، وكان وقتها اجازه ، نزلت السعوديه علشان من السعوديه اجلس اجازتي شهر بعدين اروح لبريطانيا ، يوم وصلت للسعوديه بشهر 12 هجري ، المهم راجعت الوزاره .
رحت ابي اخذ الاوراق وابدأ باجراءات الحجز لبريطانيا ، قالولي معليش انرفضت معاملتك ، شلوووووووووووووووووووووووووون
قالوا وافقوا عليها بالجلسه ولكا وصلت للدكتور الفوزان رفضها بسبب تكدس الطلاب ببريطانيا
و8 شهور وانا وراهم الين حولت لاستراليا .

فأنتبه وانا اخوك لازم كل شيء يصير باوراق ، لو قالولك موافقين الوزاره ، قلهم ارسلولي الموافقه واطلع من استراليا لأمريكا على طول لاتسوي مثلي .


سلملم

الله يوفقكم امين يارب العالمين

مستحيييل اخوي قبول طب اسنان مباشر بامريكا

الطب للاجانب بامريكا يشترط شهاة بكالوريوس 4 سنوات في احد العلوم قبل مثل الاحياء .. ولازم تنهي مواد ومتطلبات معينة وتتسمى pre-dentistry

بعد كذا تدخل اختبار اسمه الـ DAT اختبار قبول كلية طب الاسنان


وضروري تجيب معدل عاااالي جداً ودرجات عالية بالاختبار وتعدي المقابلة الشخصية ... يعني القبول مو مرة سهل والمنافسة كبيرة والمقاعد محدودة.


المهم انا ماادري ايش شهادتك ثانوي ولا دبلوم ؟

اذا دبلوم كمل البكالوريوس وقدم في استراليا طب graduate entry بعدين لما تتخرج.
تحتاج شهادة بكالوريوس وختبار الـ GAMSAT او الـ MCAT بالاضافة للمعدل.

واذا ثانوي عندك خيارين .. اما تقدم على طب في استراليا لخريجين الثانوي تنهي المواد العامة واختبار الـ UMAT والايلتس بدرجات عالية جدا جداً.

او انك تحول لامريكا وتبدأ من اول برنامج كامل اللي هو البكالوريوس في الاحياء وتخلص كل متطلبات ومواد كلية طب الاسنان .. بعدين تنهي الاختبار DAT وتقدم على كلية طب الاسنان

وتاخذ السالفة مو اقل من 8 سنوات (4 بكالوريوس 4 طب اسنان).



بالتوفيق