+ خيمة مبتعث الرمضانية +

بمااني اول واحد يرد


فمدري وش اكتب

اصلا انا توي جديد باستراليا مالي الا يمكن شهر وشوي

والحمد للع كلو تمام

بس ادعو ربي اني التحق بالبعثه

رمضان اول رمضان اصومه بعيد عناهلي

اول يوم مفطر تمر وسمك وعصير هع هع هع

يمديكم عالفطور

بس الحمد لله على كل حال ,, المهم بغيت اسئلكم انا ببرزبن ما خبرتو لي محل شيشة مقهى يعني ؟؟
خرمان ابي شيشه وتلفزيون وازيد عليه <<< متاثر بمقاهي الرياض ههههههههههههههههههههههه

ما عندي شي زياده اقوووله اللي يشطفنا من هنا يسدح له اي شي يفضفض والله الفضفضه حلوة


وتخليك تحس ان فيه احد يسمعك عالاقل

انا بعد مثل مشاري مالي الا شهر في برزبن
وهذا أول رمضان اصومه بعيد عن اهلي لكن الحمدلله مرتاحة واللي مريح اكثر ان الناس تعرف رمضان
كلهم بالمعهد يسألوني رمضان بدأ ؟ وكيف تحسون يالمسلمين بعيد عن بلدكم ؟ وايش تسوون ووش تاكلون وووو ...
ويقلب الكلاس كله سوالف عن رمضان

عموما قريت كلمات اعجبتني وحبيت تشاركوني :

" يقولون أن رمضان سيأتي.. ونتبادل رسائل التهنئة بوصوله.. مع أن ما يستحق التهنئة هو أن نأتي نحن في رمضان..
أن نجد أنفسنا التي أضعناها في أحد عشر شهرا مضت! أما رمضان نفسه فإنه آتٍ بنا وبدوننا.. سيمر من هنا كما يفعل كل عام.. سواء غبنا أو كنا من الحاضرين! "

- سهيل - الساخر


بخصوص الاخ مشاري مممم ليش تفطر سمك وعصير والبنات مساهمين بتفطير العزابية ؟
انت وين ساكن؟
ببرزبن في كل منطقة مسوين تفطير للعزاب طبخ بيت الحق عالفطور لايفوتك


تقبل الله من الجميع يارب

اما طرب و ارقيله يا هيشو

عاد انا هذا ثالث رمضان لي و باذن الله اخر واحد بدون شر لأني رح اتخرج باذن الله في فبراير

اول رمضان اتذكر كنت متماكسه الى اخر لحظه بس لما أذن بدءت الدموع تنزل لا شعوريا
لكن بعدها صار الوضع عادي


قسم بالله نفس فطوري
بس بدون عصير و السمك كان مشوي و مقلي
و نصيحه لا احد يفطر سمك .. بس عاد كنت مضطره هذاك اليوم .


ما عندي شي اقوله ، الواحد في الدراسه و خلاص
طفش و ملل << نفسي ارجع السعوديه طفشت

اذكركم و نفسي باستغلال هذا الشهر في الدعاء و العباده و التقرب من الله
كفايه استغفر الله ان الواحد مو حاسس برمضان هنا

هيشو .. يسلمو على الموضوع ..
وهـ يازين التسدح بعد الفطور ..

هايدي باللهي كيف النوم ؟ .. صكة راس

اليوم أفطرنا في الجامعه انا وهايدي .. قسمبلاه تقل نسرق سراقه .. نوزي التمر في مناديل وحالتنا حاله مدري ليش ؟؟ والظاهر انه اذن وخلص وحنا نسأل بعض ( أذن ؟؟ )
بس تعب تعب تعب
ارهاق فظيع نرجع البيت منهدين لا نقدر نذاكر ولا نقدر نغسل المواعين < كلن على همه سرا

مشاري وش دعوه ؟ ياخي ما انصحك تعيد ذا الفطور ابد
تبي اصلح لك وكل شي بقيمته .. باخذ فيك اجر
يعني سمبوسه وحده بعشره دولار وسلايس بيتزا بخمسه عشانك جديد .. هاه كيف الرخص الله يديمه
لا جد مشاري فيه تفطير صايم في ال QUT في ال C block يقولون فطور خمسه نجوم ووجبات هاي كلاس وبوفيه .. موب سمك الله يكرم النعمه
هايدي مفطره سمك ؟؟ اشوا انه ويك اند والا كان خيستينا

حر ياعالم حرررر .. مشتهيتن آيسكريم .. بس سكروا

فــتــكمـ بعآفيهـ ..

يب يب
الفطور بكل المناطق بالكيوتي والسيتي واغلب المناطق

غالبا تكون بالحدايق

فيه ايام مخصصة وبعض المناطق التفطير عندهم كل يوم

ابو الهش صدق يقولون الشباب صايرين يتبادلون مقادير الطبخات بالمحاضرات ؟
ووين المحل اللي يبيع قشطه ؟
<موهوب فضيحه ابد
هذا ثاني رمضان اصومه هنا.
السنه الماضيه اتفقنا انا واللي ساكنين معي ومجموعه ساكنين قريبين من بيتنا(مجوعنا تسعه اعتقد) انوه نجيب اغراض من السعوديه
ويصير فطورنا بشكل يومي مع بعض.
وزي ماتفقنا ,صرت اطلع بدري قبلهم واروح البيت وابدا اعجن للقيمات عشان تخمر وازين الفيمتو واحطه بالثلاجه
واطلع اللحم(لحم عادي ومفروم) من الفريزر
واقطع بصل وطماط وفلفل بارد (عشان البيتزا), واذا جو الشباب كل واحد يبدا مهمته.
اهم الاصناف كانت الشوربه, مكرونه بالبشمل,لقيمات, بيتزا(احسن من دومنيز بيتزا بشهاده الجميع)
مقلقل, ومجموعه ابداعات لاتأتي بشكل يومي(اجتهادات فرديه)
المضحك واللي مازالو الشباب ماسكينه علي, حفلاتي مع الكريمه والجلي, عيت تضبط معي.
الكريمه مره جلست بالثلاجه ثلاثه ايام وعيت تماسك ومره تماسكت من تحت ويوم قلبتها مابقى بالصحن الا الجزء اللي فيه السكر المحروق.
ومره طلعت كنها صبه (كني كثرت الحليب), والجلي اللي توقعت انه سهل ماضبط, مازالت البوادي تحمل اللون الاحمر.
بعد مانصلي المغرب نتجمع عند كمبيوتر ونشغل عيال قريه وبيني وبينك باب الحاره حقت اليوم اللي قبل ونتفرج عليها جميع, وبعد كذا كل واحد يتوجه لبيته.
باختصار كان رمضان الماضي ممتع كثير وذكرياته باقي في اذهان الشباب.
هذي سالفتي لهذا اليوم.

معايا جوال بكميرا يعني ادخل ولا اخرج << طبعا ادخلى يامراحب هههههههههههههههه


كـــــــــ عام وانتم بخير وينعاد عليكم كل سنة بصحة وعافية يارب ــــــــــــــــــــل



ياالله قولووولى ايش فطرتم وايش اتسحرتم << همي بطني هههههههههههههههههه

عليـــــCom
الشهر و الله يسعد أوقاتكم