عاجل جدا بخصوص الفيزا والمرافقين

كلام المكتب مو صحيح انا قدمت في شهر جولاي الماضي لي وللمرافقين عن طريق الاونلاين، والدفع عن طريق الفيزا وانا في رأي تقدم بنفسك ولاتخلي المكتب يكذب عليك، استغفر الله العظيم بعض الناس يحصل رزقه بالكذب على الطلاب علشان الف ريال.
حسبي الله ونعم الوكيل.
راح اعطيك الخطوات من البداية لك ولعائلتك، وهالمرحله كلنا مرينا فيها وكلنا استفدنا من هالموقع وبالتالي لازم نساعد اللي يجي بعدنا.

أولا الفحص الطبي:
- تعمل الفحص الطبي لك ولأفراد عائلتك.
- تستلم اصل الفاتورة للتعويض عند الوصول من الملحقية.
- تستلم تاريخ ارسال الفحص للسفارة، ورقم الارسالية، والشركة الناقلة يعني (فديكس، ارامكس)، لانه هالمعلومات راح يطلبونها منك.

ثانياً:
- البدء في تعبئة طلب التأشيرة وهو طلب واحد للمبتعث الاساسي ومرافقيه للبدء في تعبئة طلب التأشيرة لازم يكون عندك القبول النهائي (COE).
- اذا انهيت تعبئة الطلب بيكون عندك رقم لمتابعة الطلب وبامكانك مراجعة موضوع المثبت لانسانة طموحة عن التقديم اونلاين.

ثالثاً:
راح يتم طلب الوثائق التالية بالايميل ولابد من ارسالها لهم:
- اذا كان فيه اطفال غالباً راح يطلبون صور من الجوازات مصدقة لك ولزوجتك من جهة معتمدة وبكذا ايش راح تعمل تاخذ موعد من السفارة تتصل على الرقم ٤٨٨٧٧٨٨ وتروح انت وزوجتك فقط وتاخذون جوازات افراد الاسرة كاملة مهم يكون جوازك انت وزوجتك موقع من قبلكم التوقيع في الصفحة الرابعة توقعون قبل تروحون.
- راح يصورونها ويختمون عليها بالمطابقة.
- راح يطلبون تعبئة النموذج ١٢٢٩ على ما اعتقد ناسي رقم النموذج والذي يخص عدم الممانعة في سفر الاطفال المرافقين اقل من ١٨ سنة وتوقعه انت وزوجتك بتوقيع مطابق للتوقيع الموجود في الجواز وخذ النموذج معاك اذا صدقته السفارة افضل.
- صور ملونة لجوازات باقي الاطفال المرافقين.
- وآخر طلب بيانات الفحص الطبي المذكور اعلاه.

اذا جهزت هالطلبات ارسلها على ملفات PDF على الايميل المذكور في رسالتهم اللي بتوصلك بعد التقديم والمذكور فيه طلباتهم.
بامكانك البدء في اجراءات التصديق وخلافه من الآن مو شرط تنتظر لحين التقديم على الفيزا خذ موعد وجهز اوراقك وبكذا بمجرد ما تعبي الطلب ويطلبون هالاوراق ترسليها لهم على طول.

مايحتاج ترسل لهم لا القبول النهائي ولا اي اوراق أخرى واي استفسار جاهزين.

تحياتي

الله يجزاك خير أخوي ماقصرت على التوضيح الوافي والكافي