تفتيش مطار سدني :( تعاااااالو بليز

بسم الله
انتي متأكده انك رايحه لاستراليا مو رايحه لمنفى ؟
كل الاشياء اللي تكلمتي عنها موجوده وبجوده احسن
بالنسبه لحليب الطفل علبه وحده تكفي وفيه انواع مشابهه موجوده هنا مثل 26 وفيه نوع ثاني نسيت اسمه.
اما التمر ماعرفنا لهم نظام, مره يمشونه ومره يردونه, لكن الافضل انه يكون شحن مع القهوه والبهارات واي شي ثاني.

^

هههههههههههههههههه ايييييه استراليا

لان الشخص دايما يبي الانواع اللي متعود عليها هذا السبب الاول

السبب الثاني .. انت ما تشوف الارهاب اللي مسوينه لنا بالمنتدى؟ يقولون حتى ملابس ماعندهم شي كويس .. انا للحين مو مصدقه بس الادويه مهمه خصوصا اول ما يوصل المسافر مع تغيير الجو يمكن يحتاجها


مشكور ع الافاده

صدقيني الشي الوحيد اللي شحنته بجيتي الاخيره القهوه والبهارات
لان هذي صعب يلقى الواحد مثلها.
بالنسبه للادويه اول ماجيت هنا جبت معي شوي مو اني خايف مالقاها
بس كنت خايف ابلش لاجيت اسال عنها ياكود ارسمها عشان يعرفون وش ابي,
خاصه الادويه الحساسه حقت بعض الامور Constipation وDiarrhea
هذي شلون الواحد يشرحها ولايرسمها.
اغلب اللي يجون لغتهم مهيب بالحيل وينحرجون يسالون عن اي شي يبونه
لذالك يختصرون السالفه ويجيبون معهم.
عموماً اغلب اللي بالمنتدى يوم عن يوم معاد صارو يحتاجون شي من السعوديه.
والله كل فتره اكتشف بقاله عربيه وموجود فيها منتجات سعوديه
رمضان الماضي جبنا كراتين بهذيك القيمه ورمضان هذا اكتشفت بقاله عشر دقايق من بيتي فيها كل شي
ابتدا من الشوربه وانتهاء بلقيمات القاضي.
تمنياتي لك بالتوفيق.

اها

شي جميل يعطيك العافيه

بالنسبه للقهوه والبهارات والتمر عادي يشحنونها شركات الشحن؟

:

ياليت المبتعثين اللي عارفين الديره ينزلون موضوع بالبقالات العربيه الموجوده في كل مدينه ويتبادلون عناوينها

والله علمي علمك


لاني رايح قريب لاستراليا


والزبده اني سويت بالاب حقي حولته الى وندز اصلي وحذفت البرامج الي مب اصليه

انا رأيي تسوين مثل ماسويت انا لاتاخذين معاك لا قهوه ولا تمر ولا شي غيره، اذا وصلتوا بالسلامه تشوفين وش الاغراض اللي تحتاجونها وتوصين احد من اهلك في الرياض او الديره اللي انتم فيها ويجهزها بعد ما تعرفون وش اللي موجود وش اللي تحتاجونه من الرياض ويحطها في الشحن ويرسلها عن طريق الطيار اول شي ارخص والشي الثاني ما تشغلكم وانتم تدرون بيت يعني حتى تستقرون ولازم يغلفها تغليف حراري ومسحوب منها الهواء عند الرفاعي هو يعرف النظام يقوله برسلها على استراليا ويغلف لكم حتى لو ماشريتوها من عنده. واول ما تستقرون تطلبونها.

الله يعطيك العافية معلومات حلوة وجديده علي ، اللي هي ان الطيار يعتبر من الارخص

ثاني شيء الرفاعي ،، وش هو من لحية محل ولا خاص بالتغليف

ووين يقع مكانه لا هنت يالغالي

الرفاعي محل يبيع المكسرات والقهوه وخلافه وله عدد من الفروع، وممكن يغلف لك بضاعتك اي شي كانت حتى لو ما اشتريت من عنده يعني اذا تبي قهوه ومكسرات بس تبيها من محل ثاني مو مشكله اشتريها وروح له وقوله ابي تغليف ابشحنها لاستراليا يغلفها لك حراري ويسحب منها الهواء ويحط تاريخ للصلاحيه، الفرع اللي اتعامل معاه فرعهم على طريق الملك عبدالعزيز بجوار ساكو قبل ما توصل اكسترا على اليمين.

الله يوفقك دنيا واخره

اشكرك على تجاوبك معنا دوما