مشاهداتي خلال حضوري لقاء الجامعات الإسترالية ...ملاحظات مهمة جدا جدا

تنبيه: هذا الموضوع قديم. تم طرحه قبل 5519 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

م.خالد
مبتعث جديد New Member

المملكة المتحدة
م.خالد , ذكر. مبتعث جديد New Member. من السعودية , مبتعث فى المملكة المتحدة , تخصصى الهندسة الكيميائية , بجامعة ناوي على جامعة مانشستر
ناوي على جامعة مانشستر

الهندسة الكيميائية

ذكر
ناوي مانشستر, -

السعودية

Sep 2009
المزيدl
October 17th, 2009, 12:10 PM
October 17th, 2009, 12:10 PM

السلام عليكم ,,

أنا وأعوذ بالله من كلمة أنا كنت متواجد في فندق الماريوت ليلة أمس ..

طبعا أنا جبت أوراقي كاملة المطلوبة وياليتني ما جبتها وصورتها 22 نسخة على أساس 22 جامعه أو 15 جامعه كحد أدنى..

طبعا تواجد موظفي مكتب idp يكون خارج القاعه اللي داخلها يكونون متواجدين مندوبي الجامعات ..

طبعا للي بيقدم على الماستر والدكتوراه لازم يجيب الشهادات اللي قبلها ضروري وأما بالنسبة للي بيقدم على البكالوريوس فأنصحه إحتياط يجيب شهادة الثانوي أو الدبلوم للي درس دبلوم << هذا كلام المكتب بس مالها فايدة وقتها ..

إجراءات ipd غريبة و فيه سوء تنسيق مع الجامعات من ناحية المستندات المطلوبة لأن الجامعات ما تاخذ ولا ورقة ..
بس تطلع عليها وتعطيك إمكانية قبولك من عدمها مبدأيا ً فقط ..

الخلاصة المهمة :

تجي تسجل اسمك عند موظفي المكتب وبعض البيانات المهمة للتواصل معك ..

إذا جاء قبول لك في جامعة معينة راح تجيك رسالتين على إيميلك وحدة من الجامعه نفسها والثانية من المكتب idp ..

إذا دخلت القاعة تجي عند كل جامعه وتجلس تستفسر مع المندوب عن تخصصك هل هو موجود عندهم والا لا ..

ثم هو راح يعطيك فكرة عامة عن الجامعه و موقع الجامعه في أي مدينة و في النهاية يعطيك كتاب تعريف بالجامعه آخر صفحتين من الكتاب عبارة عن أبلكيشن تعبيه وتعطيهم إياه أثناء وجودهم أو تخليهم يوقعون لك على الكتاب وتعبيه على راحتك في البيت وتعطيه المكتب idp خلال ثلاثة أيام على أساس مايلغون طلبك طبعا أثناء تواجدك مع المندوب يعطيك ورقة تعبي فيها اسمك وبياناتك على أساس ترسل لك الجامعه قبول على الإيميل ..

يوجد استبيان لمكتب idp اللي فاظي يعبيه ويعطيهم إياه ..

فيه مندوبين فلة وونسة تستانس مع الواحد منهم بعضهم ماهو كلهم ..

لو تشوفوني قاعد أرطن معاهم لغة إنجليزية تقولون قليلة في حقك توفل وآيلتس ...هههههه

فيه أمريكي مندوب لجامعه جاي بالغلط ... قليله فيه هالمطرقة بس مشو حالكم..

طبعا فيه جامعة اسمها University of Southern Queensland مندوبها رهييييب وتحفة مع إنه كبيير في السن وشروط الجامعه سهلة جدا ودرجة الآيلتس اللي يبغوها 5.5 أقل درجة تطلبها جامعه والمدينة رايقة والمعيشة وتكاليفها مناسبة ..

مهم تسألوا الجامعه إذا معترفة من التعليم العالي للي يبغى ينضم للبعثة حتى اللي على حسابه لازم ..

اللي يخاف من الإحراج في التحدث بالإنجليزية لايهتم لأن كل مندوب معاه واحد عربي وبعضهم سعوديين وبعضهم بس أجانب ..

الجامعات أسعارها تتراوح مابين 13 ألف دولار حتى 30 ألف دولار في السنة الواحدة طبعا كل سمستر بحقه( النصف)

يعني ماهو دفعة وحدة تعطيهم نصف المبلغ كل ترم ..

أغلب الجامعات أسعارها 18 ألف تقريبا في السنة الواحدة ..

بالنسبة للي معاهم دبلوم يختصرو أغلب الجامعات سنة اللي هي السنة التحضيرية

وبالنسبة لمعادلة الساعات خطوة ثانية بعد القبول يجتمع مجلس الجامعه ويقرروا إيش يعادلولك وكم ساعة ..

****

فيه شي غريب ملفت للنظر بالنسبة للهندسة الكيميائية ماحصلت إلا في ثلاث جامعات فقط

مع إنو أغلب الجامعات فيها هندسة كهربائية وهندسة ميكانيكية وغيرها ..

بس يمكن الهندسة الكيميائية فوق مستواهم ..

***
دعواتكم بالله

أي استفسار أنا جاهز وبكل سرور أتمنى إني أفدتكم .. تحياتي لكم حبايبي
يعطيك العافيه ماقصرت

انا انشالله رايح ومنشن على اربع جامعات ابقدم فيها ....
ماستر ..
بس فهمت من كلامك مافيه قبول فوري ...
يعني ماياخذون اوراق مني .....؟؟؟؟؟؟؟؟؟؟؟

غريبه ياليت تصحح لي هالمعلومه بالله
galees
October 17th, 2009, 02:56 PM
7 "
شكرا على التقرير .. ان شاء الله يفيد الاخوة اللي لسا ماقدموا ..

بس بصحح لك معلومة أخوي ..

سواء كنت مبتعث او على حسابك الخاص .. لازم تدرس بجامعة معترف بها من وزارة التعليم العالي السعودية .. والا فلن تقبل شهادتك ابدا .. لانك بعد ماتتخرج تحتاج تصديق .. من الملحقية .. ولا راح يصدقون شهادة الا من جامعة معترف بها .. حتى لو انك على حسابك الخاص .. بس حبيت اوضح هالشي

بالتوفيق لنا ولك
Researcher
October 17th, 2009, 03:05 PM
7 "
هلا وغلا أخوي galees

الله يعافيك والله يوفقك يارب وتحصل اللي تبي ..

لست متأكد من أنهم ماياخذو أوراق للماستر ..

لكن أنا ماشفتهم إستلموا أي ورقة إلا لمجرد الإطلاع وإعطائك الإمكانية المتاحة إنك تكمل عندهم ..

لأن المندوب ماله شغل مايقدر يعطيك الokey لأنه مجرد موظف إدارة الجامعه هي من تقرر بعد ما يرجع المندوب

لإستراليا ويفرزوها هناك لأنهم باقي يشوفو المقاعد الدراسية المتاحة وتعتمد أيظا على أمور أخرى مثل المعدل لايقل

عن 2.5 أو أنه يعوضه باختبار الآيلتس ..

بالتوفيق إن شاء الله
م.خالد
October 17th, 2009, 05:14 PM
7 "
شكرا لك أخوي Researcher على التوضيح ..

كلامك سمن على عسل ..

تحياتي لحبايبي
م.خالد
October 17th, 2009, 05:17 PM
7 "
طيب يعني الواحد لو راح لهم يطلع بفائدة وهل يتم اخذ رسوم مقابل تعيئة الاستمارات
ابوهتان
October 17th, 2009, 05:36 PM
7 "
ياخسارة المشوار ذهبت الي الماريوت اليوم مالقيت المعرض يقولون قفلنا<<<<<<<<<مقرووووود
ابوهتان
October 17th, 2009, 08:40 PM
7 "
السلام عليكم

الاخ العزيز م خالد

اليوم رحت للماريوت الرياض
وبالفعل قدمت على ثلاث جامعات واخذو مني اوراقي الشهادات والسجل الاكاديمي والمتطلبات الاخرى
وختم عليها فريق Idp بعد ماعبو لي الابلكيشن لكل جامعه ومعهـد
طبعا يقولون اللي ماقدم اليوم ممكن يقدم عن طريق Idp
افضل مافي الموضوع الرسوم ببلاش

عموما الله يوفق الجميع واتمنى لهل الشرقيه بكره التوفيق
galees
October 18th, 2009, 12:13 AM
7 "
هلا أخوي أبوهتان المعذرة جدا على التأخير في الرد بسبب انشغالي مع الأهل ..

أخوي أبوهتان لا يطلبوا رسوم ولا شيء منا احنا لكن أتوقع إنوا الجامعات الإسترالية تعطي المكتب خير

ويدسمون شواربهم مقابل الخدمات اللي يقدمونها لهم ..

***

ليش الله يهديك مالحقتهم ما عندك خبر عن أوقاتهم لأنها من الساعة 4 أو5 إلى 9 مساءا ً

على العموم ماعليها ذيك الحسوفة اللي تخلي الواحد يندم ..

الأخوان هنا في المنتدى مستعدين الله يعطيهم العافية يجيبون لك قبول للجامعه اللي تبغاها وأنت جالس في بيتك

ناس تبحث عن الأجر وبعدين مندوبي الجامعات اللي وصلوا السعودية يقولون الرد بالقبول يجيكم بعد شهر وشوي

أما حبايبنا وأخوانا يجيبون القبول لك في ظرف بضعة أيام

***

بإمكانك تروح الخبر فندق الميريديان يوم الأحد نفس التوقيت وتأكد أكثر من الوقت
م.خالد
October 18th, 2009, 12:28 AM
7 "
أخوي galees عليكم السلام أول شيء

تمام إنك قدمت والله يوفقك وييسر أمرك ويحقق لك مناك

لايوجد رسوم وقت إقامة المعرض وهذا بحد ذاته شي حلو ..

أنصح شباب الخبر إنهم لايفوتهم المعرض وينتبهوا للوقت ويلحقوا ..

والله يوفق كل طالب للعلم يارب يارب والله يحفق أمنياتنا أجمعين ..

أتمنى إني أفدتك أخوي
م.خالد
October 18th, 2009, 12:39 AM
7 "