مبتعث على حسابي الخاص وارغب بمعرفة تكاليف السكن والدراسه ,,..؟؟

يااخي ارجو لك التوفيق .
على فكرة لو تبحث في المواقع التابعة للحكومة في استراليا تجد معلومات كثيرة.
مثل هذا الموقع :http://www.sydney.com.au/
بالتوفيق

اخ شاهين

يعافيك ربي على ردك بس

انا ابي معلومات من السعوديين اللي هناك افضل ..من المواقع

يقلك اسأل مجرب ولا تسأل طبيب -_^

السلام عليكم اخوي

ممم بصراحة بما انك على حسابك اشوف سيدني غالية عليك

يعني بالأول انصحك تدورلك مدينة رخيصة تدرس فيها لغة ولما يضمونك عاد رح سيدني ولا مالبورن

انا صعب احصر لك كم المبلغ لمدة سنة لاني مادري كيف طريقتك بالصرف والمعيشة

بس بقولك اشياء تفيدك

انا في برزبن واتوقع تعتبر رخيصة جدا مقارنة بسيدني

المعهد انصحك تبعد عن معاهد الجامعه لانها غالية و زحمة سعوديين

دور لك معهد خاص بس يكون معروف انا معهدي بالاسبوع يكلف 270 دولار

ممم المواصلات رخيصة في برزبن تذكرة شهرية بأقل من 100 دولار

السكن حسب اللي يريحك اتوقع ارخص شي هو الهوم ستاي يمكن 100 دولار بالاسبوع لكن مو متأكدة صراحة

او ممكن تسكن مع مجموعة شباب بشقة ويصير الميلغ موزع بينكم

اتمنى اني وضحت لك ولو شي بسيط

الله يسهل امرك
بالتوفيق

يعافيك ربي يا عسل

ما قصرة ..

وانا من ناحيتي ببعد عن سيدني ..

طيب المدينه اللي انت فيها ..

تمدحها ليه ..
وانت اشرايك فيها ..

المدن مرتبه حسب الغلا المعيشي مثل السكن والتنقلات

سيدني
قولدقوست
ملبورن

لاكن انا بحكيك عن ملبورن بما أني ساكن فيها

السكن قرابة 300 الى 250 بالاسبوع
التكت حقت النقل العام ( قطار , ترام . باص ) 100 دولار بالشهر

الوجبات من 7 الى 18دولار ( على حسب المطعم )
الكافي والماء 3 دولار

المعاهد بالاسبوع 280 الى 340 دولار ( على حسب المدة اللي راح تدرسها )

بصراحه الصرفيه 5 الاف ريال بالشهر

بالتوفيق

والله انا ماامدح برزبن ولا اقول انها تهبل لا بالعكس هي مدينة رايقة وهادية جدا وتنفع للي جاي يدرس من جد
يعني احسها مرة تناسب اللي جايين على حسابهم الخاص لانها مدينة مو حقة صرف
الاماكن السياحية فيها محدودة لكنها بشكل عام حلوة وتنفع للشباب اللي يبون يوفرون
انا بصراحة ناوية اخلص لغة وانقل مدينة ثانية لاني احس مليت وابي اغير والجامعة اللي فبرزبن بس وحدة مافيها غيرها وشروطها شوي صعبة.

الأكل والمشروب والمقاضي اتوقع بكل مدينة نفس القيمة
صديق اخوي على حسابه الخاص ويقول انه يصرف تقريبا 3000 دولار شهريا مع المعهد والسكن ( معهد خاص مو تابع لجامعه)

الله يعينك ان شاء الله

الله يعطيك العافية
وجزاك الله خير

أخوى سيدنى غاليه وابعد عن المدن الكبيره
أنا بهوبارت بتزمانيا اعتقد أنها ارخص مدينه باستراليا في تكاليف المعيشه وايضا في قيمه الدراسه بutas بالتوفيق