وين طلاب جامعة نيو ساوث ويلز ؟؟؟

الجامعة ممتازة و قوية خاصة فبي الجانب البحثى
و هي من مجموعة الثمانية الشهيرة في أستراليا
و لكن بالنسبة لي فإن القبول يحدده مركز القبول بالوزارة و هو من سيقوم باختيار الجامعة
لدي خلفية بسيطة عن الجامعة من موقعها الالكتروني طبعا..أي خدمة في هذه الحدود أنا حاضرة.

الله يعطيك العافية وما تقصرين

انا قدمت عن طريق مندوبهم بالمعرض سواء لي محاضرة عن الجامعة و قلب راسي عن القبول

ويقول ان الجامعة ما تدخلها الا لما تجيب c بالمعهد

ولما راجعت الموقع شفت ان لهم شروط بالنسبة للقبول الجامعة من بعد المعهد ومطلوب درجات معينة من الايلتس حتى التحق بالجامعة


فالي ابي اتاكد منه هل الالتحاق بالجامعة بعد المعهد اجيب سي او درجة معينة من الايلتس لأن درجة الايلتس الي طالبينها بالموقع اعلى من سي


الله يعطيك العافية

ياحبيبي الجامعه هذي من اقوى الجامعه في نيو ساوث وليز

واخذت المركز الاول عده مرات .. ومنهاا كان عامين متتالين في جامعات نيو ساوث وليز

وجامعه ولونوجوج كانت فرع لهذي الجامعه ولاكن اخذت استقلالها في عام 85 على ما اظن ولست متأكد من التاريخ بالظبط ..


ولاكن .. زي ما قلت لك .. نيو ساوث ويلز ..من اقوى واقوى واقوى الجامعات في ولايه نيو ساوث ويلز



ولك تحياتي اخوي

العاني

الله يعطيك العافية اخوي العاني ما قصرت يا الغالي


بس الظاهر ان ما فيه احد مقدم على الجامعة شكلي انا الوحيد واحد من الحارة بذا الجامعة الله يعين

هلا اخوي احمد ..

انا طالب جديد في جامعة نيو ساوث ويلز ,
صحيح لازم تدرس في المعهد و تجيب C اقل شي عشان تقدر تلتحق بالجامعه, بس الجامعه سمعتها قويه ودراسة الانجليزي عندها احسن بكثير من معاهد ثانية و الميزة اللي اشوفه فيها ان عدد الطلاب العرب اللي فيها قليل ..

نظام دراسة الانجليزي فيها نوعين,

الاول: العام
وهو عبارة عن دراسة انجليزي من البداية و يكون معاك طلاب كثير ( كلهم مبتدئين وعلى مستويات) كثير منهم جايين لدارسة الانجليزي بشكل عام ليس لاهداف اكاديميه ( بكالوريوس, ماجستير الخ )

الثاني: للدراسة الاكاديميه
يتم تدريس لانجليزي لاهداف اكاديميه مثل والماجستير والدكتوراة. و هو عباره عن مستويات و في اخر مستوى يكون هناك امتحان والطالب اللي يجيب درجة C يستطيع ان يلتحق بالجامعه بدون شهادة توفل او ايلتس.

بس للبكالوريوس هناك pre-foundation يعني يتم تأسيس الانجليزي عندك و بعدها تبدا في ال foundation و هي السنه التحضيريه

بس اولا و اخيرا هذا كله يعتمد على امتحان تحديد المستوى اللي يعمل لك في اول يوم بالمعهد, لو كان مستواك اقل من المستوى المطلوب في (الانجليزي لاهداف اكاديميه) سيطلب منك ان تلتحق بالبرنامج العام لتقوية الاساس الانجليزي لفترة معينه ثم تلتحق للدراسة الانجليزي لاهداف اكاديميه.

اتمنى ان اكون وضحت الصوره , علما اني طالب جديد و صارلي تقريبا شهر
حاولت اوصلك المعلومات العامه اللي عندي و اتمنى من الاخوان اصحاب الخبره ان يفيدوك بأشياء اكثر ..

و حاضر لأي مساعده ..

هلا وغلا اخوي batook

واخيرا حصلت طالب من ربعنا في نيوساوث ويلز :98:

والله يعطيك العافية على المعلومات روح يا شيخ الله يوفقك بدراستك ان شاء الله ويسر امرك وترجع لنا بشهادة الكبيرة

اخوي اذا ما عندك مانع فيه امكانية نتواصل عن طريق الماسنجر حتى نتمكن من التواصل وانا اخوك

والله يجزاك الله خير

حياك الله عزيزي

رسلت لك ايميلي , و انا بالخدمه ان شاءالله ..

والله يوفقك ان شاء الله و يسهل امورك

ها يعني قلبتوها ماسينجر ........آآآآه منكم..

طيب وإخوانكم الضعيفين مثل حالاتي وش يسوون؟؟؟؟؟؟؟؟

أنا الحين محتاس بأمرين: السكن والفيزا.... وكل أمر منهم مشغلني عن الثاني..!!

ههههههههههههههههههههههههههههههههههههههههههههه ههه

اخوي العكاس الله يهديك هذا الموضوع قبل سنة وشوي وانت رفعت الموضوع الرجال الحين تخرج ورجع للسعودية وتزوج وانا بدخل الجامعة بعد اقل من شهر انا فتحت مواضيع مغبرة