سؤال بخصوص مدة دراسة اللغه وبعض تخصصات الماستر

اهلين اخت متفائلة ،

انا اهنيك بصراحة على شجاعتك في تكميلك لدراستك ،

انا راح افيدك في مسألة اللغة ، .. بصراحة ولد عمي الحين بأستراليا جلس شهرين ويقول ألحين بخلص مرحلة اللغة ،

يعني مو شرط ، سنة كاملة ، لانه فيه بعض المعاهد اصلا تعتمد على درجة معينة في الليتس او التوفل لو اجتزتيها مايحتاج تدرسين سنة ،

هذا اللي اعرفه لكن اكيد فيه تفاصيل ثانية ، يمكن يفيدونك الاخوان ،

الله يعطيك العافيه طمنتي قلبي على بالي لازم سنه : (

وانتظر الباقين يفيدوني : )

افااا
وين الردود؟؟

أذا كنت بتكلم على جامعتنا
حنا جامعتنا تتكون من 7 مراحل في مرحلة اللغة كل مرحلة شهرين ألا المرحلة السابعة شهر واحد فقط هذا للي يبون يدرسون ماستر يعني 13شهر
أما للي يبون بكالريوس 5 مراحل طبعا كل مرحلة شهرين يعني 10 شهور يعني غصب عليك تقعدين هالمدة
بس عندنا شي أسمه jump يعني أذا شديت حيلك في الشهر الأول من أي مرحلة وجبتي كل علاماتك 90%
يخلونك تروحين للمرحلة اللي بعدها الجزء الأول
يعني تختصرين من المدة فـ شدي حيلك بالدراسة وبتخلصين بسرعه
تحياااااااااااااااتي

متفائله
ليه ماتختبري ايلس هنا بالسعوديه وتعرفين كم درجتك ومنها تعرفين كم يبغالك بكورس اللغه
بعض الجامعه تشترط درجه معينه في الايلس لو جبتيها على طول تدخلين كورس الماستر
بالتوفيق

هلا فيك اختي متفائله
الله يوفقك ان شاء الله
بالنسبه لاسئلتك

بالاول راح يعملون تحديد للمستوى لك
ويشوف مستواك في اللغه الانجليزيه
ويحطونك في المستوى المناسب
وحسب مستواك بيكون مستوى ثالث او رابع
وراح تخلصين باربع اشهر والشي يرجع لك طبعا
مو شرط سنه

وموضوع شي سهل او تخصص سهل ما فيه شي اسمه سهل
دراسه فعليه والي بيشد حيله راح تكون الدراسه سهله

واما التخصصات الي ذكرتيهم حلوات ومستقبلهم حلو
ولاي مجال يرجعون حسب كل جامعه مثلا يرجع التخصصات الي ذكرتيهم
الى كليه الحاسب في المدينه الي انا فيها

ومدة كل تخصص نفس الشي يرجع لكورسات الجامعه
يعني فيه ماستر سنه وفيه ماستر سنه ونص هذي مدة الكورسات الفعليه
لكن احيان تمدد السنه الى سنه ونص وسنتين وعلى
توضيح اكثر
جامعه أ تحصلين تخصص ج سنه الماستر فيها
جامعه ب تحصلين تخصص ج سنه ونص الماستر فيها
مع تمنياتي لك بالتوفيق

افضل شي انك تختبرين توفل او ايلس قبل ما تجين وعلى ضوئها تعرفين كم مدة اللغة لانهم صراحه يسون اختبارات تحديد مستوى بس بعض الاحيان يكونون ضالمين فيها .