.: هنـــا تجمع مبتعـثــــات ومبتعثين أستراليا :.

بسم الله الرحمن الرحيم


تم في هذا اليوم الموافق 27/6/2007م عقد اجتماع لطلاب الابتعاث لدوله استراليا برعاية مكتب idp في مدينه الرياض في فندق ماريوت..

وقد حضر الاجتماع عدد لا بأس به من الطلاب << من 30 الى 40 تمساح + 2 سحليتين +1 سحليه جت متأخرة

المهم بدأ الاجتماع الساعه 5 عصرا بعرض شامل عن ولايات استراليا << فيديو .. وبعدها جانا واحد فلبيني يتكلم انجليزي << كيف جت مدري .. المهم انه يتكلم انجليزي واسمه كنق << حتى اسمه مدري كيف .. وبدا ابو الشباب يتكلم ويرحب ويقول الله يحيكم في بيتكم الثاني وتراكم بتفلونها هناك بس اهم شي اصبروا ولا تستعجلون ترى الدعوه دراسه << طيب اخلص .. في نهاية كلامه قال ادري انكم ما فهمتوا مني شي يا اللي فيكم ما يخطيكم << يسب . . عشان كذا ابخلي اسماعيل يتكلم لكم بالعربي ويشرح..

قلنا اوكي


والله يبدا الاخ اسماعيل << عضو منتدب من السفارة الاستراليه .. بالترحيب برضه والتحدث عن استراليا مزود بعرض بروجكتر وكان من اهم المحاور اللي تعرض لها :
1-اهم الاشياء اللي مسموح فيها دخولن وخروجن << بشد اخر الحروف.
2- الاجواء في استراليا حاليا .. اللي فهمته ان جوهم برد وامطار يعني اللي بيروح قريب ياخذ احتياطاته الامنيه .
3- تكلم عن كرت اللي تعبيه في الطيارة وانه يحتوي على خيارات بسيطه والمطلوب منك تحط اشارة على المطلوب .
4- وقال لا تتفلسفون في المطار .. يعني اللي ما يفهم انجليزي لا يسوي نفسه فاهم عشان ما يروح غلطه.
5- يقول اهم شي لازم انكم تعرفون وش اسم جامعتكم والتخصص عشان الرجال اللي في المطار بيسئلكم .. واذا انكم ما عرفتوا وين تدرسون اعطوه الcoe وهو يفهم .
6- علمهم وش معك ووش اللي مهو معك عشان لا تتوهق.
7-تكلم عن سالفة المبالغ اللي تاخذها معاك وقال من 2500 الى 3000 دولار الين تصرف عليك الملحقيه << يعني بحكينا خذ معك من 8.000 الى 10.000 ريال سعودي.
8-يقول جوازك انتبه له ..وخله في جيبك اللي قدام .. عشان لا ينسرق وتقعد تولول << كنايه عن البكا .
9-الجامعه هي الكفيل لك .. ويحق لها انها تلغي فيزتك اذا كان حضورك اقل من 80% .
10- طريقه التدريس في الجامعات الاستراليه تعتمد عليك انت بنسبة 100% ..والدكتور اللي في الجامعه فقط يفتح الموضوع وانت تبحث فيه << فهمتووا؟؟
--
بعد ما خلص الاخ اسماعيل عرضوا لنا فيديو عن الطلاب السعوديين في استراليا وعن انطباعهم فيها وكيف قضوا اول 6 شهور ههناك << مع العلم ان الفيديو اللي عرضوه قديم وتم عرضه في الاجتماع الاول اللي صار في مدينه الرياض في السفارة الاستراليه وكان خاص بطلاب الطب في جامعة سيدني

بعد ما خلصوا من هالفيديو قالوا اللي عنده استفسار يستفسر .. وبدأو الطلاب في طرح استفساراتهم ..

ومن الاستفسارات اللي احس انه اهم شي.. تكلموا عن اللاب توب .. وهل يتم تفتيشه .. جاوب اسماعيل وقال اللاب توب ملك شخصي لك .. ولا يتم تفتيشه ابدا .. قلنا طيب والبرامج المنسوخه .. قال البرامج اللي تحتاجها حملها على جهازك .. ولا تاخذ معاك سيديات منسوخه نهائيا درئأ للمفاسد


وبعدها انتهى الاجتماع وقالوا شكرا يا كويسين عشان انكم جيتوا وان شالله تنجحون الين رحتوا في استراليا

وبعدين رحنا ناكل حلويات وفطاير وشربنا عصير .. وقبل كذا اخذنا منشورات وكتيبات مهمه جدا << من وجهة نظري وفيها معلومات قيمه

----
نقاط سريعه :

1- الحضور كان جيد.
2- نسبة السحالي ضعيفه جدا وعسى المانع خير << ومن وجهة نظري ان اللي يتحمل هالشي مكتب الاي دي بي لانه ما ارسل رسايل للطلاب .
3- تفاعل جدا جميل من الطلاب .
4-انتهى الاجتماع الساعه 6 تماما .


هذا كل شي في اجتماع ماريوت الرياض اتمنى ان اكون وفقت في نقل صورة ولو مبسطه للاخوان اللي خارج الرياض << باستثناء جدة لان بكرة عندهم اجتماع


واللي عنده اسفتسار والا اضافه والا شي .. والا يحس بشي ووده يقول .. تروا الدعوة عااامه

تقبلوا فاااائق تحياتي وقبلاتي الحارة

هموم الدنيا 1987