.: هنـــا تجمع مبتعـثــــات ومبتعثين أستراليا :.

سالفل عالجميع

بما اني ولد ومتلقف بالموضوع فأتمنى ان هايدي ماتزعل مني

بس كويس انك صحصحتي مره ثانيه لملتقى استراليا بعد مافقدناك بالفتره السابقه

عالعموم اتمنالك التوفيق وبالفعل غاده يوم جت نعنش القسم وحسينا ان فيه ردود ومشاركات ومواضيع حلوه

انا راح اقول كلام وانا المسؤول عنه

انا لي اخوان من شباب استراليا :
العاني ، اوزي ، غاده ، هايدي ، بدر_68 ، نوني الصغير ، عبدالعزيز الشدوي

اتشرف فيهم واعتز بأخوتهم
للأسف ما اعترف بغيرهم

والي يزعل يقولي اسقيه من بحر جده <== وصلت معاه

نشوفكم يا احلى شباب استراليا

للأسف الشديد ان استراليا مو زي باقي الدول يعني يوم توصل مايحتاج تروح للملحقيه
تروح للمعهد وتخلص وتاخذ منهم خطاب انك اتظمت عندهم وترسله مع جوازك ونماذج تعبيها من موقع الملحقيه مثل رقم حساب بنكك ومكان اقامتك وغيرها سواء بالبريد او اون لاين

بس المشكله في انه اول شهر ماراح يصرفون لك شي ومدام انهم اول شهر ماراح يصرفون شي يعني الشهر الاول عدى وداخلين فالثاني وماراح يصرفوها الا فنهاية الثاني يعني الواحد يحتاجله حق الشهر الاول والشهر الثاني وبنهاية الشهر الثاني راح يستلم راتبين حق الاول والثاني

بس بالنسبه لكم ناخذ هيا ورطه

لانه تعالي احسبي معايه :

مصاريف طلعات ونزلات على الرياض انا طالع هذي للمره الرابعه للرياض
560 *4 = 2240 ولسى باقي طلعه عشان ناخذ قرارات الابتعاث وامر الاركاب
سكن ومعيشه بالرياض قولي كلها ماجلست فيها ماعدا يوم واحد حق المقابله الشخصيه والثلاث ايام حقت الملتقى وكلفتني كلها على بعض 1500 تقريبا من مصاريف مواصلات واكل وشرب ومغسله
وقدامنا الفحص الطبي وقيمته مع الارسال لأستراليا 1000 ريال تقريبا والبعض يقول بمستشفى بخش الدكتوره فاتن تسويه ب640 اعتقد المهم نقول انه ب 640

قدامنا رسوم الفيزا وهي من اغلا الفيز تخيلي اليابانيين يدفعون 100 ريال ففيزتهم
والامريكان 100 دولار بفيزتهم يعني تقريبا 375 ريال
اللهم لاحسد بس شوفي
واحنا راح ندفع 1330 درهم اماراتي <== ياحليلنا عيال الشربتلي احنا

ونجي للسفر طبعا هناك مكافئة الوزاره 5060 ريال يعني قولي احتياطا انتي راح تاخذي 10 الاف ريال حق اول شهرين لين يبدأون الصرف عليكي مع انه المفروض تاخذي اكثر
لان وراكي فلوس استقبال بالمطار + فلوس سكن مؤقت وغيره وغيره
هو صح بتعوضنا الملحقيه بس الين تعوضنا الملحقيه الطلاب الي متخرجين من الثانوي
ولا الناس الي على قد حالهم من وين يجيبون هالمبلغ تعالي نحسبها مع بعض
بالنسبه لي :
2240 + 560<==حقت استلام قرار الابتعاث = 2800
مصاريف = 1500
فحص طبي= 640
فيزا = 1330
معيشه شهرين باستراليا لين يبدأ الصرف = 10000
والنتجيه النهائيه اني راح ادفع من جيبي الخاص قبل مايعوضوني = 16270 ريال سعودي

تعالي للناس العاديين الي غيري
فحص طبي = 640
فيزا = 1330
حق شهرين بأستراليا 10000
المجموع الكلي = 12000 تخيلي الناس الي على قد حالهم من وين يجيبون اثنعشر الف بضرف شهر او شهرين او حتى ثلاثه

زي ماقلتلك هم بيعوضونا بس الين مايعوضونا من وين نجيب هالمبالغ هي لو معنا من البدايه كان ابتعثنا انفسنا وما احترينا من احد شي

الله يعيننا ياحقين استراليا بس


معليش هذي فضفضه شويه يمكن انها تريحني شويتين اني شاركتكم فيها

مممكن اتدخل

طبعاً بفضل خبرتي << وبما اني من حمام الدار <<< ماله الا شهرين الاخ

المبلغ الي يكفيك على حسب إذا انت سنيقل << او على قولة تيشرنا افيلبل في الوقت الحالي<<

يكفيك مبلغ سبعه آلاف ريال سعودي .. ولاكن لما تكون مظبط السكن من الرياض

يعني متصل على محل وحاجز سواء سكن عائله والا شير مع عائله ..

لانه لما تروح وبدون ما تأكد حجزك على السكن وركوزا على تأكيد الحجز لانه الحجز ما يكفي.. راح تأخذ فندق او سكن مؤقت وهذا يكلف مرررة ... ويلعن الميزانيه ..

لاني انا ارسلت للجامعه ابي سكن واخر شيء يوم رحت قالوا مافيه سكن

وسكنت مؤقت في السكن الجامعي حقهم .. حاطين غرف للسكن المؤقت عشان الي مثلي ما لقى سكن ورغم انه كان مخفض بس كنت ادفع مبلغ وقدره 385 دولار في الأسبوع

وجلست اسبوع ونص ادور على سكن لما حصلت بالموت شقه

والشقه طبعاً راح تكلفك اشياء كثيره

اول شيء الكهرباء لازم تقدم عليه لانه ناظمهم تعبي ابلكيشن من الأنترنت ومن بكرى شابك الكهرباء عندك ..


وبعدين التلفون زي الطريقه والنت زي الطريقه والمويه زي الطريقه


وطبعاً انت لما تستأجر شقه معظمهم ما راح تحصل فيها الخدمات الي فوق لسبب انه انت نفسك لما تطلع راح تفصل الخدمه ولانه الفصل والشبك سريع عندهم


ولاكن المروع في الشيء هذا انه لما تفصل كل خدمه او تشبكهااا

انا عشان اشبكهاااا دفعت لكل وحده 180 دولار رسوم تأسيس

وعشان افصلهاا 100 دولاار ... وكلهااا بوادي وعقد الاجار اقل شيء سته شهور

يعني بالعربي لما تكون بتسكن بشقه لحالك راح يكون مكلف شوي

وهذا كله بوادي والتأثيث بوادي ثاني

وراح يكلفك كثييير .. ولا ودي اقول المبلغ لانه يخوف




والشيء الثاني الي ودي انصحه لكم كلكم ..

انكم تطلعون بطاقه البنك الأهلي الأتمانيه المسبقه الدفع وتخلي فلوسك فيهااا

وقيمتها ميه ريال كل سنه .. وميزته انه لما تروح تسحب من برى ما ياخذ الاهلي ولا ريال رسوم وهذي احلى ميزه ويطيح عنك في كل سحبه فوق اربعين ريال رسوم اداريه ..

وميزه الاهلي ان يحسب الدولار الأسترالي بأقل قيمه صرف بين كل البنوك

وألعن البنوك واغلاها الراجحي ثم سامبا ثم ساب والطقه ذولي



وعلى فكرة ترى الملحقيه تنزل لك مبلغ بسيط خلال اسبوع .. او اقل

بس انت تابع معهم لما يفتحون لك الملف لانه لو ما تابع انسى يفتحون ملف من انفسهم

من اول ما ترسل اوراقك لحد ما تشوفهم فاتحين لك الملف

والملحقيه والملحق وربي ما عليهم .. ماشي حالهم ولا منهم مشاكل لحد الحين والأمور متيسره

ولاكن فيه همسه لحقين سدني والي بيجي ولونوجوج مع اني ما اتوقع احد بيجي ولونوجوج لانها مستوفيه عدد السعودين والبركه بحقون المعلمين والتعليم الفني جت دفعه دسمه قبل كم اسبوع


سدني <<< غايه غايه غايه في الجماااال ولاكن غايه في الغلاء للي يبي يتمشى

وصراحه انا يوم رحت لسدني تمنيت اني اسكن فيهااا .. فيها جمال غير طبيعي ..

سواء المباني والا المواني والا الأبوبرا هاوس والا هاربرد بيرج لحاله منظر ..

بس فيه غلاء شوي حبتين ..

وحتى المدن الثانيه .. بس اتوقع سدني فيه غلاء حبتين زياده


<<< شكله طول وقام ياخذ ويعطي بالسواليف ..

على العموم .. آسف لو ما كانت الأفكار مرتبه لانه وانا جالس اكتب الرد قطعته اكثر من مرة اروح واجي


العاااااااااااني

شكررررررا خيوووووووووو

مدري ليه حسيت اني دااخلة كلاااس ماااااااااث

يا سااتر

عاني وش قصدك الملحقيه تنزلك مبلغ بعد اسبوع

لانه واحد من الشباب خويي يقولي بامريكا طبعا بالبدايه هم يروحون على واشنطن عشان يخلصون اوراقهم ويعطوهم كاش باربعه الاف دولار اعتقد على قولته لين مايبدأ الصرف عليه

هل استراليا مثلهم يعطونك شي لين مايبدأون يصرفون عليك

وعادي خذ راحتك بالسوالف سولفلنا وش صار معاك

وبعدين كيف تقول سبعه الاف تكفي

بما ان الاجار هناك يجب انك تدفع حق شهر مقدم تأمين

سولف سولف خذ راحتك فضفلنا

انا اقولك حبيبي ..

الملحقيه هنا تنزل مكافئتك من وقت وصولك للبلد ..

مثلاً انا الحين وصلت في تاريخ ثلاثه من الشهر وهم صارفين الراتب قبلها بخمسه ايام

وانا اول ما وصلت ارسل لهم الأوراق وطبعاً هم يعتمدون على تاريخ دخلوك البلد ويطلبون صورة ختم الدخول .. ومنها يبدأ الصرف

يعني بالعربي يصرفون لي راتب الشهر الجاي مخصوم منه خمسه ايام الي كنت فيهااا في السعوديه ..


وطبعاً مو لازم تمرهم وحتى لو مريتهم قالوا وش جابك لنا ..


والسبعه آلاف ريال تكفيك لو كنت حاجز سكن من السعوديه ... وبتسكن عند عائله او تاخذ شير عند عائله ..


لاكن لما تبي تأخذ لك سكن .. فهذا راح يكلفك مبلغ وقدره ..

والتأمين زي ما قلت تدفع شهر كامل .. وبعدين يكون طريقه الدفع اسبوعياً

لاكن حنا السعودين ندفع شهرياً لانه راتبنا شهري

لانه نظام البلد هنا رواتبهم كل اسبوع واجاراتهم كل اسبوع

وأي سؤال انا حاظر ؟؟؟