.: هنـــا تجمع مبتعـثــــات ومبتعثين أستراليا :.

اسامه
الله يعينك ان شاء الله و يحطوك في ولايه حلوة و جامعه احلى

------------------------
اممممممممم مين الي طالب بهذا الشي
ههههههههه امزح و الله
خلاص مسافره التعديل بين يديك و اي شي فيه مصلحه للجميع انا مستعده

-------------------

غاده
بالنسبه لسؤالك عن Information Systems للبكالوريوس
اول شي اقولك حاولي تطلعي على الخطه الدراسيه في الجامعات الاستراليه و شوفي المواد
ممكن بعضها ما تناسبك لأن بعض هذي التخصصات في بعض الجامعات تلاقي فيها مواد بزنس و اداره كثير و انا عن نفسي بعدت كثير عن هذا الشي ..

شي ثاني حاولي تسئلي المتخصصين عن قوة هذا التخصص و مدى الحاجه له
يعني ممكن في جامعتك تسألي الدكاتره عندك ان شاء الله يفيدوكي
لأن اهل الخبره و الاختصاص افضل من يجيبك على سؤالك
مو معناها يجبروكي على شي او مثلا يأثرو في رأيك بمدحهم لقسم و ذمهم لآخر
بس اكيد عندهم خبره
انااقولك مثل انا كنت محتاره اختار ايه بس لما سألت دكاترتي كلهم اجمعو على IT و انهم بحاجه له سواء كنت رح ادرس في الجامعه او اعمل في الشركات
و كمان شجعوني لأن قسمنا في حاجه شديده لهذا التخصص و الآن بيوظفو خريجي الحاسب
في حين خريجي القسم ما وظفوهم لنقص عندهم في بعض المهارات او المتطلبات الاكاديميه الي موجوده بالقسم

و اخيرا انت و هدفك و طموحك و زي ما قال بحور ممكن تدخلي محاضرات كمستمعه في سنة اللغه و تغيري رأيك
زي طلاب الطب يجلسو طول السنوات الاكلينيكيه الي يمارسو فيها عملي و هم محتارين
لأنو ياخذو كورس الباطنه مثلا يحبوه يرجعو ياخذو كورس الجراحه يغيرو رأيهم و هكذا
الى ان ينتهو من كل الكورسات و يحددو بعدها الشي الي ناسبهم اكثر
و زي ما قال معلق في البعثه تخصصات الحاسب كثيره بس شوفي الي يناسبك
و الله يوفقك ...

على فكره اعرف وحده في سدني تدرس بكالوريوس مختاره تخصص مره حلو في الحاسب و نادر و مو موجود الا في حامعة سدني مني فاكره هذا التخصص بس اعتقد انه له علاقه بالتصميم و تطوير مواقع الانترنت او هندسة حاسب حاجه زي كده لو عرفت اقولك ان شاء الله
و هي ترى مبتعثه من ارامكو فكان هذا التخصص مطلوب عندهم

-------------------

يالله الحمد لله كدا أطمنت انو ما في احد راح يعرف القصة إلي صارت في أخر ترم وانتشرت عند البنات قبل الأولاد بسباب منتدى طلاب الجامعة صراحة حسيت إني صرت مشهور وقتها بس عشت في رعب الين أتخرجت يالله الحمد لله أيام وعدت ( الله لا يعودها تاني )

لا لا لازم تقولنا الحكايه
لو كنت مشتركه في منتدى الجامعه كان عرفت بس مني مشتركه لأن قسمنا كان عنده موقع خاص به و منتدى لكل ماده فكنا نشارك هناك و بس
اصلا ما عرفت انو في منتدى لطلاب جامعة ام القرى الا بعد ما اتخرجت
بس ترى صاحباتي كثير في قسم الحاسب و وحده منهم معيده الآن في القسم

ايوه صح كلامك سمعت انو رح ينشأو هذ الكليه
اصلا هم من زمان نفسهم يغيرو الخطه و يتلصقو في قسم الحاسب <<< لا احد يسمعني
بس ما جو يغيروها الا .... يلا الحمدلله على كل حال

ايوه حتى انا اعرف طالبه اتخرجت منها هذي السنه و مدحتها ، بس نقول ان شاء الله يجي القبول فيها
او اني لو قدرت هناك احول لو قدرت مدري كيف التحويل سهل و لا صعب
يعني في حال الوزاره رمتني في اقصى القاره الله لا يكتب علينا

انا اقولك شي بعض الاقسم زي قسمنا و الله محتاجين و بشده لكوادر اكاديميه
انا لما كنت ادرس كانو نص دكاترتي اجانب
على اخر سنه بداو يستغنو عنهم بس حصل عجز و بدأو يعينو اساتذه بس متعاقدين معاهم
و الكادر النسائي كلهم على بعضهم 3 و اخر سنه جات وحده و راحت دحين لأنها بتحضر دراسات عليا
فمحتاجين و الله
شي ثاني في جده عندك الجامعات الاهليه تتهافت على حاملي شهادات من جامعات اجنبيه و الي عندهم لغه
انا وحده اعرفها كملت في بريطانيا ماجستير تخصصها انجليزي لما رجعت اتعينت في كلية عفت
و جدا مبسوطه و قمة الاحترام
و كمان نظامهم لو اشتغلت عندهم سنه اظن او اكثر مدري المهم انهم يبتعثوك على حسابهم تكمل

يعني اعتقد في فرص ان شاء الله للعمل الاكاديمي
و يمكن اكثر للفتيات خصوصا في تخصصات الحاسب ..

طيب انا معاك في هذي النقطه
ترى شكلهم الطلاب رافعين ضغطك و الله يعينك صادق
انا والدي كان يدرس انجليزي لطلاب الهندسه فكان يقول عذاب مهما حاول يغير من طريقة التدريس
فالطالب و هو هندسه لاحظ هندسه لكنه مو جي يتعلم
و يا ليت يا استاذ الاسئله سهله و تحدد لنا كمان مواضيع التعبير <<< اموت عالتحديد ترى
فهو فقد الامل بعد تجربه في التدريس في كل المراحل متوسط ثانوي جامعي و اداره كمان
يعني بالعربي الطلاب متعبين
مو معناها البنات ما شاء الله عليهم بس و الله ارحم و على الاقل تلاقي الي جايه فعلا تستفيد و عقلها في مذاكرتها و بس و تستحق انك تتعب عشانها و تحس انك ملزم بايصال المعلومات المفيده لها
لأنها تسال و تناقش و مهتمه

شي ثاني في دكتور بكلية الطب متخرج من كندا
جا و عنده اسلوب معين و خطه يبغى يتبعها للتغير اتفاجا بمعارضة البعض (من المسؤولين بالجامعه ) و ما في احد يدعمه
طبعا حاول و حاول قدر يغير شويه لكن الآن يقول لطلابه انو بدا يفقد الأمل
لكن مع مساعدة طلابه بيحفزوه و بدأو يتفاعلو معاه
لأن الطالب وصل لمرحلة خلاص مل من الاسلوب العقيم ان كان في التدريس او التعامل او الواجبات و غيرها و غيرها

فاكيد التغيير مو سهل بس نتمنى تغير الاوضاع للأفضل

و انا اتمنى اشتغل في شركة و امارس العمل لكن اذا لقيت فرصه الله اعلم
---------------
لا و الله للآن ما في احد بس رح يجو قريب ان شاء الله

غادة :006: >>>مو بس انتي تعرفي تحتجي هههههههه

يعني:001: ما عجبك الكلام الي قلناه انا وبحور بس رديتي على هايدي

>>>خلاص :008: ما راح نكلمك أنا وعزوز

















لا أمزح:102:


المهم عندي نصيحة أي واحد محتار إيش يختار تخصص انو يختار الوظيفة إلي راح يشتغل فيها بعد ما يتخرج ولازم تكون مطلوبة في السوق السعودي وعلى أساسها يختار التخصص وأهم شي تكون مرتاح في الشي الي أخترتو.

وأنا بكرة راح الف على كم موقع وأجبلكم أفضل الوظايف الموجودة لمتخصصي الحاسب ومعلومات عنها عشان تساعدكم في الإختيار.

خسارة حتى منتدى الجامعة ما كنتي تعرفيه
بس أحسن عشان لا تعرفي القصة وتفضحيني:103:











لا امزح والله بس القصة طويلة وما فيا أكتب دحين إنشالله في وقت ثاني
بس راح احطلك وحدة من الرسايل إلي جاتني وقت المشكلة:101:

>>> طبعا انا مختصر منها حاجات كتير ما كان يحتاج إنكم تعرفوها:103:

هايدي انا اتوقع التحويل مو صعب لأني أعرف واحد مبتعث عن طريق الجامعة وأختار جامعة ودرس فيها سنة بس ما عجبتو وكانت مرة صعبة قام حول على جامعة QUT ودحين مرة مرتاح فيها

عزوز كم تدفع وأنا أقلك خخخخخخخخخخ::103:

عزوز الموضوع مرة طويل وما فيا اكتبو هنا إنشالله لما نتقابل أقلك القصة كلها

غاده
الله يسعدك و الله احرجتيني
معليش يا جماعه لا تغارو بس ايش يقولك القلوب عند بعضها
و كلامي عجبها عملي يعني

------------------------
معلق في البعثه
ترى مره حمستني الله يخليك في اي وقت تكون فاضي قول الحكايه <<< معليش لقافه بس استحملني

و بالنسبه للتحويل الله يطمنك و ان شاء الله من الاساس ما نحتاج تحويل و لا شي

و الوظائف انا اقترح مو بس نعرف اش نبغى نشتغل ( مسمى الوظيفه )
الاهم فيييييييين يعني اسماء الشركات و المؤسسات
يعني انا سمعت انو في مدينة الملك عبدالله الاقتصاديه فرص عمل حلوة لمتخصصي الحاسب
بس فين كمان ممكن ؟؟