.: هنـــا تجمع مبتعـثــــات ومبتعثين أستراليا :.

ماشاء الله...نفس التخصص اللي قدمت عليه..
لكن انا اللي مو مريحني في انتظار البعثات هو التأخير...لأنه بصراحه سنه كثير..
واكيد لو توظفت راح اظل بالوظيفه لوقت السفر...سواء كان بعثه او على حسابي..
والله يوفقك...وترجع بالدكتوراه مش الماستر بس

يالله يا جماعة أنا بستاذن بأروح المحاظرة
شكلي اليوم راح أعطيهم محاظرة خفيفة >>> يا حب الطلاب للمحاظرات الخفيفة

وبعد ما أخلص رايح للمدينة إنشالله أدعولي
يعني أشوفكم بكرة بعد ما أرجع من المدينة إنشالله

حبيب قلبي الفنار انا راح اعطيك فرصة اليوم تقرى مواضيع المنتدى
وبكرة أشوف عرفتني ولا لا يا دب

•  المشاركة الأصلية كتبت بواسطة معلق في البعثة

  يا دب لا تقول إسمي هنا >>>> إنت تبغى تفضحني

يا بحور لا تعصب
ادري شي يقهر من جد تكون مخطط على شي معين و يصير عكسه تماما
بس الحمدلله عندك offer من الجامعه و تقدر ان شاء الله تحول هناك لو احتجت

شي ثاني لا تتسرع يمكن تكون جامعه طيبه و زي ما قلتلك في هذاك الموضوع الاخ زهير معانا في نفس جامعتك اسأله عنها اكيد رح يفيدك

و الاحظ ترى انهم بيختارو الجامعه على حسب مرحلتك يعني الماستر بيخلوهم في G of 8
و البكالوريوس في الجامعات الثانيه
لأنو زي ما تعرفو مو كل الجامعات معتمده للدراسات العليا فعاد شوف كيف صار التوزيع ..

الله يوفقك و يختار لك الخير ..

-------------------
هلا غيوده
اليوم رحنا للـIDP و طبعت اخذت الايميلات الي وصلتني من السفاره في دبي
زي ما قالو لي عشان يفهم الموظف هناك
و اخذت الابليكيشن و كله تمام
طبعا الموظف اتفاجأ من الترتيب و النظام الي عملته<<< ما شاء الله
و قال انتو اول ناس تكونو مهتمين بالموضوع و صراحه ما كنا فاهمين كده
بس اعطونا فرصه عشان نكلم السفاره في دبي و نشوف الموضوع اكثر
عشان مثلا يشوف الطلبات و كده
لأن الجوازات اترسلت ترى للي سلموها الاسبوع الي راح

بس لو حصل شي جديد اقولك
و الله يعطيكي العافيه لولا انك نبهتينا على موضوع الفيزا هذي و لا كنا رح نمشي زي ما قالو لنا
بنت و لا كل البنات يا غاده
الله يحميكي

غاده
قولي امين
ان شاء الله انا و انتي في نفس الطياره
حتى لو ما كنا في نفس الجامعه بس ان شاء الله تكوني معايا على نفس الرحله
يااااااارب

بحور اقولك شي
انا مره ما احب الي يجلس و يعطي نصائح و الثاني تلاقيه معصب و مقهور
طيب فعشان كده ما رح اقولك شي
اكيد انت معصب دحين
بس صدقني ترتيب الجامعه مو سئ ابدا
و اكيد انها ممتازة في تخصصات معينه و للبكالوريوس خصوصا

اقولك شي سمعت بجامعة اسمها ماكواري او ماكواير حاجه زي كده ؟؟
هذي الجامعه قويه جدااااااا في مجال دراسة اللغويات
لكن من اسمها صراحه تشك في الموضوع
و مهي جامعه معروفه زي RMIT مثلا او غيرها
لكن مهي سيئه بالشكل الي متصورينه
و في اسوء الاحوال ان شاء الله تقدر تحول لو ما ناسبتك الجامعه بس لا تروح بهذي النفسيه و انت كاره الجامعه بالي فيها

و قلتلك حطوك فيها لأنك بكالوريوس
هذي الجامعه معتمده بكالوريوس فقط
دراسات عليا لأ ..

البكالوريوس معظم الجامعات معتمده فيها
لكن الدراسات العليا قليل و محدود
انا هذا تفسيري للموضوع

--------------
بعدين مين قال اني ماعرفت جامعتي؟؟
عرفتها الحمدلله
بس مخليتها مفاجأه