.: هنـــا تجمع مبتعـثــــات ومبتعثين أستراليا :.

بس يختي أساميهم بالعربي تختلف عن الإنجليزي .. وش التناقض هذا ! لازم نقدّم إعتراض !!

لحوووول

طيّب يا أبلة .. النيسان والحزيران والشهور الخرابيط هذي بتجي معنا في الإختبار !!

عاد نيساان وحزيران وسلمان ما أعرف لهم صراحة .. ولا ماهي جاية بالاختباار كفاية عليك جانيوووري وجولااي

سلام

حسبي الله ونعم الوكيل في وزارة الغفله وخططهم الغبيه ..


شوفوا ايش صار .. امس قريت عن معاناة الأخوان فملتقى جده وان الدنيا حوسه ومافي اي فايده

وكمان اصحابي الي حضروا الملتقى حكوني بالهبالات الي صارت .. عاد انا من باب الفزعه لا اقل ولا اكثر

قلت بكره ان شاء الله بروح لهم واحاول اقنعهم اني اجلس مع المبتعثين .. واحكي لهم تجربتي لعلهم يستفيدون

واجاوب على اسئلة المبتعثين بإذن الله ..

المهم رحت واسوي واجهز في برزنتيشن عشان اعرضها اليوم الثاني على الطلاب ..

وكل هذا وانا حاسب حسابي انهم على الأقل بيعطوني وجه .. المهم كرفت حول الساعتين وجبت كل المعلومات وجمعاتها

وسويت بور بوينت وزبطت وجبت روابط وصور لبطاقة الدخول لأستراليا ونماذج فتح الملف بالملحقيه

المهم سويت شغل حلو .. ولبست اليوم ومشيت عالهلتون الساعه تقريبا 3 العصر

وانا لابتوبي فوق كتفي كسر ظهري ملعون الجدف

الموهيم .. دخلت عند المنظمين وسألتهم وين لجنة الملتقى .. قالي واحد وش تبي منهم

قلت له ابي اتكلم مع احد الاعضاء او المسؤولين عن اللجنه .. قالي قولي وش تبي انا بساعدك << ملقوف الاهبل وانا عارف انه مايقدر يسويلي شي

المهم قلتله السالفه اني طالب مبتعث وعندي اجازه وحبيت افيد الطلاب الجدد ومعي برزنتيشن ومن هالكلام .. قالي كلم الدكتور فلان الفلاني هو يقدر يساعدك بهالموضوع

رحت للدكتور الفلاني .. السلام عليكم .. انا موضوعي كذا وكذا ومدري ايش

قالي .. يوووووووووه وينك من زمان ؟؟

قلت مسافر طول الله عمرك ..

قال .. اقصد المفروض تنسق معي قبلها بأسبوع او اسبوعين

قلت .. ماجاء ببالي وبعدين الشغله صادفت ان الملتقى يكون بإجازتي وانا معي اموري كلها
ولو تبيني اسويلك بروفات انا مستعد

قالي .. الموضوع يبغاله جلسه ومدري ايش عشان اعرف ايش الي عندك وبإيش تقدر تفيد الشباب

قلتله .. انا مستعد نجلس

قالي .. انا مشغوووووووووووووووووووووووول ما عندي وقت .. والتزمنا مع الطلاب بجدول مواعيد وفيه المحاضرات ومدري ايش

قلتله .. مو شرط اكون من ضمن برنامج الملتقى .. عادي لاخلص البرنامج قولهم الي يبي يروح الله معه والي يبي يجلس ترى فيه واحد من الشباب حاب يخدمكم

قالي .. للأسف حنا مرتبطين مع الهلتون بعقد اننا نخلي القاعد في ساعه معينه كل يوم ومانقدر نتأخر على الموعد .. والوزاره بنفسها تقولي زودوا محاضرات بس إحنا فللللل

قلت فنفسي .. نصابين البارح سهرانين لين الساعه 10 مدري 11 بالليل قالك عقد وخرابيط

المهم قلتله .. مو مشكله انا كان قصدي اخدم فقط لاغير

قالي .. جزاك الله خير وكثر الله من امثالك ومدري ايش << كأنه مو مصدق ان فيه ناس زي كذا

قلت ايه هين .. يصير خير

المهم قلت بحضر الملتقى واشوف وش عندهم سوالف ..

يوم جات الساعه 4 .. والناس داخله وانا سويت نفسي ماشي معاهم وماعندي كرت ولا دقيته

مسكني واحد من الدكاتره من يدي وقالي وين رايح يالحبيب

قلتله بدخل قالي على اي اساس انت مبتعث .. قلت لا مرافق << انحشرت

قالي روح جيب ورقة دخول مرافقين من التسجيل << وهنا انحشرت بقوهـ

قلت طيب .. رحت للتسجيل لقيت واحد ملتزم حبوب ..

قلت .. سلام

قال .. هلا حياك الله

قلت .. ابي ورقة بدخل الملتقى

قال .. ههههه كيف مافهمت

قلت .. ابي ورقه عشان ادخل ملتقى استراليا

قالي .. انت مبتعث

قلت .. كنت .. لسى .. مازلت << لخبطت ابو الدنيا

قالي .. فهمني تبي تدخل بصفتك ايش ..

قلت .. انا مبتعث

قالي .. معك بطاقه

قلت .. لا << عين قويه

قال .. يعني ماخذت بطاقتك

قلت .. لا انا مبتعث على رأس العمل

قال .. اجل ماتقدر تدخل

قلت .. طيب منا مناك

قال .. ماقدر اساعدك لكن روح للدكتور وقوله اذا دخلك كان بها

قلت .. سجلني مرافق طيب

قال .. متزوج

قلت .. الحمد لله عالعزوبيه ياراقل

قال .. اجل كيف تبي تدخل

قلت .. سجل اني اخو وحده من البنات

قالي .. عطني رقمها طيب << عيب لايروح بالكم بعيد الرجال ملتزم

قلت .. والله ياخوك انت ادرى بالوضع .. لكن ان كان مافي طريقه قولي عشان اتيسر

قالي .. والله ودي اساعدك لكن هذي مسؤليه علي وبيجيني الدكتور ويقعد يمتحني << والله انه طيوب ومسكين

قلت .. عوافي يالحبيب .. خيرها بغيرها تشاااو

قال .. ياهلا حياك بأي وقت .. مع السلامه



وعدت أدراجي بخفى حنين .. لم استفد من روحتي الا الجو الجميل

بس سهران من امس .. عشان اروح هالملتقى ابو الـ كلب

يالله عوافي .. واعانكم الله ياطلاب استراليا

يا اني شفت مهازل اليوم

اذا صحيت حكيتكم

نمسيكم بالخير جميعا

ههههههههههه عواافي ملبورن

أهم شي النية

بس أنا متأكدة ان البرزنتيشن حقك كان ممكن يفيييد أكثر من محاااضرااتهم الخطيرة


بس أحلى شي

مسكني واحد من الدكاتره من يدي وقالي وين رايح يالحبيب

قلتله بدخل قالي على اي اساس انت مبتعث .. قلت لا مرافق << انحشرت

قالي روح جيب ورقة دخول مرافقين من التسجيل << وهنا انحشرت بقوهـ

قلت طيب .. رحت للتسجيل لقيت واحد ملتزم حبوب ..

قلت .. سلام

قال .. هلا حياك الله

قلت .. ابي ورقة بدخل الملتقى

قال .. ههههه كيف مافهمت

قلت .. ابي ورقه عشان ادخل ملتقى استراليا

قالي .. انت مبتعث

قلت .. كنت .. لسى .. مازلت << لخبطت ابو الدنيا

ههههههههه جبت أخواات كان كلهااا

إييه صووح فكرة جدددا كوييييسة