.: هنـــا تجمع مبتعـثــــات ومبتعثين أستراليا :.

وفقكم الله
اللهم امين

الاخت دمعه حايره
لاتخافي كثير على الانجليزي صحيح المفروض يكون عندك شوي اساس على الاقل وانصحك تاخذي كورس قبل تسافري لو مده شهر يساعدك في المطار وفي رحلتك وبعدها لاتخافي لانه عندي اخ مبتعث وكانت لغته مو مره يعني يادوب يقدر يكون جملة والحين مر عليه تقريبا سته اشهر والحمدلله يعرف يعبر عن نفسه ويتكلم بسهوله يعني ماتوقعت هذا التقدم بهذي الفتره البسيطه بس انصحك تتعلمي شيء بهذي الفتره.

السلام عليكم ورحمة الله وبركاته ..

الموضوع سهاله يا أخوات .. ومثل مامشت امور غيركم بإذن الله تمشي اموركم ,,

توكلوا على الله وإن شاء الله مايردكم خائبين ..


عموما إحنا متواجدين معاكم بالمنتدى للرد على جميع استفساراتكم ,, وماراح نقصر معكم بشيء ان شاء الله


بالسلامه ^_*

اهلين مبتعثي استراليا.........وحشتوني

الانقطاع خارج عن السيطرة .....

كيف حالكم وشو الاخبار ......؟؟؟؟؟؟؟؟

الحمدلله تحقق حلمي وانقبلت استراليا ....بس تصدقون كثير ناس غيرولي رأي لكندا>> ذحين تقتلوني >>>>>بس انا مرتاحه نفسيا لاستراليا وان شاء الله استقر عليها

كنت حابه استفسر كم استفسار ....كيف احجز من هنا على فندق باستراليا دخلت كذا موقع بس مااعمري جربتها ......ابغى خبرتكم في هالشي .....يعني ابغى سيارة تنتظرنا بالمطار وتودينا الفندق لانتوهق انا واخوي ونضيع .........

وسؤال ثاني ...لازم يكون معي وسيله اتصال موبايل شو تنصحوني اشيل معي جوالي الحالي وكم تقريبا تكلفه المكالمات حتكون........يعني لازم اشحن البطاقه كم المبلغ

ومشكورين على المساعده اللي بتعملوها للمبتعثين الجدد

والله ياوخيتي مالي خبره ومابعد جاني قبول

عسى الله يجيبه

ربنا يكتب الخير

طموح وأمل خلك دايم زي اسمك

ان شاء الله يجيك لقبول وترجع بالشهاده باذن الله

مبروك القبول اختي

بالنسبه للسكن فمدري انتي قبولك في اي مدينه ؟
يعني اول الايام رح تاخدي فندق و عاد في خلال الاسابيع الاولى تبدء رحلة البحث عن السكن الدائم
فعن تجربتي حجزت اول شي في فندق لمدة 5 أيام( الحجز كان عن طريق مكتب سياحي ) انا شفت الفندق في النت
و رحت و طلبت يحجز لي
طبعا ممكن تحجزي بالنت لو عندك كردت كارد و لو عندك خبره في الحجز
المهم 5 ايام صراحه ما كانت كافيه اني الاقي سكن
و الفندق الله يهديني كنت مختارته غالي بس كل شي غالي يعني ما في رخيص

المهم بعدين واحد جزاه الله خير من السعودين قال الى ان تلاقو سكن رح احجز لكم في شقه فندقيه
تكون ارخص من الفندق
يعني الاسبوع كله بــ 600 دولار
و الله وافقنا اش نسوي نجلس في الشارع

بس و كل يوم بحث بحث عن سكن الى ان ربي سهلها و لقيت السكن

فيعني الي ممكن اقدر انصحك فيه انه لا تتورطي في فنادق غاليه و مشي حالك في اي فندق
الى ان تلاقي السكن و الحجز ممكن من النت بس زي ما قلت لك لو عندك كردت كارد لأنه رح يطلبو منك تدفعي و كده

بالنسبه للجوال انا جوالي السعودي كان فاتورة مو شحن
فمدري كم تشحني صراحه
لكن طبعا الدقيقه غاليه ... كم مدري صراحه
و ببساطه من يوم ما توصلي على اقرب محل للجوالات سواء
optus OR vodafone
اي شي .. <<< لا احد يجي و يقول اوبتس احسن و مدري ايش
انا جربت الاثنين و صراحه على قد ما الناس مدحو لي في اوبتس لكن انا اشوفهم حراميه و فودافون احسن مليون مره <<< هذا رأي

المهم تروحو لهم و تقولي ابغى بطاقة جوال = sim card
بس و في ثواني يعطوكي هيا
سلم و استلم و ابدئي كلمي و طبعا لازم تكوني حريصه انك ما تكلمي كثير السعوديه ليييييه ؟؟؟
لأن الشحن رح يخلص و ممكن يخلص في يومين << مجربتها قبل

فعاد كل شي في البدايه ممكن تشوفيه صعب لكن مع الوقت تتعودي و تصير لك حياتك هنا
و خصوصا بعد ما تستقري في السكن و كده و تبدءي الدراسه خلاص كله يصير عادي

اتمنى اني اكون اجبت على سؤالك و موفقه

اوه نسيت شي
بالنسه لاحد يستقبلكم
فاذا انتي حجزتي في فندق اول ما تخرجي من المطار رح تلاقي تكاسي كثير
اعطيهم العنوان و رح يوصلوك لمكان ما تبغي
طبعا تكوني كاتبته في ورقه كده ، و لا تتكلمي و لا شي
بالاشاره

يعني لا تشيلي هم و مو لازم احد يستقبلك
اذا خايفه حاولي تتواصلي مع احد من المبتعثين في مدينتك
على حد علمي في معظم المدن او كل المدن الاستراليه يوجد نادي سعودي
و يعرضو خدماتهم زي كده لو تبغي احد يستقبلك او الفندق
فشوفي كيف الموضوع و ربي يسهل لك

يعطيكي العافيه يا هايدي على المعلومات والنصائح
لكي مني جزيل الشكر
ولي عوده هنا

ياجماعة لو احد يعرف ايش الجامعات إلي تقدم النانو تكنولوجي غير جامعة فليدرز
وحابة أعرف كيف المعيشة في ملبورن وهل جامعة RMIT تعطي ماستر في النانو تكنولوجي