.: هنـــا تجمع مبتعـثــــات ومبتعثين أستراليا :.
.: هنـــا تجمع مبتعـثــــات ومبتعثين أستراليا :.
تنبيه: هذا الموضوع قديم. تم طرحه قبل 6479 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - 7 "معليش أخووي sea_wave بس والله ما أنتبهت
المهم أنا سلمت جوازي يوم الاربعاء 2\5 ووصل يوم الاثنين 22\5 بس أوراقك كانت كامله 100% والله يوفقك أخوي - 7 "سلام مساء الخييير للجميييع
الله يبارك فيكم
المهم قبل شوي سلمت أوراقي وكل شي الحمد لله تمام وما أقدر أضيف أي شي لأن الشباب
كفو بس فيه شي ممكن مو مهم علشانك تقدر تسويه بسرعه الي هو إذا لم يكتب في متابعة
الطلب (يتم التحقق من القبول) يقول لك أرجع للدكتووور يسويها لك بياخذ عشر دقايق يطقطق في الجهاز
بالنسبه للسفر كل شخص لوحده حسب موعد الدراسه طبعا الدكتوور العيسى كان مروووق اليوم
قمت أنا ادردش معاه شوي عن سبب التأخر في وصول قبولاتنا و عن جامعتي وعن الاستقبال في
المطار و السكن (فرصه الدكتوور راايق) أول شي سألني عن موعد دراستي (16\7) قال كويس
أحجز على (1\7) وبغدين قعد يمدح لي في الجامعة إلخ..... وبالنسبه للقوبولات مافيه أي تأخير بل
وصلت بسرعه
علشان الضمانات الماليه لم تصل الا في 1\3 يعني شهرين فقط وبعدين وصلنا
للأستقبال والسكن (كان ودي أقول له غادة تقول لازم واحد يستقبلها) يقول رتب أمور السكن
والاستقبال عن طريق (الاي دي بي) طبعا سألته عن الشروط المهمه بالنسبه للسكن عن عائله
يعني وش ممكن أشترط قال لي أهم شي أن تكون قريبه للمعهد علشان الدوام يصير (كعابي)
نرجع للاستقبال قال المفروض يتم أستقبالك مجاني عن طريق المعهد بس إذا ما فيه أستفسر عن السعر لا تورط نفسك
وبعدين سلمت أوراقي وقالت ياولد وش رايك تحجز لنفسك ومريت مكتب الطيار فرع الوزارة فال لي
ما فيه حجز عن طريقي الا إذا كان معاك تذاكر قلت أووكيه وأطير لمكتب الطيار الفرع الرئيسي
(شارع التخصصي) وأدخل وأسولف مع الموظف شوي بعدين قلت ابغى حجز لسدني يوم( 3\7
خطوط الامارات) قال فيه بس متى تقص التذاكر قلت إذا عطوني الوزارة قال أنت تبع وزارة التعليم
العالي قلت أيييه قال ممنوع أحجزلك قلت ليش قال لكم سستم خاص فيكم ( طبعا أنا
حاجز على الخطوط السعودية عن طريق ماليزيا انتظار) قلت طيب أنا حجزت بالتلفون
على الخطوط السعوديه
قال ماراح ينفعك (يعني غادة ما فيه خطوط فلبينيه) قلت مع السلامه
يؤؤؤه تعبت مشاوير اليوم بس أن شاء الله ما أكون طولت عليكم
(عزووز وينه له يومين مش مبين)
الف الف الف الف مبروووك اخوي عاايد الله يوفقك ان شاء الله :123:
اخوي بغيت اسئلك يا الطيب وشلون بالحجز يعني اذا ما نقدر تحجز ولا يحجزون لنا من الان يعني ننتظر و الوزارة بتضبط الموضوع ولا كيف - هلا يا عايد .. مشكووور على ردك7 "
ايه اوراقي كاملة الحمدلله ..
ووصل جوازي للسفارة يوم 14/5/2007 ..
و الله كريييييم و تخلص الاجراءات بسرعة - 7 "أحمد نت أنت خوي الجامعة لازم الرد عليك بسرعة بعد
المهم حسب كلام موظفين مكتب الطيار إذا كنت تبع وزارة التعليم العالي ماراح تقدر تحجز الا إذا كانت التذاكر معاك (هذا حسب كلام موظف فرع الوزارة + فرع التخصصي)
وبتوفيق لك أخوي - 7 "
الله يعطيك العاافية ما تقصر يالغالي
جامعتك نيوساوث ويلز؟؟ - 7 "أييييه نعم جامعتي نيوساوث ويلز نفس جامعك
- 7 "انا هنا(عزووز وينه له يومين مش مبين)
السلام عليكم ورحمة الله وبركاته
ازيكو قميعا
قسم بالله اني مسبوط
مو من البعثه ولا التذاكر ولا الفيزا ولا اي شي
عارفين ايش الي باسطني
زمان يوم كنت ادخل موضوع زي هذا مشابه له في المضمون
ماكان فيه الا انا وهايدي والاشباح
وبعدين جاء هذا الموضوع وجت غاده وبعدها معلق وبعدهم تيدي ومس بروقرامر وماد فيجن
وسكولر ومحمد الجعيدي والزهراني والفنار وغيرهم كثير وكثير
والحين يوم اغيب يوم ويومين ارجع الاقي الموضوع مشعلل ماشاء الله والشباب داخلين فبعض
وتعاون وفله
قسم بالله انه يعتمد عليكم فأستراليا بإذن الله
وان شاء الله اننا نكون يد وحده
عرفتوا ليش انا مبسوط الحين
الموهيم
سي وايف
اخوي محمد الجعيدي وصل جوازه للسفاره يوم 10 \5
وطلع اليوم 21\5
وانا وصل جوازي للسفاره يوم 13\5
وبإذن الله بيطلع يابعد بكره او بالكثير السبت ان شاء الله
عشان كذا اقولك تطمن ياعسل
لانه انت مطلع القرار يعني امر الاركاب ماياخذ يوم واحد وبالراحه راح تلحق ان شاء الله
وانا الاسبوع الجاي يمكن اطلع الرياض عشان اطلع القرار واحجز على يوم 11\6 ميلادي
اخرت السفر يوم عشان خاطر عيون زهير
بإذن الله نتقابل قبل اسافر
- 7 "مبارك عليك ياعبديا بحور الشوق صدور الفيزا
وعقبال يارب صدور قرار الإبتعاث
وإنشاء الله يارب يسهل أمورك ولجميع الطلاب
بس ياريت أحد يجاوبني ويقولي ليه جوازي في ال IDB بدبي ولين الحين ماراح السفارة وأنا مرسل أوراقي من 21/4 واليوم 22/5 مشاء الله ذكرى مرور شهر على جوازي في الIDB بدبي
بس ماأقول إلا الحمد الله على كل حال
وبالتوفيق للجميع - 7 "fkb
انا لسى ماصدرت الفيزا حقي ان شاء الله يومين وتصدر يارب
وبالنسبه لفيزتك اتصل على اي دي بي فرع دبي واسألهم ارسلتوا الاوراق على السفاره ولا لسى
واذا قالولك ارسلناها اتصل بعدها على السفاره واطلب منهم رقم المتابعه لطلبك الي عندهم
بيعطونك الرقم وتتابع فيه حالة الطلب من موقع السفاره
بالتوفيق ياعسل
و معليش بكرر سؤالي مرة ثانية لانك الظاهر ما انتبهت له ..
كم المدة من السفارة استلمت جوازك إلى تاريخ إصدار الفيزا؟
الله يخليك ضروري أعرف لأن دراستي بتبدأ 12/6/2007 .. و صارلي أسبوع مسلم جوازي .. و خايف ان الفيزا تصدر متأخر بعد موعد دراستي ..
شاكر لك تعاونك و تفهمك