دراسة الصيف .. ممكن إعطائي خبرتك وتجربتك ؟

السلام عليكم ورحمة الله ..
مساء الخير على الجميع ..
يا اخوان انا أفكر اطلع الصيف على حسابي شهرين لاستراليا وحاب استفيد من خبراتكم وتجاربكم ..
عندي اسئله ياليت تردون علي فيها ..:

1- وش تنصحوني من المكاتب .. وكم تقعد الفيزا في السفاره ..
انصح تجيب قبولك بنفسك .. خصوصا" قبول اللغه اسهل ما يمكن
مايخص الفيزه .. يمكنك استخراج فيزه سياحيه .. اذا كنت تنوي الدراسه لإقل من ثلاث اشهر .. وتستغرق من يومين إلا خمس ايام


2- افضل خطوط الطيران وكم راح تكلفني ..
في وقت الصيف بالسعوديه. غالبا" الخطوط السنغافوريه تقدم عروض جيده .. ولكن قبل تحديد الخطوط .. يجب تحديد المدينه .. لكي تختار اريح الرحلات للوصول للمدينه اللي تريدها

3- المدن المريحه واللي فيها أقليات سعوديه وعربيه بشكل عام للاستفاده اكبر قدر ممكن ..
حقيقه .. كل المدن فيها سعوديين وبشكل كثير نسبيا" خصوصا الكبرى منها .
ولكن انصحك بالبحث عن معهد خاص ( يعني غير تابع للجامعات وغير معترف به من قبل الجامعات لإن الطلاب السعوديون لا يتواجدون في هذه المعاهد وغالبا" حتى التواجد العربي لا تجده فيها )..

4- معاهد بالمدن المقترحه وتكلفتها بالدلاور او الريال ..
كل مدينه يوجد قسم خاص بها هنا .. فماعليك إلا التوجه للقسم .. والنهل من المعلومات
غالبا" تكلفه .. المعاهد ..
280 إلى 340 دولار بالاسبوع

5- وبشكل عام كم راح تكلفني الرحله الدراسيه
كل شي له حسبته ... سكن .. معهد .. المدينة اللي بتجي فيها .
غالبا" المعهد والسكن مع عايله .. تكلفك 540 دولار بالاسبوع . وحط فوقها 100 دولار تذاكر نقل وتمشيه خفيفه.
كمل الحسبه بالاسبوع .. وشوف وضعك

بانتظار ردودكم

ولكم مني جزيل الشكر

الف شكر يابعدي .. على المعلومات ..
بس تحملني شوي وبغيت أسألك .. وشلون ادور على معهد يقبلني ..
كل المعاهد تقبلك .. وبأي مدينه تحب
ووش المعهد اللي تنصحني فيه .. باستثناء المدينه بس اهم شي المعهد ..
مثل ما وضحت لكم يابعدي .. كل ولاية لها معاهدها .. يعني كمثال . لو قلت ولاية جنوب استراليا اقدر اقول لك كذا معهد (لا يوجد معهد اسمه مشتهر على مستوىة استراليا ويوجد به فروع بكل مكان بأستراليا) .. ونسبة السعوديين فيها قليله جدا" قد تصل إلا اثنين او ثلاثه بالكثير
لكن الولايات الاخرى تقدر تدخل على الاقسام .. وتلقي نظره .. وراح تحصل اسماء المعاهد .. التي تناسبك ..
وسؤالي الأخير هل المعهد الغير معترف فيه وظيفيا في المستقبل تنفع شهادته ؟؟
والله مدري عن موضوع التوظيف .. واكون معك صادق .. ما اتوقع شهرين كافيه لإتقان اللغه .. خصوصا" اذا كنت مبتدئ او شبه مبتدئ.. وحسب معلوماتي ان التوظيف يشترط دائما" اتقان اللغه ولا يهتم بالمده اللي درستها

السلام عليكم ورحمة الله ..
مساء الخير على الجميع ..
مساااااااااااء النووور والسرور
يا اخوان انا أفكر اطلع الصيف على حسابي شهرين لاستراليا وحاب استفيد من خبراتكم وتجاربكم ..
عندي اسئله ياليت تردون علي فيها ..:
عسى الله يوفقك ياااااارب واحسن ما سويت

1- وش تنصحوني من المكاتب .. وكم تقعد الفيزا في السفاره ..
انصحك بمكتب بجده المركز العربي للاعمال بجوار بنك الاستثمار الدور الثاني على اليمين
2- افضل خطوط الطيران وكم راح تكلفني ..
الخطوط الامراتيه تكلفك اذا من السعوديه 4866 ريال روحه بس

3- المدن المريحه واللي فيها أقليات سعوديه وعربيه بشكل عام للاستفاده اكبر قدر ممكن ..
برزبن

4- معاهد بالمدن المقترحه وتكلفتها بالدلاور او الريال ..

5- وبشكل عام كم راح تكلفني الرحله الدراسيه

الله اعلم بس اتوكل على الله ما دام انها شهرين وربنا يوفقك

بانتظار ردودكم

ولكم مني جزيل الشكر